مع أم ضد؟

[grade="00008B FF6347 008000 4B0082"]مساء الورد الغلا................

مع ام ضد؟؟؟؟؟؟؟؟؟؟؟

أنا بصراحه رأيي مع لأنه ألحين المواطنين كلهم سايرين يعرسون من برا فما يسوا على الوحده تقعد تتريا (ومن ترضون دينه وخلقه فزوجوه)....

والسموحه...[/grade]

( من ترضون دينه وخلقه فزوجوه)

صحيح ..بس لا تنسين انه الاختلاف بينكم بيكون كبييير في وايد اشياء ابسطها عاداكم وتقاليدكم والطريقة اللي تعيشونها؟؟
اعرف وحده لها منصب كبير في المؤسسة ومتزوجة خليجي،، طلبنا جوازها وجواز زوجها وعيالها والله انها استحت تيبهم مع ان زوجها ريال معروف ورجل اعمال؟؟

ووحده متزوجه عربي وانا اعرف انها متزوجة لكنها رفضت انها تغير وضعها الاجتماعي من عزباء الى متزوجة عشان محد يعرف؟؟ يمكن تكون هاي بعض الحالات ما ادري بس انا ضد هالفكرة بصراحة

بصراااحه اذا الوحده تزوجت خليجي انا معاها اما انها تزوجت زول او زلمه وا اي واحد عربي ضددددددددددددددددد والله يوفق الجميع

صراحة انا اشوفه عادية من خليجي فقط

إذا كان خليجي ممكن بس جنسية ثانية لاااااااااااااااااااااااااااااااااااااااااااااااااااااااااااااااااااااااااااااا :no:

ما عليكم من اللي يقولون "مع" او اللي تزوجوا غير جنسيتهم، لو كانوا راضيين و مقتنعين باللي تزوجوه ماكان طالبوا بحقوقهم كل يوم في الجرايد، من الطبيعي إن العيال يتبعون الأب بس سبحان الله يتزوجون غير مواطن و يطالبون الدولة إن تعامل أبناءهم كالمواطنين... كيييييف و هم يتبعون الأب؟ و هل تعقل مطالبهم؟
أنا اقول اللي تتزوج من غير مواطن شرط إنها تقبل و تتقبل و تقتنع إن أبناءها بيكونون غير مواطنين تماماً مثل الزوج اللي اختارته... ولازم تعترف فيهم و تفتخر فيهم جدام العالم عشان ما تظلم أبناءها، مش هي اللي إختارت؟ خلاص خلها تكون قد إختيارها :mad2:

وإذا تبي الحياة الكريمه لها و لأبناءها خلها تتزوج مواطن من بلدها عشان يتمتعون بكامل حقوقهم مثل ما عاشت هي..

في الأول والأخير

القسمه والنصيب

الصراحة وايد في شباب المواطنين مايعتمد عليهم ما قد المسؤوليه نا در ما تحصلين زينين مولازم تعيش حياة كريمة اهم شيء الاخلاق والإحترام ودينة خاصة من االأهل مب كل شيء المال في الدنيا

ضددددد ،،

(حلاة الثوب رقعته منه وفيه )

بس كل شي بها الدنيا نصيب ومحد يدري وين نصيبه

أناااااا ضد

انا مع لو كان الريال ذهب معدنه اصيل
بس هناك وايد صعوبات راح تواجهها الزوجه
والاطفال

انا مع كل البنات اللي قالوا اذا خليجي اوكي بس غيره لاااااااااااااااااااااااااا وبقوة بعد

عادي ما يواجة المشكلات ولاشئ

مرحبااااااااااااااااااااااااااااااااااااااااا

انا ضد الزواج من غير البلد فهناك العادات والتقاليد وغيرها من الامور المختلفة بينهم

وكونت فكرتي هذه من تجربة صديقة مقربة لي حيث تعرفت على زوجها في الشات وتزوجته وهي في بلدها وهو خارج بلده في اوروبا ( يعني ما شافته الا في النت ) وبعد فترة سافرت اليه وقعدت معاه لمدة اسبوعين ورجعت وبعدين هو زار بلدها .

على العموم اخر شي اكتشفت انها مو مستقرة هو في مكان وهي في مكان فطلبت الطلاق وبالفعل طلقها لكن بعد ويش:sad: :sad:

مادام مسلم فيجوز

ولاكن حتكون في صعوبات في تربية الاطفال

والله اعلم

الاسلام يسمح بذالك مادام مسلم وشهد لله بالوحدانية

تحياتي

انا مع عادي بس مايكون غير الخليجي وبسسسسسسسسسسسس لاان العادات احيانا متقاربة يعني كثير

ضد ضد ضد
الاسباب
الفروق الاجتماعيه في طريقه المعيشه اللبس ، الاكل ، حتى في اختلاف في بعض المعتقدات >حتى لو كان مسلم>

يعني هذا الريال ترك بلاده وياي يدور شغل و لازم بيرد يوم من الايام و بياخذ عياله و حرمته وياه،، على فرض انه مب زواج مصلحه "للاستفاده من مميزات المواطنه العامله في بلدها" ،، هل تقدر المواطنه تعيش غريبه في بلد غريب لو عربي بقوانينهم و طريقتهم ،،، ما اعتقد،،،،، " صديق للعايله مصري ،، عاشو طول حياتهم بين دبي و بريطانيا عيالهم ما شافو مصر و لا عاشو فيها " بعد ثلاثين سنه قرروا انهم يرجعون الوطن الام ،،، ما قدرو يعيشون و يتأقلمون ،،، يتصلون بنا يبون يرجعون ،،، عيالهم مرضوا ،،، نفسيتهم تعبت ،،، واحد منهم فعلا رجع دبي و قرر يستقر فيها للأبد،،،
فما بالج انتي راعيه البلاد ،،، شو بيكون مصيرج،،

لا تفكرين في اليوم و باجر ،،، شوفي لبعيد ،،،،،،،،،،،،،،،،،،،،

حتى نظرت المجتمع للعيال بتكون غير ،،و نظرت عيال خالاتهم بتكون غير ،،،

و اخر شي ،،، لو زوجي ولد بلادي سبني و غلط عليه أهون ،،،بس لو زوجي اي جنسيه ثانيه غلط عليج و سبج و سب اهلج شو بتسوين بتكنسلين ويزته ،،و انتي الي ويزتج عنده،،، مع العلم ان معظم حالات زواج المواطنه من عربي او اجنبي تتم من غير رضى اهل البنت يعني غصبن عليهم ،،، لا حول و لا قوه ،،،

و هاي الدنيا دواره ،،، بعد عشره و سنين نش الزوج هذا و خانج او عمل علاقات او خرج عن اطار العلاقه الزوجيه ،، وين بتسيرين لمنو بتشكين ،، منو سندج ،،،

لو ماخذه مواطن و جار عليج الزمن و طلقج الدوله تضمن لج حقوقج و حقوق عيالج من بيت و سكن و نقفه اما اذا حد ثاني ،، من وين بتيبين حقوقج؟؟ ،،،،، و عيالج شو بيكون مصيرهم و منو بيضمن لج حضانتهم ،،،

وايد اشياء كم بعدد و كم بقول ،،، هذا كله من تجربه و شفنا بعيونا ،،، المواطنه تزوجت عربي ،،هي تشتغل و هو يالس في البيت ،،، تصرف عليه ،،، و تطلب مساعدات من الدوله حق عيالها ،،،،،،

الضحيه الرئيسيه لهذا الزواج هم العيال ،،،،

بس انا أقول مايكون غريب يكون من الاهل لأن من الاهل عادي ما في مشكلة