يا عروس خذي طريقة عطرك اللي بتطير عقول أخر من في القاعة!!!!

يا عرايس يا حلوين

جعلكم كلكم تتهنون
خلوني أقول لكم على طريقة تعطير خرافية
بس أمنتكم الوحدة منكم ما تستخدمها إلا في حلال
مو تتعطر وتطلع سوق وإلا مع سايق
وهذي طريقة سبشل وخاصة للعروس والله يالريحة تظل في فراشها اللي بنتام فيه كم يوم

وأنا أهديها لبنت عمي:flower: :flower: :flower: (g) (g) حبيبة قلبي عرسها هالصيفية
وبما أنه منتدى عروس منتداها المفضل قررت أحطه هنا
وأنفع صاحباتها العرايس فيه
أمنت كل من تدخل وتقرأ أمانة أمانة تدعي لبنت عمي بالتوفيق

نجي للطريقة:


أساسها خذتها من وحدة من سنين في منتدى عالم حواء
بس أنا عدلتها بطريقتي الخاصة

يا عروستنا جيبي الست كامل
الصابونة مو شاور جل
العطر
مزيل العرق لو تحبين
والبودي لوشن
عطر الشعر
وأنصحك بـ ألور من شانيل مافيه عروس مانصحتها فيه إلا وشكرتني
لأانه ألور فيه كل شي حتى مزيل العرق البخاخ
والبيرفيوم حقه صغنون ريحته ثابته ثابته بس غالي شوي بس العروس تستاهل الغالي

يعني هو منه:
بيرفيوم (الأقوى)
ايدي تواليت (الأخف)
ايدي بيرفيوم (الوسط)
عطر شعر
مزيل عرق بخاخ مو ديودرانت
صابونة
بودي لوشن
(يعني ست خرااااااااافي)

نبدأ بالخطوات:

جيبي فستان عرسك وقصي نتف من الصابونة وحطيها في ثنايا الفستان يعني عن الصدر والأباط
وخليها كم يوم
يوم العرس شيلي هالنتف وتحممي فيهم عشان مايروحون خساره
لما تجففين جسمك أخلطي مع البودي لوشن شوي مسك ودهني جسمك عدل
ورشي مزيل العرق خصوصا لو عرسك بالصيف ريحته تجنن مزيل عرق ألور
حطي مخمرية في شعرك
تبخري عدل عدل بالبخور اللي تبينه
رشي عطر الشعر على شعرك
والعطر على ملابسك وكثري كثري وخصوصا قبل الطلعة على الناس
وأنا أنصحك تعطرين بالبريفيوم على ملابسك الداخلية
والأيدي تواليت على ملابسك الخارجية لأنه لونه شفاف
أخاف البريفيوم يبقع ملابسكم وإلا شي
ونعييما

والله ريحتك الحلوة تجيب لين أخر القاعة وتدوخين العالم
ويارب كلكم وتتهنون