اين انت ؟

السلام عليكم ورحمة الله وبركاته ..


اظن تعرفوني؟

اختكم حلم .. عمري 20 سنه ..

واللي ما يعرفني ماعليه كلافه يقرا هالموضوع .. مب طويل وايد لا تتعايزون :sad:

http://www.3roos.com/forums/showthread.php?t=236766




مادري ليش يا ف بالي اكتبلكم .. بس جد والله محتاجه افضفض ..

بنات .. والله احس ف قلبي يسكن هالانسان .. والله محرجه وانا اتكلم عنه بهالطريقه ..

لكن جد والله لو بيدي اقتلعه من اعماقي .. او بيدي اتجاهل هالشعور .. جان اتجاهلته من زمان ..

بتقولون مب شي يديد .. قلتيلنا عن هالشعور ف موضوعج الاولي ..

لكن اليوم والله احس بضيج .. بنات ودي يكون لي انا بس ..

تخيلوا يتني وحده تقولي احس فلانه تليق حق فلان .. :sad:

هو مب من اهلي ..... وبدون تفاصيل .. لكن ساعتها حسيت عمري تحطمت ..

بصيح كنت .. والله ويهي تغير .. استويت حتى انفعالاتي ما اقدر اكتمها ..

المشكله ماعرف كيف اركز عاللي يدامي واخلي كل شي للنصيب ..

غرقانه فدراستي وحياتي واهلي وهواياتي ..لكنه ف كل هذيلا له نصيب ..

ولازم يطل براسه علي ...

والله ساعات اتمنى تكون مراهقه .. اتمنى تكون مشاعر غبيه ..

لكن سنه سنه سنه اتجاهل هالشعور .. احس مشاعر كبيره .. اكبر مني .. مب قدها انا ..

احزن الجئ لربي وساعتها اتمنى لو يكون معاي ..

موضوع محرج فوق ما تتخيلون ..

والله ماعرف شو اقولكم .. بس والله سكن اعماق اعماق اعماق اعماقي ...

وساعات ودي يطلع من القلب لأني تعبت ....

بنات ادعولي لو كان في خيره يجمعنا ربي ع خير ..

او عالاقل تروح هالمشاعر ..

احس الموضوع مشوش .. يمكن لأني مشوشه ..

بس حبيت افضفض ..

ودعواتكم لي خواتي ..