ليالي رومنسية... تعالو كلنا نشارك فيها

[glint]احب ريلي[/glint]
أول شئ هلا فيك حبيبتي معانا..
ومنورتنا بتواجدك ..

بالنسبة لي ... باقي على ذكرى زواجنا الأول 3 شهور ..
وأنا قريب بولد إن شاء الله .. الصراحة ما أدري شلون بتكون ضروفي مع البيبي ساعتها ..
لأنو يوم مايتكرر غير مرة بالسنة ..
بس الله يعين ..
تحياتي لك يالغالية
وخلينا نشوفك دايماً ..

دمتي بـــود

اتمنى المتزوجات يفيدونج

وااااااااااو مشاء الله عليك يااحب ريلي

ليلة مشاء الله تهبلللللل

الله يديم عليكم السعاده

انا لسه مو متزوجه >>>طيب وش مدخلك هههههه

بانتظار اقرى ردور العرايس

:clap: :clap: صراحة وايد حلو قعدت اتخيل منضر البيت مرة حلو اللة يهنيك ويسعدك انتي وزوجك ويشوفك
احلا امرأة في العالم

هلا وغلا احب ريلي

بالنسبه لي انا حبيت أغير عن البيت في يوم ميلاده

حجزت جناح بفندق

وطبعا اكيد انتوا عارفين قصدي يعني بتلات ورد أحمر وابيض,شموع بيضاء,بالونات احمر وابيض


بعض فنادق ممكن تعمل لك الديزاين والديكوريشن اللي تبينه

بس حتى ولو يحتاج لمسه من لمساتك

وضبطت كل شئ طبعا في محل يبيع لك الرغوه حق البانيو زي الكور الملونه يعني تعمل لك

رغوه وريحه حلوه وكمان لون مع الشموع الحمراء والمناشف البيضاء طالع مره الديكور حلو

والسرير نثرت عليه بتلات الورد وعطرت السرير وطبعا اهم شئ انتي فل ميك اب والشعر

واللبش طبعا اهم شئ..!!

وبالنسبه للطريقه طبعا انا كنت غايبه عنه طول يوم عيد ميلاده عشان يكون الشوق ذابحه :)

ورحت لبيت اهلي على اساس اكون عندهم ومن هناك طلعت على الأوتيل

وكتبت له مسج((حبيبي أنا في فندق,,,عازمتك على العشاء,,,تعال في غرفة رقم,,الدور,,))

وبعدها أرسلت مسج((أول ماتوصل حبيبي روح للريسبشن وخليهم يعطونك مفتاح الغرفه أنا بتاخر الطريق زحمه))

وراح أقولكم ليش قلت كذا بالمسج الثاني,,

أنا كنت موجوده أساسا هناك بس ماكنت ابغى استقبله يعني مو انا اللي افتح له الباب

أقولكم ليش..!

كنت جايبه أوراق وقصيتها على اشكال قلوب وكاتبه عليهم اتجاهات وتعليمات والهدف انه يتفاجأ من الديكور ويسغرب انا وين :) :)

وكنت كاتبه عليها حبيبتك محتجزه في حباااال حبك تعال وفكها لها

وطبعا تلبسي لانجر ي وتربطي خيوط حمراء على الجسم يعني اكيد فاهمين قصدي

صدقيني راح يتوووه ويضيييييع زوجك

وطبعا بعده اعملي له شاور دافي وروقي أعصابه وعشاء خفيف واكيد الهديه طبعا

تكون حاجه محتاجها زوجك وناقصته ومو مهمه القيمه قد ماتكون من قلبك ومحتاجها زوجك

وبصراحه كانت ليله ماتنسى وكنت ابغاها تكون غير لأنها أول يوم ميلاد له وانا وياه

وش رأيكم؟!!

سوووري طولت عليكم..وشكرا عزيزتي على موضوعك..اتمنى اكون افدت خواتي بالأفكار

وعليكم السلام

تسلمي على الموضوع الحلو

المفاجآت في الحياة الزوجية مهمة لنها تكسر الروتين وتجدد الحياة تزيد الحب بين الطرفين

في عيد ميلاد جوزي عملت مفاجأة له عزيمةفي مطعم على البحر وبترتيبات خاصة للعرسان
وقلته قبلها بكم يوم إنه أهلي مسوين عزيمة في اليوم الفلاني بدون ما أحدد التاريخ حق ليوم
عشان لا يتنبه

وجهزت الكيكة إللي يحبها
وكانت الأجواء مساعدة ... الاضاءة ..المنظر
بصراحة كانت ليلة حلوة
وربي يسعد الجميع

الله يهنينا جميعا
بصراحه بالنسبه لي باقي لعيد زواجنا شهر وبنفس اليوم زوجي بيوصل من سفر دام اربعه شهور بصراحه مش عارفه ايش اسوي افيدوني

يا سلام عليكن
والله انكم فنانات تعرفون للرومنسيه
ان شاء الله يوم بعرس بحطلكم تجاربي..بس ادعولي
والله يسعدكم ان شاء الله
ويخليكم لازواجكم ويخلي ازواجكم لكم ^__^

ردة فعل زوجج حلــــــوة ههههههه الله يخليه ويسخره لج قولي آميــــــــــن

ونبي ردود أكثر

موضوع رااااااااائـــــــــــــع

ننتظر تفاعل المتزوجات

رومانسية

ياحظكم
عندكم ليالي رومنسيه

هذا عيب العزوبيه
خخخخخخخخ
ادعولي
عشان اسوى مثلكم

دلوعة توتي

روووووووعة

بس ماقلتي لنا ردة فعل زوجج :)

الله يسعدكم ياااااااارب

ماشاء الله افكار رهيبة فعلا والله يسعد كل وحدة مع زوجها يارب

انا بعيدميلاد زوجي عزمته على الغداء بره في مطعم فخم وانبسط كتير كان اول مرة يروحه وكان نفسه يروحه المهم لما رجعنا عالبيت هو راح الدوام وانا رتبت البيت ومليت الارض كلها بالونات بالون مختلفه وانا عملت كيكة بالبيت وزينتها ووزعت الشموع في البيت وعملت سفرة عشا ( معجنات - تبولة - حلويات - بشاميل ) وطبعا حطيت كاستين عصير مزينين ولبست فستان حلو وجديد ورتبت نفسي طبعا وجبتله ساعة كان نفسه فيها وغلفتها وحطيتها مع دبدوب على صينية مزخرفة هو لما دخل عالبيت ما كان متوقع اني اعمل شيئ غير الغداء وانبسط كتير واتفاجأ وكان يوم مميز وحلوووووووو

انا بذكرى الملجة احتفلت معاه في البيت

كان راقد الظهر وسويت نفسي بنام

عقب مارقد سحبت عمري


نسقت الاصلة وحطيت شموع وكل شي احمر ... لانه يوم الملجه كل شي كان احمر

وحطيت كيكة وهديه

ونثرت ورق ورد صناعي

بس خرب علي المفاجاة وانا بعز الشغل قام وطلع الصالة ...


بس كانت ذكرى حلوة


يالله عقبال مايفاجئني بذكرى العرس

لان بكون مع البيبي وقتها

هذا ردي كان ع موضوع ثاني بس حبيت اعرضه هنا عشان ازودكم بكم فكره بسيطه من أفكاري

QUOTE=الحبُ الكبير]انا صار لي 6 شهور متزوجه وبقولكم وش سويت حق زوجي في كل فتره وفتره اسويله سبرايس وخصوصا لما يرجع من السفر اول مره سويت له عيد ميلاد وشريت كيكه وشموع ولبست احسن لبس وقعدت فهذا شي بسيط وفي المره الثانيه كان راجع من الصين فخذيت بالونات ونشرتها في البيت كله وحطيت مجموعه بسيطه ع السرير وفي كل بالونه مكتوب فيها كلمه حلوة يعني احبك 00 وحشتني00 فديتك00 ياعمري كله الخ0000 وخذيت ورق ملون احمر وقصيتهم بحجم صغير ع شكل قلب وكتبت عليهم احبك وحطيتهم ع السرير بشكل قلب كبير وحطيت بوسط القلب ورده روز حمر وتحتها ورقه مزينه كتبت فيها شعر من تأليفي وشريت اكسسوارات جديده حق البيت وشموع وحركات وبخرت المكان وتعطرت ولبست وتمكيجت ليما جات اللحظه الحاسمه لما دخل تفاجأ وما عرف شيسوي من الونااسه وبصراحه ضمني ضمه مابنساها طول عمري ..

وحتى شي بسيط ولو انا رايحه بيت اهلي وراجعه اخلي له ورقه ع السرير مكتوب فيها كلام حلو يفرح مع انه شي بسيط بس هو يستاهل فديته..

والسفره الي بعدها سويت اشيا بسيطه غيرت الفراش ومره لصقت اسهم ع الجدار تضيعه وتدليه ع مكان الهديه ومره جهزت له الحمام شامبو والصابون والعطورات والخرابيط وغير كل شي جديد فيعني حركات حلوة وتكون ذكرى مع العلم اذا الزوجه بادرت وسوت هالشي هي بتكون الكسبانه لانها بتم ذكرى عند الزوج طول العمر ماينساها مثل ماقالي هو وكلما يتذكر يفرح اكثر واكثر...


ومشكوووووره اختي ع هالمشاركه...[/QUOTE]

أشكرك ياأختي ( أحب ريلي )
وأحب أنبهك بتحريم كل الأعياد غير العيدين في السنة فقط عيد الفطر وعيد الأضحى . وباإمكانك أن تقولي ساأضع احتفال بمناسبة مرور ذكرى يوم زواجنا . وأشكرك مرة أخرى:shy:

السلام عليكم
بالنسبه لي ما احتفل مع زوجي لابيوم الزواج ولا الميلاد
بس اتوصى في الاعياد
ودائما ما يمر عيد الا وانا مختاره لون جديد
يعني مثلا في مره اخترت الاحمر وخليت كل الحجرة احمر باحمر من ورد وشموع ولحاف وقلوب ونفافيخ
ومره كانت اخضر
ومره برتقالي
ومره وردي
ومره ولاشي لان خلصت فلوسي:sad:
ونفس الشي اهتم الله يعزكم بالحمام فمثلا امد فيه اغصان من الاوراق وانوع بالوان الورد
واهم شي البانيوا الرغوه وانثر عليها ورد محمدي
واخلي الحجرة ثلج وريحتها واصله لاخر الدنيا(طبعا بخور)





لكن للاسف ريلي بس يبتسم





بس لما مر اخر عيد وانا مب مسويه شي تكلم وقال الله يرحم ايام الدلع يوم كنتي تهتمين فيني
:shy:
بس عااااااااااااااااد انا طحت فيه ليش ماتقول شي عيل دام انه يعجبك؟؟؟؟
وبس
(r)
تحياتي للكل

الله يهنيكم ان شاءالله ،، ويسعدكم ،،



وان شاءالله الله يخليكم لازواجكم ويخليهم لكم ،،
وما يطالعووون غيركم ،،

وانتوا تفيدونا احنا اللي تونا صغار ما عرسنا ،،
وان شاءالهل بنطبق كل شي حلو سويتوه في المستقبل ،،


احترامي

الله يهنيك يا رب

انه احب اسوي الى زوجي ليالي رومنسية بس ماحس هو يفرح لما اسوي له

مرة سويت له شي بسيط يعني بس رتبت الغرفة وحطيت شموع غيرت اشياء بسيطة فيها وحسيته كانمسسسس
فرحان ومبسوط

في عيد زواجنا الاول رتبت الغرفة وحطيت فيها شموع وكيكة وانواع من الحلويات وكنت رايحه الصالون ولابسه احلى
ولابسه احلى لبس وكأني احلى من العروس نفسها ولابس له طرحه هو صح من النوع الا ما يهتم
بهذي الاشياء بس حسيته انبسط فيي اكثر من الهدايا والعشاء وغيره


واحاول بين فترة وثاني اسوي له احلى ليلة رومنسية وان شاءالله هالمرة بسوي وبخبركم