قدر الله وما شاء فعل ..

السلام عليكم ..

الحمد لله على كل حــال ..

شكلي بواصل معاكم قصة خالتي ..

http://www.3roos.com/forums/showthread.php?t=235791


للاسف خالتي من حوالي اسبوعين قام ينزل عليها افرازات بنية اللون واستفسرت عن نزول هالافرزات البنية عند اللي سبق وحملوا من قبل وكنت انا احداهن وانا شخصيا مريت بهالتجربة بحملي الاولي لكن امور الحمل كانت تمام واستمرت معها هالمادة البنية لمدة اسبوع لكنها فضلت عدم الذهاب للمستشفى بسبب الكلام اللي سمعته واللي طمنها " رغم اني قلت لها روحي المستشفى وتطمني افضل " ..
وبعد ما توقفت هالمادة البنية صار لقاء بينها وبين زوجها وتفاجأت بعدها بنزول الدم .. وكانت كميته من كمية الدورة الشهرية ونفس الالام المصاحبة وقامت تسأل بعد وخبروها ان هالشي عادي ولما سألتني قلت لها ان اللي قاعده تتعرض له صار لي في حملي الاولي بالضبط من دم وافرازات والام لكني رحت المستشفى وتطمنت بس هي الله يهديها ما راحت وللاسف في ناس من بينهم امها قالوا لها هالشي عادي لا تروحين المستشفى لانهم مالهم امان ..
واستمر عليها نزول الدم وبعدها تفاجأت بنزل قطع صغيرة مع الدم ، فقررت اخيرا تروح المستشفى ولما راحت طلع ان نسبة الHP عندها 8 ولما سووا لها التراساوند طلع ان البيبي عمره 7 اسابيع بينما المفروض يكون عمره 10 اسابيع :sad:
وبما ان دورتها غير منتظمة قالوا ان احتمال الحمل صار متأخر واحتمال يكون الجنين متوقف عن النموواخذوا منها دم لتحليل نسبة الهرمون وقالوا لها تراجعه بعد 3 ايام وبيشوفون النتيجة ..
هالكلام صار ليلة الجمعة .. ويوم الجمعة احنا كنا متجمعين وكانت خالتي معانا وكانت وايد خايفة وحاولت انها تكون دايما نايمة " لانها كانت محتاجة للراحه وعدم الحركة " لكن الدم كان مستمر في النزول مع بعض القطع .. والليل على الساعه 9 راحت الحمام ورجعت وهي خايفة اكثر وتقول ان نزلت عليها قطع اكبر شوي .. وانا كنت خايفة جداااااااا عليها ومتذكرة قصة الاخت رانيا البحرينية وكان عندي احساس انها في حالة اجهاض لكن كنت اقول بعد ان ما فيها الا العافية وان شا الله تكون بخير ، وطبعا ما خبرت احد ابدا بقصة الاخت رانيا علشان ما يخافون ويحاتون ..
صباح يوم السبت الساعه 4 الفجر شعرت خالتي بآلام فظييييييييعة مع استمرار نزول الدم والقطع وكانت نايمة مع زوجها في بيت ابوها وراحوا المستشفى واتضح انها اجهضت:confused:

سووا لها عملية تنظيف وطبعا الHp وصل 7 وخلوها عندهم يومين بالمستفى كانت خلال هاليومين على طول اكياس الدم مركبة عليها .. وامس الحمد لله طلعت من المسشفى بالسلامة ..

اللي صار احزننا جداااااااا لان كلنا حبينا هالجنين من عرفنا انها حامل وكنا نتكلم عن حملها وايد وهي كانت وايد تتسأل عن الحمل وعن متى تبدأ تشتري الاغراض وعن كل شي يخص الحمل وطلبت مني كتب عن الحمل وعطيتها ووو .............. :sad: الحمد لله على كل حال

قدر الله وما شاء فعل

الله يعوضها خير ان شاء الله

دعواتكم لها بالصبر وبالصحة والعافية وان الله يعوضها عاجلا ان شاء الله :sad: