الطلق الصناعي؟؟! افيدوني

عزيزتي وهج ...

ياقلبي لاتخافين .. وانا جربته في ولدي بس انا ماتاخر موعد ولا شئ الا بالنفس اليووم اللي حددوه لي المتوقع اني اولد فيه انفتح الرحم 3 ونص وطوولت وانا ارووح وارجع عليهم احس بس مغص ولا طلق ولا شئ .. وقالت الدكتوره راح اساعدك بتحميله صغيره ..

وقتها ماكنت اعرف انها تحميله الطلق ولا عمري شفتها وافقت اخذها ثم دخلووني غرفه الولاده .. وانا توقعت انهم يحطوونها واطلع اتمشى او ارجع بيتي خخخخخخخخخخخخخخخخخخخخ

قالت الدكتورة لا ياقلبي هذا طلق يعني شووي وبتولدين مافيه خرووج ..

دخلووني وبدووا يركبون جهاز النبض وخرابيطهم الالي على البطن وساعه تقريبا بدت الطلقات تزيد فيني .. ولدت بعدها ..

واحساسي هو نفس طريقه الطلق الطبيعي بس مده الطلق فيه اقصر شووي من الطبيعي .يعني مو اكثر من ساعتين .. . بالنسبه للسرعه احس نفس الطبيعي .. (( بين الطلقه والثانيه ..

وربي يقوومك بالسلامه ..

انا يا اختي كل ولاداتي طلق صناعي في الولادة الاولى تعبت ودخلت المستشفى من يوم السبت
وماولدت الايوم الاربعاء الفجر وحطولي خلال هذي الايام ثلاث مرات وبعدمانزلوني غرفة الولادة
حطولي طلق في المحلول الشيشة طبعا اللي تعبني ان الرحم ماكان ينفتح بسرعة ولاني رحت المستشفى موانا
مافيني ولادة اصلا أما الولادة الثانية تنومت في المستشفى والحمدلله ما حطولي الا مرة وحدة
الظهر الساعة2 والمساء الساعة 8كانوا بحطولي الثانية بس رفضت قلتهم خلوها الصبح ابغي انام
كان فينني صداع فظيع بس امانمت ماجات الساعة وحدة بالليل الا انا في الولادة وولددت اربع الفجر
والحييين أنا مع موعد للطلق الصناعي للمرة الثالثة ان شاء الله الاحد القادم الله يهون علي وعليج يارب
بالنسبة للفرق بين الطلق الصناعي والطبيعي ما أقدر أفيدج لأني ماجربت الطبيعي
ونقوم انا وانتي بالسلامة ان شاء الله
وسامحييني على الاطالة

مشكورة يا ليل المجاريح

ام اغلى فهد
تسلمين حبيبتي والله يسهل علي وعليج يارب

جربته بس ما كنت متأخره عن موعدي

يحطون لك تحميله وتبقين راقده على ظهرش ساعتين وبعدين تقدرين تقومين تتمشين عشان يجي
الطلق واذا ما جاء الم كلش لبعد ست ساعات يحطون التحميله الثانيه ونفس الطريقه لمدة 3 ايام وبعد ال3 ايام يوم راحه ويرد يتدي الكورس مره ثانيه
وان شاء الله ما تحتاجين طلق صناعي وتولدين طبيعي الليله يارب دعواتي لك

واذا تبين قصة ولادتي تلاقينها بملفي الشخصي
واي اسئلة في الخدمه

والله يقومك بالسلامه انتين ويا البيبي

3bm
مشكورة اختي
والله يسمع منك واولد الليله

أكيد أختنا الحين بين يد الممرضات..

الله يهون عليها وتقوم بالسلامة ومن تحميلة وحده تولد....