للي يزهبن شنطه المستشفى ...تعالو بقول شي؟؟

حبيبتي آنا مثل حالتج وفي بداية الثامن ،، وابي اجهز حقيبة المستشفى بس ماعرف شلون اضبط عمري مع ان كل اغراضي شريتهم كاملين ،، بس احس مو عارفه ارتب حالي ..

ان شاء الله اللي عندهم خبره يساعدونا ..

وانا اخـــــس عنكم ههههه

اخر اسبوع فالسابع..ولا سويت شي..بس اعرف اشتري.

اخذي من 0-3 بس لا تاخذين واااايد وخذي اللبس الكامل الي يغطي الريل وفوانيل داخليه..بس اتحملي تاخذين وايد لان البيبي يكبر بسرعه ماشالله.

بس الباجي ما اعرف عنه شي

السلام عليكم
انا بعد بنهاية الثامن وخلصت تجهيز الاغراض الحمد لله وبما انه هذا االحمل الثاني لي يعني صار عندي خبررره شوي مسويه كبيره عليهم <<<<<<<:bigsmile:
بالنسبه لي راح احط اربع ارواب مريحه لي ومناسبه للرضاعه
فوطه وشامبو ولوشن ومشط وفرشة اسنان ومعجون وعطر وديودرنت
و فوط للصدر هذي مهمه جداااااااااااااااااااااااا بالنسبه لي
وووووووووووووووووووووووووو بس
بالنسبه للبيبي هم يعطون الغيارات والحليب طول فترة الجلوس بالمستشفى عشان كذا ماراح اخذ الا غيارات بسيطه
وهي غيارين داخليه وبربتوزين كامله و مهادين قطن والمفرش اللي ينحط فيه البيبي
وحفاظات للبيبي ومناديل معطره
وسلامتكم

الله يسهل عليكم وعلي الولادة ان شاء الله
اول شي
تشترين كله من 0-3 شهور
ملابس تبانات داخليه
اوفورولات
لفات للبيبي مهاد
قبعة مع دسوس ودلاغات للرجل
يعني اخذي ملابس داخليه درزن
اوفورولات شكلي فيها منها اللي لها رجل واللي مفتوحه من ناحية الرجل
اخذي عدد يكفيج لان الطفل يرجع يتوصخ ويحتاج للتغيير دائما
انتي شنو تشوفين العدد اللي تقدرين عليه بس لاتكثرين وايد لان الطفل بعد فتره الاربعين راح يتغير حجمة
ويكبر

البوردة والشامبو والصابون الخاص في عندج جونسن
سيباميد طبي
واللي انتي ترتاحين له

خلينا للمستشفى

حبيبتي انا في ولادتي في ولدي
سويت حركة ريحتني وايد

اخذت اكياس صغار
وعددها ثلاثة
كل كيس وضعت فيه ملابس الغيار كاملة
وضعت قطعة ملابس داخليه ، افورول ، مهاد ، قبعه ، دسوس ، دلاغات وقفلت الكيس ودبسته
لما اول ماولدت اعطيتهم واحد
وثاني يوم واحد
وثالث يوم واحد وانا طالعة من المستشفى
هذه اهي شنطة المستشفى بالاضافة
الى لفه جميله مطرزه ناعمة تلفين الطفل فيها اذا حضر لك ضيوف بالمستشفى

ولك اخذي ملابس قطنيه داخليه
وخصوصا الخاصة بالرضاعه
اخذي لك قمصان ستان عندما ياتي لك ضيوف
واخذي لك بيجامات اما قطعتين او قطعة واحده للنوم شرط القطن اريح لك
واخذي غيارات فوط صحيه
مشط ، كريماتك الخاصة ، صابون ، شامبو ، فوطة كبيره عندما تستحمين وفوطة صغيره عندما تغسلين للوجه واليدين
اخذي لك سروال طويل الوالدة لابد ان تتدفى وتلبس جوارب قطنية
ونعال خفيفة خام لداخل الغرفة

وان شاء الله ما اكون نسيت شي

وبالسلامة ان شاء الله


دمتم سالمين
اختكم شريفة

السلام عليكم

هلا اختي

اول شي الله يسهل عليج وعلينا يارب

انا نفسج هاي اول حمل لي

انا قاعده اجهز الشنطة الحين

حطيت لي انا كذا قميص حق الاستقبال وحطيت حق البيبي 5 بدل احتياط كل وحده مع الدلاغ والقبعه وقفازات اليد والقطعه الداخليه
ورتبتهم في الشنطه بحيث كل طقم بروحه عشان اسهل لي يوم اطلعهم
وحطيت القطن مال الصدر وحطيت لي برايفت وبامبرز حق البيبي
ومرضاعتين وحده حق حليب ووحده حق ماي
وحطيت فوطه صغيرة عشان اذا رجع البيبي وفوطه شوي اكبر عشان ااذا ببدل البيبي الحفاضه

وحطيت لي فوطه كبيرة وفوطه صغيرة
وبعد ملابس داخليه قطن وشورتات وستيانات رضاعه
وشامبو وصابون ومعجون اسنان وفرشاة اسنان ومشط حق البيبي

وبعد باقيلي كذا شغله للحين ماحطيتها
شيله عشان اذا دخل دكتور
والمشط والديودرنت والعطر بس لازم يكون بدون كحول عشان البيبي مايتأذى ودهن العود
وباقي بعد الشبشب (الله يعزج)
ومهادات البيبي والمفرش ماله واللحاف لين الحين ماحطيتهم

وبس هاي تقريبا الاغراض اللي الوحده تحتاجهم في المستشفى
وتختلف على حسب عدد الايام اللي راح تقعدين فيها في المستشفى

اشكركن ع المرور والردود


بس بغيت اسال شو فايدة

فوط للصدر

شو فايدتها

بنت عز 99

هاي مفيده عسب ما تخيسين عمرج لان الحليب يتسرب من الصدر..يعني فجأة اتشوفين بقعه حليب على ملابسج ..فا عسب تتجنبين هالشي اتحطين فوط الصدر

الله يسهل أموركم يا رب

[CELL="filter:;"][ALIGN=center]الله يسهل عليكم ويقومكم بالسلامة[/CELL]

<<-------------- استفددددت والله

الله يعطيكم الف عافيه

يسلمووووووووووووا بس انا اللحين قام ينزل من صدري حليب واحس الحلمه ماتي متيرحه (مجروحه)

هلا بخواتي الكروشاااااااااااااااااات


عسى الله يسهل علينا جميع ويرزقنا بالذرية الصالحة ...آآآآآآآآآآآآمين


بصراحه من زمان قريت موضوع لاختي اريام واستفدت منه وايد واتمنى الفايدة للجميع..بس هاااااااااااه لا تنسوني من دعاواتكن الحلوة ..

واتفضلن الرابط

http://www.3roos.com/forums/showthread.php?t=200077&highlight=%CD%E6%C7%E3%E1+%C7%E1%C7%E3%C7%D1%C7%CA

الله يسهل عليكم ويقومكم بالسلامة

والله موضوع حلو وقاعدين نستيفيد منة
مشكورة الى صاحبة الموضوع على فتحة

مشكووووورات يا بنات ع الاستفاااااادة انا ممن اللحين قمت اكتب اللي احتاجه عسب اسير الجمعيه اشتريه من دون ما انسى

وع الثيااااااااب البارحه ريلي الله يخليه سار اشترى لبيبي ثيااااااااااب والوان روعه من بيبي شوب اخذ القياس وروحه سار يشتري له ... الله يخليه لي يارب

بنت عز 99

سيري مذركير مسوي تنزيلات انا خليت اختي اتسير تدرين انا كسلانه ملاي بارض..

امس بس رحت الخياط وعطيته 5 قطع يسويلي جلاليب للمستفشى الي فيهن دانتيل وهالسوالف..

وبشتري شبشب وانتوا بكرامة باخذ لوون بيج عسب البسه على كل اللوان الي عندي..

وباخذ فراش للمستشفى..وطبعا التوزيعات انا روحي بسويهم..وبسوي شي خيفيف..

للبيبي.. بعدني ما فكرت شو بحط في الشنطه انا بس افكر في عمري..

وابا اشتري شلح كامله لانه اريح..وطبعا اندر وير..

فرشاة اسنان- مشط- اسشوار (هي لازم) هههههه_ ديودرنت- صابون - كريم مال الوجه ..(هالي مذكرتنه الحين)

عطورااات وهالسوالف ما بشل ( لان البيبي يحسس من هالسوالف توه طالع للدنيا وبشرته حساسسه جدا ) انتوا لو تدرون حتى اديودرن الي نستخدمه مب زين للحرمه الي ترضع ( بس ما نستغنى عنه بعد ما نروم انتم جي)

بس تعبت لو تذكرت شي بخبركم

اسشوار (هي لازم) هههههه

اللحين اللي اتربي وين تتفيج تستشور ... انا امي قالتلي انها اتكون مكسرة

اهلين خواااتي


الله يسهل عليكم ان شاء الله


حملي الاول حطيت اغراااض وااايدة في الشنطة حقي وحق البيبي

ولا استخدمتهم كلهم لأني ولدت في مستشفى حكووومي

اهم شي قالةا انهم يبغون ثياااب للبيبي وحفاظاات


اما عن حملي الثاني اخذت اغراض قليلة واهم شي الصابون والشامبوا وفرشة الاسناااان

اما ثياب البيبي حملت له لبستين

ولاأخذوا مني ولا حااااجة بس يووم طلعت بدلت له

لأن المستشفى هي تكفلت بكل شي من ثياااب البيبي وغيارااات لأن ولادتي كانت في مستشفى خااص


بس هالمرة رااح اجهز لي كم لبسة لي وللبيبي

لأني راح اولد في مستشفى حكووومي

الله يثبت حملنا ويسهل ولادتنا يااارب

الله يسهل عليكم كلكم ان شاء الله