حمد الله على سلامتك يا ولدي الغالي

s

smsm78

مشرفة سابقة

11-04-2007 | 05:32 PM

السلام عليكم ورحمة الله وبركاته:

يحليلي والله اقول الحمد لله على كل حال في السراء والضراء

بخبركن شو صار لولدي من يومين:

رحت بيت هلي علشان الوالدة كانت تعبانة وقالت لي تعالي عندنا ، ورحت لهم من العصر وقعدت معاهم، طبعا عيالي معاي، الاولاد تمللو مساكين من داخل الصالة مع انها كبيرة
ولدي الكبير يحب الكرة وايد وساعتها كانت مباراة الوصل والشباب وقاعدين نطالع، فقعد يلعب لنا كرة بالصالة قلت للخدامة طلعيه بالحوش يلعب اهو واخوه بس خذي بالج منهم
ظلو يلعبون وباب الصالة مفتوح وان كل شئ اطالع واودي لهم اكل، وبنفس الوقت اقول فخاطريه : احسن خلهم يلعبون وايد علشان لما اروح ابدل ملابسهم يتعشون وينامون..
الشغالة الله يهداها حطت ولدي الصغير 8شهور ونص بالسيكل حق ولد اخويه ، والسيكل ما عليه حواجز يعني ولدي يباله حد ايوده علشان ما يطيح، بس اهي شو سوت خلته على السيكل وراحت عنه تركض ورى ولدي الثاني علشان يحب الكورة وتلعب معاه

والله العظيم يا دووووووووووووووووب راحت حق ولدي الكبير الا والصغير__________>>طايح من فوق السيكل على ويهه

يوووووووووووووووه، نزززززززززف بطريقة فظيييييييييعة وكل الكلنكس خلص عليه ، الحين نبي نعرف من وين النزيف مو قادرين علشان الدم مغطي وييهه!!!!!!!!!!!!!!!

طبعا كان يصيح بطريقة فظيعة وانا امتليت دم ثيابي من فوق لتحت، بعدين رقد من التعب والالم ،يوم رقد عاد انتفخ ويهه وورمت شفايفه وبين الدم كان من وين!!!!!!!!!!!

كان من خشمه اليسار ولسانه، الولد طايح وانجرح لسانه جرح كبييييييييييييييييييير
وعلى طول المستشفى اول ما شافه الدكتور قال ع الاشعة تعالي الحمد لله ان عمتي وعمي كانو هناك معاي ودشو وراه انا ما قدرت علشان حامل
ورقدونا بالمستشفى ، تحت الملاحظة ومنعو عنه الاكل والشرب علشان بيسوون له عمليه على الصبح وانا طول ا لليل مش نايمة خلاص انهرت تعبانة حدي من صراخه لأنه يوعان ويتالم
على الساعة 8 الصبح شافه الدكتور وقال يالله عمليات لازم خياطة الجرح كبير وما بيقدر يرضع !! وسوو له بنج كامل طبعا وخيطوه خمس غرز والله انا كنت ميتة من البكي وكل هذا ابوه مش موجود بالدوام وابوه يتقطع يبي يرجع مو قادر لين اليوم فديته وصل وبالضرابة بعد

بعدين طلعوه من العمليات، واهو دايخ طبعا لين ما فك البنج عنه وحاولت ااكله مو راضي، عطوني اعطيه اشياء باردة ايس كريم وحليب بارد تبري الجرح والحمد لله البارح بالليل طلعت بس لازم طبعا اشوفه بالبيت وجذه وعندي مراجعات بعد يومين يشوفون حالته

سبحان الله قدر الله ما شاء فعل، فديته كان يلعب مع خالاته ومستانس ويضحك وساعة وحدة طاح

لا اله الا الله محمد رسول الله، الانسان لازم يشكر الله على كل شئ والحمد لله وهذي كل السالفة باجر بنروح انا وابوه التعليم المبكر بناخذ له هدية سلامته
وهذي كل القصة

ت

توتة البحرين

مشرفة سابقة

11-04-2007 | 05:45 PM

عزيزتي تأثرت كثيرا بالحادث اللي مر به طفلك وانتي كمان

الله يخلي لج اياه يارب

e

endless hope

عروس رائعة

11-04-2007 | 05:48 PM

الله يحفظه لج وما يشوف شر يا رب ^_^

ا

الدمشقية

مشرفة سابقة

11-04-2007 | 05:48 PM

ياويلي الله ستر

والله وجعني قلبي عنه الحمد لله اللي ربك ستر وسلّم ماتشوفي شر فيهم ايدا ياااارب

الف الحمد لله على سلامته يااارب

l

lolu

عروس مشرقة

11-04-2007 | 05:52 PM

أخييييييه حبيبي والله
الف الحمدلله على سلامته اختي طلعي صدقة عن ولدج الله يحفظه لج انشالله

ض

ضياء القمر

عروس مبدعة

11-04-2007 | 06:00 PM

تستاهلين سلامته اختي روعة دبي

وربي قلبي تقطع عليه

دفعي البلا عنه

و صلي ركعتين شكر

و حمدلله على سلامته :shy:

ج

جمـــانة

مشرفة سابقة

11-04-2007 | 06:04 PM

lolu:
أخييييييه حبيبي والله
الف الحمدلله على سلامته اختي طلعي صدقة عن ولدج الله يحفظه لج انشالله

:sad: :sad: :sad:

l

lany

عروس رائعة

11-04-2007 | 06:15 PM

الحمد لله على سلامته و ان شاء الله ما تشوفوا شر
و الله قلبي حاسس فيكي أصعب شي على الام تشوف ابنها يتعذب
و ان شاء الله الله يشفيه بسرعة يا رب
و الحمد لله على سلامته و الله يحفظلك اولادك كلهم يا رب

ع

عضوة

11-04-2007 | 06:23 PM

الحمد لله على سلامته و ان شاء الله ما تشوفوا شر
وربي قلبي تقطع عليه الله يحفظه لج انشالله

u

umm_7amoody

عروس رائعة

11-04-2007 | 06:29 PM

الف الحمد لله على سلامتة

ع

عيون بوظبي

مشرفة سابقة

11-04-2007 | 06:35 PM

عورني قلبي والله

تستاهلون سلامته ..

ماتتخيلين شكثر اتغصصت ..

اجر وعافية ان شالله

بس بصراحه كيف سكتتي على الشغاله ؟؟ يعني هدته عشان تلعب ويا ولدج العود ؟؟ والله لو عندي مادري شو كنت سويت فيها

Q

Qtr Girl

عروس ماسية

11-04-2007 | 06:46 PM

لاحووووووووووووووووول ولا قووووووة الا بالله:sad:

واله عورني قلبي عليه مايستاهل المسكين:confused:

المهم الحمدالله على سلامته ومايشوف شر

(f) (f) (f)

F

FLoOoOoOoNA

عروس مبدعة

11-04-2007 | 06:53 PM

سلامات مايشوف شي فديته والله مايستاهل....تستاهلين سلامته يالغالية والله عور قلبيييييييي...يلا يكبر و ينسى

ن

نبع الدلع

عروس متألقة

11-04-2007 | 08:38 PM

الحمد لله على سلامته و ان شاء الله ما تشوفوا شر

*

*جوهرة الدوحة*

عروس فضية

11-04-2007 | 09:20 PM

الف الحمدلله على سلامته ومايشوف شر
الله يخلي لج ياه يارب

a

angel eyes

مشرفة سابقة

11-04-2007 | 09:49 PM

يالله..يعني كبر ولدي حمودي....ما اتخيل يستويله جييييييه..الله يحفظه لي من كل شر...

الحمدلله على سلامته حبيبي...والله يحفظه لج هو واخوه من كل شر

بصراحه لو شغالتي مادري شو كنت بسوي فيها...

يلا حصل خير

u

um_mohmed

عروس مشرقة

11-04-2007 | 10:05 PM

ألف الحمد لله على ولدج .

h

hamdooty

عروس فضية

11-04-2007 | 10:09 PM

الله يحفظه لج وما يشوف شر يا رب ^_^

صديقة بنتي طاحت في المدرسة وانجرح لسانها وودوها المستشفى وخيطوا لسانها

ا

القيوانيه

عروس رائعة

11-04-2007 | 10:40 PM

عورني قلبي عليه فديت روحه...

ما يشوف شر ان شاء الله.. وألف الحمد الله على سلامته...

أ

أم نونية

عروس رائعة

11-04-2007 | 11:20 PM

الحمد لله على سلامته
هدية سلامته شكر نعمة العافية
التصدق بصدقة غالية
أو كفالة طفل يتيم
وغيرها من اوجه الخير