طاحت من عيني

وعليكم السلام

اختي اولا انتي على اي اساس قلتي ان هو طمعان بحلالكم؟
يمكن يبي يستر على امج.....وامج ماهي اخر وحدة تتزوج بعد وفاة زوجها
وهذا شي مو حرام ولا عيب
يعني الرجال عادي يتزوج والمراة لا؟؟؟
طيب هي عندها حاجات ... ومو معناته انها بتزوج يعني ماراح تهتم وتحب عيالها مثل قبل
يمكن الرجال نيته طيبه ! والاطفال لازم الام تكلمهم وتفهمهم

وبالنهاية يا عيوني ادعي ان الله يكتب الي فيه الخير وقوليلها تستخير ربها بالموضوع
ويمكن فيها صلاح الله العالم

وليش تطيح من عينج حبيبتي؟؟؟ الي قاعده تسويه مووو حراااام وهي امج يعني لازم تتقبلينها بكل مافيها من صفات حلوة وعيوب

واتمنى ان تتيسر امورج

حبيبتي اول شي لازم تهدين وتتعوذين من ابليس والهدوء ماراح يزور نفس الا لما تقومين تتوضين تصلين ل ركعتين


امر ثاني

بالنسبه لموضوعك انا بصراحه مب عارفه كل تفاصيل حياتكم عشان ادخل فيها وانصحك

بس بسئلك سؤال

انتي رافضه فكره زواج امك عقب ابوك الله يرحمه او رافضه شخصيه عمك كزوج لامك ؟؟؟؟


ان كنتي رافضه ان امك تتزوج فياحبيبتي تصرفك بيكون فيه ظلم كبير لامك ...
انا وحده من لناس اتوقع ان صعب اقبل باي احد بعد زوجي لكن احيان الدنيا تحد الام غصب عنها ..
اول شي حطي في بالك ا الدنيا قاسيه وان ماقست اليوم بتقسى باجر عليكم وعليها هي بالذات ... فياحبيبتي فكري بالامر بمنظور اوسع .. لاتفكرين بنفسك واخوانك ... فكري في هالمسكينه اللي تعيش كل شي لحالها وبروحها

هم التربيه شي كبيرررررررررررررررر وربي اكبر من ماتتخيلينه .. وهم هالحياه اكب واكبر

مثل ما ان لك حق ترمين نفسك بحضن امك وتشكين لها همك لانها سند وذخر لك فمن حق امك انها ترمي همها بحضن شخص اقوى منه واصمد
ريحيها لتتعبينها ..
انتي واخوانك باجر بتتزوجون وبتصير هي من بعدكم كبيره بالسن ووحيده صدقيني هذا اكبر ظلم بحقها لو رفضتوا انها تتزوج بعد ابوكم


اما ان كنتي رافضه شخصيه عمك كزوج لها ... فنصيحتي لك
اجلسي مع امك
افتحي الموضوع معاها وناقشيها بسبب رفضك ... عطيها كل الاسباب وحطي في بالك نقطه
ماتطلعون من مكانكم الا واحد من الاثنين
ياتغنعك او تقنعينها

حبيبتي امك مستحيل تسوي شي ضد رضاكم .. ان كنتي تقبله اي احد ثاني الا هو فبيني لها ليش بالذات هو يمكن بالفعل عمك فيه عيب هي مو ملاحظته

شي ثالث
تذكري .. عمك بعيوبه ولا غريب اله العالم بنواياه وبخفايا اموره حياته .....

ادري الوضع صعب عليج لكن انتي فكري بكل لامور

واستخيري حبيبتي يمكن في استخارتك خيرر وهدايا لك


واخر شي يالغاليه امانه عليج لاتنطقين كلمة ( امي طاحت من عيني )
حبيتي هذي امك جنتك ونارك
انتي مب مقدره الكلمه لكن باجر يوم تحملين وتولدين بتعرفينقدر امك مليون مره اكثر من الحين

شوفي حطي في بالك امك لو تدوسك دوس ولو شو ماكانبينكم ماتنطقين ضدها كلمه غلط يكفي انها امك
الا اذا امرتك بعكس رغب ربي ودينا ذيك الساعه يحق لك تطلعين من شورها ورايها ومحبتها لكن دام امك تبي لكم الستر وتحبكم وتبي لكم الراحه والحياه الحلوه وحتى حرام تنطقين هالكلمه بحقها

امهاتنا توج على روسنا عسا ربي يخليهم لنا ولايخلينا منهم


عسا ربي ينور دربك ويصلح امورك كلها

وطمنينا عليج

انا رافضة زواج أمي من أي شخص

واسفة انة قلت طاحت من عيني

بس والله شي يقهر

لا حبيبتي


هني لازم تراجين نفسك اكثر واكثر

تخيلي نفسك مكانها

انسانه عاشت محبوبه منجهه زوجها مدلعه تامر وتنهي مثل الملكه
حبته وعندها منه اطفال مثل العسل

حياتها كامله والكامل وجه ربي
فجاءه الموت يااخذ زوها ويمحي تفاصيل كثيرررررررررررررره من حياتها

هي ام
وبعد الام هي انثى
وبعد هذا شابه ماعجزت


فكري بكل امر لحاله

ام وش يترتب على كونها ام بعد وفاه زوجها ؟؟؟ اشياء كثيررره ياعمري يمكن تكوني انتي غافله عنها ...

بعد الام انثى .. ولها احاسيسها اللي اختفت عنها بعد وفاه ابوك الله يرحمه ... \احاسيسها هذي اتفهها واصغرها هو احساسها بالامان يم شخص قادر انه يبعد الشر عنها قد مايقدر .. انتي ماجربتي كي ان زوجك يسندك ... باجر يوم الله يستر عليج بالزوج الصالح وتعيشين هالامر بتعرفين الفرق مع او بدون زوج ... زوجك هو امااااااااااااااااااااااااااانك وراحه بالك ...
واكثر منن هذا كله كأنثى زوجك هو سترك .. من كل النواحي

ثالث شي فكري فيها كشابه
وانتي اكبر مثال
مب انتي شابه وعارفه مشاعر واحاسيس الانثى ف هالمرحله .. تقبلي الفكره ولاتلومينها حبيبتي وباجر ماتدرين يمكن يكون عمك لكم ارحم من اللي تتخيلينه ويعمر بيتكم مره ثانيه بمبه الام وحنان الابو


عسا ربي يشرح صدرك

حبيبتي اهو عمكم صحيح يعني مهما يكون يبقى يحبكم وانا والله نصيحتي انج لاتكبرين المشكلة لان هذا الشي يمكن يكون زين لكم وعسا الله يوفقج حبي

بس عمي متزوج وعندة عيال صغار

وهو لحس بعقل امي بكلمتين حلوين

تخيلي تأخذ أخو زوجها

وانا متاكدة مللليون بالمية انة طمعان

انا قلت بنفسي لو تزوجوا تتنازل عن كل حقوقها وتطلع من بيت ابوي

أختي الحبيبة ..

لو لفيتِ الدنيا كلها ما بتلقين قلب يحبك ويحن عليك أكثر من أمك .. يكفي إنها الإنسانة الوحيدة الي ممكن تعطيك روحها من دون مقابل .. تحبك من أعماقها حب مطلق غير مشروط بشيء مهما سويتِ ومهما قلتِ بيتم قلبها يخفق باسمك واسم اخوانك قبل ما يخفق بأسم أي انسان في الكون ....صبرت لما راح الوالد الله يرحمه وتحملت وتعرضت لأشياء صعبة ما كنتم تحسون بها .. والحين حست بحاجتها لوقفة ريال جنبها لأان الحياة صعبة وفيها اللي ما تقدر تواجهه بروحها وهي تحتاج من يشاركها ويعاونها ويمدها بالقوة ويسترها وصونها فليش يا أختي تطيح أمك من عيونك ؟! يعني أنت تحبينها بس لما تعطيك واخوانك من عمرها وروحها وإذا حبت هي تفكر شوية في نفسها طاحت من عيونك ونفرت منها ؟!! ليش توقفين أنت اليوم جدام سعادتها ؟! ليش ما تخلنيها تعيش بالطريقة التي تريحها وترضي بها ربها ؟! هل ترضين إنها تدفن نفسها وهي عايشة ؟ باشر بتكبرون وتتزوجون وتنشغلون بحياتكم وهي شو بيكون مصيرها ؟
تذكري يا اختي إن أمك ما بتقدم على هذي الخطوة إلا لحاجتها الشديدة .. يمكن أنت ما تحسين بهذي الحاجات وتستهينين فيها بس اللي يده في النار مب نفس اللي يده في الماي ..
بعيدن هي بتاخذ عمك يعني ما بتجيب لكم شخص غريب .. أما مسالة إنه طمعان او مب طمعان هذا مرده للنيات .. ومحد يعرف النيات إلا رب العباد ..

حبيبتي ..
أدري انه صعب تشوفين حد ياخذ مكان أبوك .. بس لو كنت تحبين أمك حب صادق مجرد من الأنانية صدقيني بتفرحين لها من خاطرك وتدعين لها إن الله يوفقها ويسعدها ..

وآخر شيء حبيت أقوله لك ..

أمك يالغالية ما بتحسنين بقيمتها إلا يوم تخسرينها - الله يحفظها من كل سوء ويطول عمرها - فلا تسوين شيء أو تقولين كلمة ضدها تندمين عليها لين يوم الدين ..

انه متزوج هذا امر عادي الشرع حلل اربع

يعني اذا ربي حلل هالشي احنا نحرمه ؟؟؟؟

وكونه لحس عقل امك بكلمتين .. لاتفكرين بهاكريقه امك كبيره وفاهمه وعقلها براسها مب توها نونو ماتعرف خيرها من شرها ..

وانها تاخذ اخو زجها ابركمن انها تاخذ غريب وبعدين تذكري انها ما وافقت على عمك الا لانها تحس انه افضل لكم
تلقينها تفك اخو زوجي وعم عيالي ولا اني ادخل رجال غريب على بناتي يمكن حتى الخوف يدخل بصدرها من عليكم
عمك بيصونك مب مثل الغريب

وسالفه الطمع فهذي انا ماقدر افتي فيها لكن ماتوقعها خاصه لانه عارف ان كل واحد منكم ورث عن ابوه وان مب بكيفه يعب بفلوسكم


اما عن انها تتنازل عن حقوقها وتطكلع من بيت ابوك فهذ مب بس غلط بحق امك الا مليون غلط

امك ماكانتشغاله عند ابوك
امك كانت رااعيه هالبيت والامره الناهيه فيه

اذا هي تنازلت عن حقوقها وطردتوها منه مثل الخادمه اجل الدنيا مافيها خير حبيبتي



صووووووني امك بتصونك
تفكيرك والله غلط ولاتزعلين مني بس لازم تحسين فيها


وحطي في بالك
حتى لو ردت عمنك مسيررررر يتقدم لها غيره


فكري فيها لاياخذك التفكير في نفسك واخوانك وتنسينها

حبيبتي قومي الان وصلي ركعتين صلاة الاستخاره......وادعي بدعاء الاستخاره.......

(اللهم اني استخيرك بعلمك واستقدرك بقدرتك واسألك من فضلك العظيم فأنك تقدر وان لااقدر وانت

تعلم

وان لااعلم وانت علام الغيوب ...اللهم ان كنت تعلم ان ...........وتسمي حاجتك...خير لي في ديني و

معاشي وعاقبة امري فاقدره لي ويسره لي ثم بارك لي فيه....وان كنت تعلم ان......شر لي في

ديني ومعاشي وعاقبة امري فاصرفه عني واصرفني عنه واقدر لي الخير حيث كان ثم ارضني به)

فما خاب من استخار ولاندم من استشار.........وكرريها مره وثنين وثلاثه الى ان ترتاحين....


وطمنينا عليكي حبيبتي............

انا مع كلام البنات امك لها حق انها تتزوج بعد وفاه الوالد وفعلا زواجها من عمك افضل من الغريب ولو تقولين انه هو طمعان في فلوسكم لو انتو كنتم فوق السن القانونيه فلوسكم لكم يعني ما يقدر ياخذها وفلوس امك هي حره فيها واكيد امك عندها ميراثها الخاص من ابوك اللي هو لها ولو امك تبغي تتزوج ما تقدرين تمنعينها وعاده البنت تفهم هالنقطه مش مثل الولد.

حبيبتي كلام fay fay عين الحكمة

حبيبتي أحياناً الإنسان يظلم ويبهدل وكل هذا بسبب الحب

في هذي الحاله أنا اعتبر المحب مايحب الحبيبي لالا فقط المحب يحب نفسة و يبقى الحبيب ملك أهواءه وآراءه

يبقى يجرد الإنسان اللي يحبه من المشاعر ويخلده عايش له فقط

حبيبتي أمك لو كان أبوك اللي هو حبها الاول وأنت ثمرة زواجها منه فلو كان أبوك بيمسك بشر عن قصد أو غير تتحول الى مخلوق قوي وتدافع عنكم بكل ماأوتيت من قوة ومالم تؤتى

فكيف بتمكن عمكم واللذي أتى بعد ذهاب نشاط الأنوثة فالآن انتوا أكبر هم عند أمكم ...كيف بتمكنه من مسكم بالسوء؟؟

حبيبتي أنتي دورك أنك تهدين أخوانك وتعقلينهم ...لأن انتي الأنثى وتفهمين احتياجات الحنان والعون ...ماعليك من أخوانك يمكن ينظرون للأمر من باب الغيرة ...هديهم

الله يهدي سركم يارب

انا اتفق مع البنات
امك لو ماهي بحاجه لأحد يوقف جنبها و يشاركها الحمل الثقيل الي عاى عاتقها ماوافقت

لكن

الي انا مستغربه منه ليش زواجهم بيكون با السر!!
هذا الي محيرني الى الأن !!
ماراح اصدق اذا قالو انه يبغى يحافظ على زواجه الأول
لاااااااااااااااااااااااااااااااااااااااااااا

ما فكر ا با الناس شنو بيقولون اذا كل دقيقه شايفينه داخل طالع بيتكم
بروح فكرهم لأبعد تفكير " صدق انهم متزوجين لكن با السر يعني الناس ماتدري "
و الناس ها الأيام ماترحم

وذا هو بخيل فأنا اتفق مع احد الأخوات ان لكم ورث من الوالد الله يرحمه مايقدر يسوي شي

الله يساعدك اختي

جراكم الله خير
ماقصرتوا
وفي ميزان حسناتكم
إن شاء الله

مافيها شي الزواج مب عيب ولا حرام
وعيب تقولين عن امج طاحت من عيني
هذه مهما كانت امج
وهي عندها احتياجات انتي يمكن ماتعرفينها
صلي على النبي واهدئ وخلي امج تشوف حياتها

أدعولي ان الله يصبرنا

وجزاكم الله خير

حبيبتي مسألة انها تتزوج بعد ابوك مافيها شئ

لكن تتوج بالسر شئ مريب اقنعي امك عالاقل انها تعلن العرس


الله ييسر امورك اختي

حبيبتي انتي توكلي على الله وان شاء الله ما بيصير الا الخير

واذا حسيتي بأي ضيق انااا عندج راسليني باي وقت

والمنتدى هذا مافيه قسم قضايا وحلول وبس لا بالعكس فيه اركان كثيرة بواااااايد

وتستمتعين فيها ان شاء الله

الزواج بالسر
تدرون ليش عشان يخاف هو من زوجتة
وامي من كلام الناس