محتاجه فزعتكم بسرعه والله يوفقها اللي تنصحني

بسم الله الرحمن الرحيم
السلام عليكم ورحمة الله تعالى وبركاته
اخوتي اتمنى من الله ثم منكم المساعده
والله اني احسبكم حسبة خواتي والله الشاهد
اخواتي انا عندي مشكلة مع صديقتي هي متورطة مع شخص عرفته عن طريق التلفون لكن ما تحبه وتقول انه ما بينهم شي الا سوالف اخويه وبس وهو شكالها حاله وهي تقول ان من باب المساعده اعطته مبلغ 400 دينار كويتي وابعثتهم له حواله لانه كان خارج الدوله وهو طلب منها المبلغ لانه يبي يسوي عمليه في القلب وقالت لي انها تركته وشرت خط جديد واقفلت الخط اللي كانت تكلمه منه وبعد فتره جت وقالت لي انها رجعت له وانه هو اللي ألح عليها انه محتاجها وانها هي سبب هدايته وطلب منها مبلغ اكبر من اللي طلبه قبل علشان يوفي أقساط العمليه اللي سواها ويوفي دين صديقه اللي باع قطعة أرض عنده علشان يعطي لصديقه ويسوي العمليه ويقول لها انه هو الحين يطالبه بفلوسه وان ادين ذابحه هذا على حسب كلام صديقتي عن لسان هذا الشخص وهو الحين طالب منها مبلغ 15 ألف دينار وقالت له ما عندها قال قولي لصديقاتك يدبرون لي هالمبلغ وهي قبل اسبوع اعطته مبلغ 400 دينار مره ثانيه غير ال400 اللي اعطته من قبل وقابلته وقعدت وياه بكبينه في مطعم وتقول انه هو اللي صايد عليها دليل وهو انها لما ارسلت له المبلغ اول مره كانت عن طريق حواله لانه كان خارج الدوله ولما ارسلتهم له ارسلتهم بأسمها وبياناتها مكتوبه على ورقة الحواله يعني اسمها الكامل ورقمها ورقم هويتها وارسلتهم بأسم صديقه وهو الحين تقول انه يسامها عليها اما انها تعطيه مبلغ 15 أف دينار او انه يفضحها بالورقه وتقول انه راح للمخفر يعني للشرطه وكان يبي يقدم بلاغ ضدها ويقول انها هي نصبت عليه بفلوس وتقول انه راح لمحامي وقال له نفس الكلام اللي قاله بالشرطه والحين تقول تعالي معاي وواخذيني بسيارتج اروح اشوفه علشان يعطيني الورقه شنو اسوي؟ اعطوني حل افيدوني الله يجزاكم خير وقبل شوي اتصل عليها وقال لها اذا جيتي هاتي معاج 15 ألف دينار وجهازها الموبايل يبي ياخذه يقول لها ابيه يكون ذكرى منج عندي وعلى فكره هي اول ما تعرفت عليه تعرفت عليه بأسمي يعنى ما قالت له اسمها لا قالت له اسمي وهذا الشي مضايقني وخايفه منه وانا خايفه على نفسي وبنفس الوقت خايفه عليها قولولي شنو أسوي بسرعه الله يخليكم والحين هي تكلم واحد ثاني بس لين الحين ببدايه العلاقه وتقول انه يحبها