بنت أختي غرييييبة..........

هلا أختي
واحليلها بعدها صغيره
ما اعتقد فيها شي
وع قدانم بتكون أحسن
بس لا تعقدونها وتقولولها انها ما تفهم أو شي لان الطفل يتاثر بكلام أهله
قولولها انتي شاطره وعلموها الغلط
وبتلاحظي انها بتتحسن ان شا الله

أختى بالمرة لا تقولون جدام البنت ماتفهمين او انت بطيئة أو غبيه ومن هذا الكلام،، أنا وايد أحتر لما أسمع حد يقول لعياله هالكلام،، صدقوني وايد يأثر في الطفل ويخلي شخصيته غير متزنة.

انتوا حاولوا معاها تسرع بس بدون ماتحسسونها، لما تبتدون معاها الدراسة او الكلام بعدوا عنها اي شي يشتت مخها وإن شاء الله بتتعلم وهي بعدها صغيرة..

يمكن ضرب أبوها لها بعد مأثر فيها ومخلي شخصيتها ضعيفة ودوم فيها خوف...

مشكورة على الرد بس نسيت أقولج إن لازم من ترجع من المدرسة أمها تدرسها ولا بتلقيها تروح عند بنت خالها وتلعب معاها وبعد بالنسبة للحفظ ما تحفظ بسرعة وما تنطق عدل و أمها ما تحفظها تلقين حد ثاني يحفظها لأن أمها سمعها ثقيل وما تنطق بعض الحروف عدل وعن نفسي أحاول أحفظها باللعب ولا بالموسيقى ولا بالغناء بس بصراحة بسرعة وأمل و أحس اتيني قبل وقت نومها ويكون ما شيء وقت بعد ......

[grade="00008B FF6347 008000 4B0082"]اختي عادي مو كل الاطفال نفس مستوى الذكاء و الاستيعاب

و اكو اطفال اذكياء بس بطيئين او كسلانين يعني مالهم خلق يدرسون و يكتبون يكون شاغل بالهم التلفزيون و اللعب

خلي امها تكون قريبة منها يمكن عندها مشاكل بالروضة و تخاف تقول

الله يخليها و يهديها امين[/grade]

اول شي البنت كبرت على المرضاعة صح لازم توقفوها وتعلموها تشرب بالكاس افضل ويحسسها انها خلاص كبرت

ثاني شي من ايش بالضبط تخاف وتسرح انتبهو من هي النقطة خللي حدا قريب عليها محبب ممكن انتي عشانك خالتها او اي احد تحبه مووت يناقشها ليش تسرحين بايش تفكري ومن هالكلام ترى بتفهم اعتقد ماهي صغيرة مرة

وبالنسبة للذكاء والحفظ كل طفل له كفاءات تختلف عن طفل اخر
ليش مابتنبهو على اكلها وممكن تعطوها حب زيت السمك هو طبيعي وما ياثر عليها ان شالله وكتييير منيح للذكاء

كل شي بالعقل

البنت ماراح تكتب الا لما تشجعونها وتعطونها ثقة بنفسها وهي لين الحين صغيره

وعى المرضاعه عادي خلولها تتغذا مثل ماهي تحب بروحها بتحس انها كبيرة وبتتركها

بس كل قولولهاماشالله على الحلوه الشاطره والابله تقول انتي شطوووورة واتعرفين تكتبين

والله بتستانس وكل شوي بتكتب وبتراوي امها اللي كتبته اتأكد حق امها كلام الابله

والله يساعد امها

حرام عليج بعدها البنية اصغيرونة يعني توها كي جي 1 صح؟يعني عمرها 4 سنين تقريبا نفس عمر بنت اخويه فديتها وكانت وايد بطيئة ف الكتابة بس هالشي عادي لأن ايدينهم ف هالسن اتكون بعدها ضعيفة وعلى أكل االأظافر بعد هي يتها فترة تاكل اظافرها مب شرط فيها شي بس لنها تقلد اربيعتها الي ف الروضة بس الحمدلله ودرتها هالعادة تدرين كيف؟ اشتريلها مقراض مال البيبيات وخلوها بروحها تقص اظافرها لما يكبرون وبعدين حطيلها مناكير بتستانس وايد صح بيكون شكلهم مب مرتب بس بتكون حريصة على انهم يكبرون عشان بس اتقصهم ابروحها..ويتها فترة كانت تبول ف فراشها..
ومرات اتصيح يوم تنش من الرقاد..ع النطق ترا شي عادي بنت اخويه تسمي التفاح فتاح..وتعالي اسمعي الرمسة عاد لما تتدلع هههه ..وإذا ع اللعب ..اختيه كل اليهال يحبون اللعب ماشي ياهل يحب انه يكون مقيد بدراسة أو واجبات ..احيانا اليهال يسوون هالاشياء لفت انتباه ومرات يقلدون ربعهم بس أهم شي تعرفون كيف تتعاملون مع الموقف صح..يعني مب زين اتقولين عن ياهل اتفكر ف حبيب القلب!!!يوم اتكون سرحانة خذيها بمزح وضحك وقوليلها هاه زخيتج بشو تفكرين؟!وبعدين حضنيها واتمي سولفي معها ووبدلع قوليها خبريني شو هنيه واشري ع راسها..صدقيني بتخبرج
دلوعتنا استوت تتعمد تسرح عشان بس نهتم فيها ..ولو تسمعين الاشياء الي تفكر فيها بتموتين من الضحك
وع فكرة بنت اخويه بسم الله عليها عسى الله يحفظها ويخليها ف الروضة ماخذة A+ والمس اتقول ان مستوى ذكاءها اكبر من عمرها بوايد..

ما شاء الله عليها ........ ومشكورة ع الرد.........

ما شاء الله عليها :clap: ........ ومشكورة ع الرد.........