السلام عليكم شحااااااالج اختي مجد ان شاء الله بخييييير
فديييييتج حبيت اسألج وان شاء الله تساعديني ومشاء الله عليج عندج خلفيه كبيييييييييره في الميك اب والكريمات
يالله شو رايج نبدا في الاسأله =)
1_ اممممم بخصوص العنايه بمنطقه حول العيون شو تنصحيني اي كريم ممكن استخدم قبل لا احط الميك اب الماسك علما بأن فيه خطوط رفيعه يوم احط الكونسيلر او البودره تبان بشكل ملحوض ف حابه احط كريم قبل الميك اب يساعد في تقليل الخطوط ويرطب المنطقه.
2_ تنصحيني استخدم البرايم والفكس من ماك لان شرتي مختلطه.
3_ اممم بخصوص الكونسيلر تنصحيني بالتيوب من ماك ولا الفول كفر من ميك اب فور ايفر لاي حابه احطه شوي مع الميك اب او احطه قبل الميك اب ع ويهي لان فيه اماكن حبوب ودي اخفيها.
هذي إلا حاليا ودي اسألج عليها واذا في اي خطوات ممكن اسويها او اي كريم ممكن استخدمه ويعطي ويهي اشراق من مرطب او عنايه استدمه قبل المكياج ممكن تقوليلي عليه لان احس مرات ويهي يكون باهت او يبان عليه التعب لما احط الميك اب مع العلم اني احط كريم اساس نفس لون بشرتيه مب افتح و الميك اب إلا احطه ناعم وطبيعي =)
ممكن تساعديني في هالامور واذا عندج اي نصااااااايح اختي الغاليه لا تبخليييييين فيها
والسمووووووحه منج اختي ع الازعااااج
اختي مجد ممكن دقيقه من وقتج
م
08-04-2007 | 12:32 PM
B
08-04-2007 | 12:41 PM
استعملي كريمات العنايه من بودي شوب
و من استي لودر و ديور وااايد حلوووات
و من استي لودر و ديور وااايد حلوووات
م
08-04-2007 | 04:32 PM
تسلميييييييين ختيه بنت زااااااايد ما قصرتي =)
م
08-04-2007 | 11:39 PM
وعليكم السلام ،
يا هلاااا أختي ، ومشكورة على ثقتج :) ،
1_ اممممم بخصوص العنايه بمنطقه حول العيون شو تنصحيني اي كريم ممكن استخدم قبل لا احط الميك اب الماسك علما بأن فيه خطوط رفيعه يوم احط الكونسيلر او البودره تبان بشكل ملحوض ف حابه احط كريم قبل الميك اب يساعد في تقليل الخطوط ويرطب المنطقه.
طيب قبل لا أقولج عن أي عناية أو برنامج ، ممكن تقولين لي بس
- جم عمرج ،
- منطقة العين عندج تميل للجفاف أو دهنية حتى أقولج كريم مناسب لنوعها ،
- شنو برنامج العناية اللي تستخدمينه ألحين للمنطقة ،
- وشنو نوعية المزيل اللي تستخدمينه لإزالة مكياج العيون ، وشلون طريقتج إذا أمكن ،
2_ تنصحيني استخدم البرايم والفكس من ماك لان شرتي مختلطه.
أنا بشرتي مختلطة تميل للدهنية أكثر ، وأستخدم الـ فكس والبرايمر ،
وإن كان استخدامي للـ فكس أكثر ،
ونصيحتي لج : استخدمي الفكس ، لأن أحلى وأنفع للبشرة ، خصوصاً وإنه يرطب وفيه فيتامينات
للبشرة ، هذا غير إنج ممكن تستخدمينه قبل المكياج ، وممكن تستخدمينه بعد ما تنتهين من المكياج ،
لكن شخصياً أفضّل تستخدمينه قبل لا تبلشين بالمكياج ،،
3_ اممم بخصوص الكونسيلر تنصحيني بالتيوب من ماك ولا الفول كفر من ميك اب فور ايفر لاي حابه احطه شوي مع الميك اب او احطه قبل الميك اب ع ويهي لان فيه اماكن حبوب ودي اخفيها.
اممممممم أنا أستخدم كونسيلر ماك التيوب مع الأساس خصوصاً في مكياج المناسبات لأني
أبي تغطية إضافية ، بالإضافة إلى إن كونسيلر ماك التيوب ثابت بدون مثبت من خلال تجربتي ،
الأساس اللي عادةً أخلطه مع كونسيلر ماك التيوب هو أساس ديفينورا من جيرلان ،
بالنسبة لـ فل كوفر من فور إيفر حيل ثقيل ، ولو تخلطينه مع الأساس راح يعطيج تغطية من قلب
بس لاحظي إن الأساس اللي لازم تخلطينه مع الـ فل كوفر لازم يكون أساس قوامه سائل يعني خفيف
لأن الـ فل كوفر بروحه ثقيل ويبي له سائل حتى تقدرين توزعينه بكل سهولة ،
للأمانة الـ فل كوفر ما جربته بس قبل فترة كنت عند فور إيفر والبياعة جربته على إيدها
لاحظت إنه تغطيته ثقيلة تخيلي حتى مسامات إيدها غطاها لها !! ، بس اهي قالت لي إنه ما ينحط
بروحه لازم ينخلط مع أساس سائل مثل ما قلت لج :) ،
م
08-04-2007 | 11:46 PM
هذي إلا حاليا ودي اسألج عليها واذا في اي خطوات ممكن اسويها او اي كريم ممكن استخدمه ويعطي ويهي اشراق من مرطب او عنايه استدمه قبل المكياج ممكن تقوليلي عليه لان احس مرات ويهي يكون باهت او يبان عليه التعب لما احط الميك اب مع العلم اني احط كريم اساس نفس لون بشرتيه مب افتح و الميك اب إلا احطه ناعم وطبيعي =)
طيب قبل لا أقولج عن أي برنامج أو أي كريمات ،
ممكن تقولين لي بس شنو البرنامج اللي تتبعينه حالياً للعناية ببشرتج ،
وشنو الكريمات ، المنظفات ، الغسول ، التونيك ، اللي تستخدمينهم حالياً ،
وهل لج عناية أسبوعية مثل تسوين تقشير أو تحطين ماسكات ،
بانتظارج حبيبتي (f) ،،
م
09-04-2007 | 01:13 AM
مجـد:
- جم عمرج ،
- منطقة العين عندج تميل للجفاف أو دهنية حتى أقولج كريم مناسب لنوعها ،
- شنو برنامج العناية اللي تستخدمينه ألحين للمنطقة ،
- وشنو نوعية المزيل اللي تستخدمينه لإزالة مكياج العيون ، وشلون طريقتج إذا أمكن
عمري 24
منطقة العين عندي تمييييييل للجفاف
البرنامج الله يسلمج قبل كنت ماسوي اي برنامج بس مرات احط زيت اللوز ع المنطقه
المزيل إلا استخدمه هو لوريل واستخدم لويهي الملك والتونك من روك
طريقتيه لازاله مكياج العيون
احط من المحلول في القطن واخليه شوي ع عيني وعقبها ابدا بالمسح اول شي امسح الطفن المتحرك واسحبه ع تحت وعقبها من تحت الحيييين الين برا خخخخ واتوقع هالطريقه غلط
وبخصوص بشرتيه
الله يلسمج بقولج المشاكل واليوم رحت لصيدليه اشوف دكتوره الجلديه الموجوده فيها ونصحتني ب كذا شي وبقولج الحين كل شي
اول شي المشاكل إلا اعاني منها
1_ عدم توحد لون الويه عندي مناطق فاتحه ومناطق غامجه
2_ اثار حبوووووووب لان الحبوب تيني تحت الجلد وتسببلي اثاااااااار
3_ صح ان بشرتيه مختلطه بس تعاني من نقص في الماي
الكريمات إلا اعطوني اياها
1_ iklen rucionl احطه ع البقع والمناطق الغامجه كل يوم فاليل
2_ bio-pacific كريم لترطيب البشره + محيط العين
3_ غسول uriage استخدمه لتنظيف البشره ويغنيني عن الملك
4_ fcuidin قالتلي احطه لما تطلعلي حبه تحت الجلد يخوزها ولا يخليها تخلي اي اثر ع البشره
هذا البرنامج إلا نصحتني فيه دكتوره الجلديه مادري شو رايج فيه؟؟!!
وبخصوص الماسكات والتقشير او السكراب
السكراب الخفيف العادي استخدمه 2 في الاسبوع
والماسكات ما استخدمها
وسمحيلي ختيه ع الازعاااااااج =)
P
09-04-2007 | 02:02 AM
يعطيك العافيه مجوده ماقصرتي *_*
م
11-04-2007 | 11:12 AM
مجد الغاااااااااااااااليه وييييييينج؟؟!!
ح
12-04-2007 | 07:49 PM
قوووة اختي مجد
عندي استفسار بسيط ياريت لو تساعديني
الحين قامت تطلعلي حبووب تحت البشرة وتصير حمرة و تعورني
و من شنو تطلع هالحبوب؟ قبل ما كانت تطلعلي هالحبوب بالمرررة بس الحبوب اللي راسها ابيض ؟
شسوي شنو استخدم عشان ما تطلعلي هالحبوب
اقدر استخدم fcuidin عشان احل المشكلة ؟
وبشنو تنصحيني
مشكورة على وقتج وجهدج واللله يعطيج الف عافية
عندي استفسار بسيط ياريت لو تساعديني
الحين قامت تطلعلي حبووب تحت البشرة وتصير حمرة و تعورني
و من شنو تطلع هالحبوب؟ قبل ما كانت تطلعلي هالحبوب بالمرررة بس الحبوب اللي راسها ابيض ؟
شسوي شنو استخدم عشان ما تطلعلي هالحبوب
اقدر استخدم fcuidin عشان احل المشكلة ؟
وبشنو تنصحيني
مشكورة على وقتج وجهدج واللله يعطيج الف عافية
م
12-04-2007 | 08:03 PM
PrINcEss:
يعطيك العافيه مجوده ماقصرتي *_*
الله يعافيج ويخليج حبيبتي :) ،
(f) ،،
م
12-04-2007 | 08:04 PM
أخواتي :
متفيقه & حب القلوب
لي رجعة لكم إن شاء الله :) ،
(f)
م
13-04-2007 | 01:04 AM
عمري 24
منطقة العين عندي تمييييييل للجفاف
البرنامج الله يسلمج قبل كنت ماسوي اي برنامج بس مرات احط زيت اللوز ع المنطقه
المزيل إلا استخدمه هو لوريل واستخدم لويهي الملك والتونك من روك
طريقتيه لازاله مكياج العيون
احط من المحلول في القطن واخليه شوي ع عيني وعقبها ابدا بالمسح اول شي امسح الطفن المتحرك واسحبه ع تحت وعقبها من تحت الحيييين الين برا خخخخ واتوقع هالطريقه غلط
أختي نصيحة لا تحطين زيت اللوز لأن الزيت شوي ثقيل على هالمنطقة الحساسة ،
والمنطقة عندج مو بالجفاف اللي يخليج تحطين زيت مرة وحدة ،
ولذلك أقترح عليج هذا الكريم من كلينك ،

اسمه :
All About Eyes
وفيه منتج ثاني بنفس الإسم ومن نفس الماركة نازل من فترة !!

اسمه :
NEW All About Eyes™ Rich
ولاحظي كلمة Rich هذا يعني إن ترطيبه غني جداً ويناسب البنات اللي منطقة العين عندهم جافة جداً ،
لذلك أنصحج بالكريم الأول مو الثاني ،
بالسنبة للمنظف أو مزيل مكياج العين ، ومنظف وتونك روك ، إذا مرتاحة عليهم
فاستمري عليهم ، خصوصاً وإن روك ماركة طبية ، وإذا تبين بدائل أنا أعطيج ،
بالنسبة لطريقة وضع التونيك على البشرة الأفضل يكون بالطبطبة مو بالمسح ،
وطريقة تنظيف مكياج العين ، الأفضل تكون القطنة فيها محلول بكمية وافرة بس مو لدرجة البلل :) ،
بحيث ينمسح معاج المكياج بكل سهولة بدون ما تحتاجين تمسحين مرة ومرتين ،
وإذا احتجت تمسحين فامسحي بكل لطف ، وتبدين من الزاوية الداخلية للعين ،
------------------------
وأنصحج تعملين ماسكات للعين ،
الماسك الأول :
تبشرين خيارة بقشرها ( يعني لا تقشرينها ) وتجيبين قطنتين وتحطينهم على بشر الخيارة بحيث
يمتصون العصير ، وتحطين على عيونج لدة ربع أو 20 دقيقة ،
الماسك الثاني :
تجيبين قطن وتحطين فيه ماي ورد طبيعي 100% وتحطينهم على عيونج بنفس المدة السابقة ،
هالماسكات ممكن تسوينهم مرتين بالأسبوع ،
ماسك الورد أنا أحطه على عيوني وأنام فيه :D ، ولما أقعد الصبه ألاقي القطن طايح على المخدة
بس والله لما أقعد أحس عيوني فرش ، والمنطقة نضرة وحلوة ،
وعلى فكرة ممكن تسوين هالماسكات مو لمنطقة العين ، ممكن للوجه كله :) ،
م
13-04-2007 | 01:51 AM
وبخصوص بشرتيه
الله يلسمج بقولج المشاكل واليوم رحت لصيدليه اشوف دكتوره الجلديه الموجوده فيها ونصحتني ب كذا شي وبقولج الحين كل شي
اول شي المشاكل إلا اعاني منها
1_ عدم توحد لون الويه عندي مناطق فاتحه ومناطق غامجه
2_ اثار حبوووووووب لان الحبوب تيني تحت الجلد وتسببلي اثاااااااار
3_ صح ان بشرتيه مختلطه بس تعاني من نقص في الماي
الكريمات إلا اعطوني اياها
1_ iklen rucionl احطه ع البقع والمناطق الغامجه كل يوم فاليل
2_ bio-pacific كريم لترطيب البشره + محيط العين
3_ غسول uriage استخدمه لتنظيف البشره ويغنيني عن الملك
4_ fcuidin قالتلي احطه لما تطلعلي حبه تحت الجلد يخوزها ولا يخليها تخلي اي اثر ع البشره
هذا البرنامج إلا نصحتني فيه دكتوره الجلديه مادري شو رايج فيه؟؟!!
اممممم شوفي ما عندي فكرة عن الكريمات اللي وصفتها لج الدكتورة عدا كريم واحد اللي هو fcuidin
هذا اهو صح ،

شوفي يا حلوة ،
الـ fcuidin للأسف وظيفته مو نفس اللي وصفته لج الدكتورة ،
الـ fcuidin عبارة عن أنتي بايوتيك يعني مضاد حيوي ،
وصفتلياه الدكتورة مع محلول ثاني اللي اهو هذااااا ،

المحلول هذا موضعي ، أحطه على مكان الحبة ، وبعدين آخذ الـ ـ fcuidin أحطه على كامل الوجه
كـ حماية للوجه من البكتيريا المسببة للحبوب ،
وقبل كنت أستخدم هذول الكريمات للحبوب ،

ومعروفين هالكريمات للحبوب ، وتاخذينهم من الصيدلية بدون أي وصفة طبية ،
بس للأسف قالت لي الصيدلانية إنهم مو زينين فترة الصيف ، يعني ممكن أستخدمهم بالشتاااا ،
لكن بالصيف لاااااا ، ولذلك وصفت لي المحلول والـ ـ fcuidin اللي حطيتهم لج بالصورة الأولى وكان
هالحجي بالرمضان اللي فات ،
والحمدلله فعلاً حسيت بنتيجة حلوة ، واستمريت عليهم ليما العيد وبعدين تركتهم ،
وبالنسبة للحبوب اللي تطلع راح أقولج حل سهل إن شاء الله ،
شوفي على كثر أنواع الغسول اللي استخدمتهم ،




بس الله يعلم ما لقيت أفضل ولا أحلى من صابون الغار للوجه !! ، تصدقين استمريت عليه أسبوع
وما طلعت لي ولا حبة !! ، حتى الحبوب اللي تطلع لي كل شهر ( الحبوب اللي خبرج ) ما طلعت لي الحمدلله ،
بس قبل جم يوم قلت لأمي وخواتي إني أستخدم صابون الغار ومن استخدمته وما طلعت لي ولا حبة
واليوم الثاني على طول جان تطلع لي ثلاث حبات مرة وحدة :D ،
بس هذا ما يمنع إن الصابون طيب ورائع للوجه ، بس الأهم تاخذين النوعية الطيبة ،

على فكرة أنا سامعة إنه زين للحبوب ، جربيه أسبوع وإن حسيتي إن بشرتج تمام ، استمري عليه
وإلا اتركيه واستخدمي غسول طبي أو غسول نيتروجينا ،،
بالنسبة للسنفرة حلوووو إنج تستخدمينها مرتين بالأسبوع بس الأفضل تكون السنفرة نااااعمة
بحيث ما تجرح الوجه ،
طبعاً نصيحة بعد السنفرة لازم تستخدمين تونيك ، الصيدلانية تقول التونيك مهم جداً لقفل المسام
حتى ما يتلوث بالبكتيريا وبالنالي تطلع لج حبوب ،
التونيك ممكن تستخدمين تونيك روك اللي عندج أو ممكن تحطين ماي ورد باااااارد ،
وقالت لي الصيدلانية طريقة حلوة لماي الورد :
قالت لي أجيب قوالب ثلج فاضية وأحط فيها ماي ورد ، ونقطة إلى نقطتين ليمونة ،
وأخليهم بالفريزر وتستخدمين مكعبة وحدة يومياً ،
بس ما جربت طرطيقتها خخخخ لكن حسيتها حلوة ، لكن حالياً أستخدم ماي ورد على الرغم
إن عندي تونيك بس مرتاحة على ماي الورد ،
بعد التونيك يكون المرطب ، طبعاً بما إن بشرتج مختلطة أنصحج تختارين مرطب مناسب للبشرات
المختطلة وفيه مرطبات حلوة مناسبة للبشرات المختلطة تعمل بالانس للوجه ،
أتمنى أكون أفدتج وأنا حاضرة لأي سؤال أو استفسار ،،
م
13-04-2007 | 01:54 AM
حب القلوب:
قوووة اختي مجد
عندي استفسار بسيط ياريت لو تساعديني
الحين قامت تطلعلي حبووب تحت البشرة وتصير حمرة و تعورني
و من شنو تطلع هالحبوب؟ قبل ما كانت تطلعلي هالحبوب بالمرررة بس الحبوب اللي راسها ابيض ؟
شسوي شنو استخدم عشان ما تطلعلي هالحبوب
اقدر استخدم fcuidin عشان احل المشكلة ؟
وبشنو تنصحيني
مشكورة على وقتج وجهدج واللله يعطيج الف عافية
يا هلاااا أختي ،
أتمنى تقرين ردي على الأخت متفيقه لأنها تعاني نفس مشكلتج تقريباً :) ،
وأنا حاضرة لأي استفسار أو سؤال :) ،
م
14-04-2007 | 01:11 PM
تسلميييييييييييييييييييييييييين اختي الغاليه
والله يعطييييييييييييييج الصحه والعااااااااااااااافيه
والله واااااااااااااااااااااااااااااايد وااااااااااااااااايد استفدت من هالمعلومات وان شاء الله ببدا التطبيييييييييييييق =)
والله يعطييييييييييييييج الصحه والعااااااااااااااافيه
والله واااااااااااااااااااااااااااااايد وااااااااااااااااايد استفدت من هالمعلومات وان شاء الله ببدا التطبيييييييييييييق =)