سؤال عن البرنامج اليومي لطفل

اختي الحزن بذاته


في البدايه ... بتكلم عن نوعية الاكل اللي تاكله !!!

من طبع الطفل انه مايحب يفطر ... بس لازم انتي تعودينها وتغيرين لها الفطور ...مش دايما" كورن فليكس ...

حطي لها بيض
جبن
بانكيك مع عسل
مربى

وبالنسبه للغدا .... ليش الوجبه محذوفه !!!

الاطفال وايد يحبون الرز ... وغيري لها يوم رز مع روب
او رز ومرق

شوربه

مكرونا

رز وخضار !!

يعني الطفل لازم يتغذا ...ولا تقولين ماتحب ...لأنها ماتعرف مصلحتها والاطفال ينسون ياكلون اصلا"

_____________________________________________

بالنسبه للجدول اليومي ... مااحي انها تلعب وتتحرك في يومها الطفل يحتاج انه ينطلق ويتحرك ...

يعني المفروض مرتين او ثلاث مرات بالاسبوع تروحون الحديقه او الممشى اوال كورنيش ... لازم يفرغون طاقتهم ويتحركون ويمشون ويركضون
__________________________

والله يخليها لج ان شاء الله

السلام عليكم ورحمه الله وبركاته

اختي .... بالنسبه لي برنامج بنتج كلش مب صحي ... اول شي انتي وين من برنامج بنتج ,, بعدين بنتج عمرها خمس سنوات ليش ما تبتدين تعلمينها الالتزام الديني شوي ...... يعني على الاقل تعرف مواعيد الصلاه .....

ثانيا وجباتها غيريها لها خليها مره الاسبوع او مرتين تتغدى معاكم برا او تتعشا برى يعني تغير جو عشان تاكل الشي الثاني خلي شكل الغدا حلو وجذاب وفي كتب كثيره ومواقع بعد ...

بعدين بالنسبه للعلب حددي لها ساعة اللعب وخليها تقضي نشاطات ثانيه في بنات في سنها يروحون مراكز تحفيظ قرأن .... او شركيها في نادي او مكان تستفيد منه او انتي خصصي لها وقت تعليمي تستفيد منه حتى لو كان وقت للرسم .... صحيح الحضانه تعطيها بس انتي لازم يكون لج دور ناقشي معاها امور يومها ... واسمعي لها ...

تحياتي لج ,,, واتمنى اني افدتج

جزاك الله خير ياأخت موزون وا ن شالله بعمل بنصايحك وعلى فكرة ترى تطلع بيت أهلي أو العاب لازم مب على طول على على هالبرنامج بس غالبا في ايام الدراسة يكون كذا
يعني في حركة ولعب
والله يخليكم لي يا بنات منتدى عروووووووووس:clap:

الله يحفظلج بنتج
والبنات ما قصروا بردودهم
وطبعا أهم شي التغيير عشان ما تستمل من الاكل

أختى مانقول الا برنامجك معاها غلط بس محتاج تعديل..

يعني الصبح قبل الروضة مو شرط كل يوم كورن فليكس،، بدلي معاها روب فواكة، بان كيك، المهم شي غير عن كل يوم...

الروضة، سوي لها سندويش وحطي معاه فواكة وبسكوت.

لما ترجع الظهر لازم تتغدى لا تقولين محذوف من البرنامج، لا تخليها من الحين تفرض رايها عليكم، خليها تاكل معاكم او سوي لها طبق تحبه، مثل المعكرونة كل الأطفال يحبوها، سوي لها مرة بالصلصة الحمرة ومرة بالبيضاء وأشكال المعكرونة كثيرة بالجمعيات.

بخوص تعلم اللغة شي رائع واصلي عليه، بيساعد على تقوية اللغة من الصغر.

مثل ماقالت الأخت نور بخصوص الصلاة،، علميها شوي شوي يكون ماتوصل السبع الا هي متعلمة، يعني مو كل صلاة لا لكن تقدرين تقولين لها يله خل نصلي مع بعض ووقفيها جنبك وأشتري لها لبس صلاة صغير مع سجادة صغيرة. ولا تنسين تعلميها القرآن، حتى لو قبل النوم وهي على السرير.

العشاء مو كل يوم بيضة حرام أصلا مو زين البيض كل يوم، يوم سوي شوربة خضار، يوم دجاج نجت، معكرونة، خبز مع جبن، معجنات.

لا تنسين أختى إخراجها بالهواء الطلق،، شوفي أنا آخذ ولدي كل أسبوع أحد المجمعات للعب حتى لو زوجي صار عنده شغل آروح بروحي معاه،،، بس آحس لما آخذه مكان مفتوح يركض وينط أحسه يكون فرحان أكثر ويحرك جسمه....

إن شاء الله أكون أفدتك.

فعلا الاخوات ماقصرو وانا مع كلام الاخت رانيا

الله يحفظلك هالبنوتة يااارب