ويييييييييييييييييينج؟؟؟؟؟؟

الله يسر امرج و يفرج همك...

ياختي شو المشكله اللي تبعدج عن امك؟؟؟

حبيبتى اهدى وقولى يارب مفيش احن ولااحسن منه

الله يفرج عليكي اختي...ويفك كربتك..


وصدقيني الام مهما كانت بعيدة فهي بقلبها دايما قريبة من اولادها...

انتي شوفي في داخلك ورح تلاقي امك دايما جاهزة تمسح دموعك...حتى لو بينكم بحار وجبال...


مع تحياتي...

الله يخليلج امج حبيبتي .. اذا كانت بعيده عنج اتصلي بها وقوليلها الي في قلبج .. صدقيني بترتاحين

سرايا الحب:
الله يخليلج امج حبيبتي .. اذا كانت بعيده عنج اتصلي بها وقوليلها الي في قلبج .. صدقيني بترتاحين

اي والله انا مع الاخت الغاليه:qaq:
ليش ما تتصلين وتكلميها----:shy:
او فهمينا السالفه؟؟؟؟:sad:

ربي يوسع ما بقلبك ويزيح كل ضيقك يا رب:sad:

يا الله اختي شكلك من جد مقهوره الله يفرج همك

ياقلبي عليج اختي والله عورتي قلبي
عسى ماشر؟ حبيبتي تلمي وفضفضي عشان يروح الكبت
و ياااربي يفرج همج

انا مع كلام خواتي حبيبتي اتصلي بيه الله يوفقج عيوني

الله يخليك لامك ويخلي امك لك ..

واتصلي فيها او رووحيلها اذا تقدرين

الله يجمعك يا حبيبتي بامك عاجلا غير آجل ..

تدرين .. أنا بعد مشتاقة واااااايد لأمي .. مشتاقه لها وهي معي فيكف إذا غابت عني ؟ الله يحفظها وكل أمهات العالم يا اااااااااااارب ..

الله يجمعج مع امج عن قرييييييب ياااااارب

بس اهدي واذكري الله وادعي ان الله يفرج همج وقولي اللي بقلبج

لخواتج وان شالله ماراح يقصرون معاج ..

الله يجمعك بامك ويريح قلبك برؤياها..والله زعلتيني عليكي..الله يخليها الك يارب

الله يخلي لك امك ويسعدك

اتصلي عليها وخبريها او حاولي تزورينها

حياااااااااااااااتي:( انشالله تتلاقين وياها قريييييب ...

الله يخليها لج ... اما (الله لايقوله ) كانت متوفيه نفس حالتيييييييي ____ الله يرحمنا برحمته ويصبرنا:sad:

شالسالفه

الله يقرب لج كل بعيد يا رب

الله يقرب لك أمك أن كانت على قيد الحياة ويجمعك وياها يارب ياعزيز يامقتدر ..

حبيبتي هدي شوي،، والله العظيم وأنا جاعدة أقري اتقطعت فوادي،، الله يرجعها لج بالسلامة انشالله،، ومثل ماقالوا الخوات حاولي ادقيلها أو روحيلها بس لاتمين جي،، حبيبتي الله يفرج همج يارب،، والله قطعتي فوادي،، نحن مانستحمل نبعد عن أمهاتنا يوم واحد بس،، الله يعينج صج،،:sad:

"اعوذ بالله من الشيطان الرجيم"

" بــســم الله الرحمن الرحيم "

" الســــــــلام عليكم ورحمة الله وبركاته "


الله يحفظكم ويسلمكم جميييع انشالله ..الله لا يقطعكم من كل غاالي عليكم ..

اسمحوولي خواتي الى كل من حضني بمشاركته منكم ووسااني ..ماقدرت اقوولكم مشكلتي

لاني كل ما جيت افتح لكم قلبي احزن على نفسي لاني انصدمت ان فيه احد مهتم لي ويخاف علي

وهو مب من عائلتي ..يعني عائلتي ماحست فيني وهذا كان مضااايقني كثير ، فـ أني القى

عندكم الحضن اللي اتمنى انه يريحني ويشل هموم الدنيا عني هذا شي نادر وغريب ، أني القى

اللي يواسيني ويشاركني مشاعري ووحدتي .......... تدرون الحمدلله الدنيا للحين فيها ناس طيبه

وفيهم خير واكبر دليل انتم عسى الله لايفرقني عنكم ..وعسى الله يجزاكم خير وين ماتكونون

ويفرج عنكم كل كرب الدنيا والآخره آمين يارب العالمين.. اشكر كل اخواتي اللي ردوا علي

واتمنى اني مااثقل عليكم بس ابي شوركم في مشكلتي تكفن خواتي لاتخلني من نصايحكن ..


مشكلتي : هي بعد امي عنا انا واخواني وخواتي

بعد ماتوفا ابوي "الله يرحمه" ونحنا صغار بالعمر .. حياتنا تشتتة بسبب امي اللي خلتنا وقامت

تراكض ورا ورثنا ، او خلني اقول تعذرت بالورث وهدتنا نربا لحالنا بدون حنانها وحبها ..تصوروا

عيال صغار يعيشون في بيت لحالهم ولا معين ولاونيس وفوق هذا كله يجي عمي ويطالب بنص

بيتنا اللي نسكن فيه ويقسمه وياخذه ..فاظطرينا نتحمل عمي وزوجته وعياله غصب عنا ..وهي

هدتنا وعاشت في مكان بعييييييد عننا بحجة انها ترعى مصالحنا ..بس صدقوني مع بعدها عننا

كبرنا ونحنا نحب بعض ونداري على بعضنا صح فاااقدين وجودها وحبها وحنانها بس نعوض في

بعض هالفقد ..مع انها تزورنا وتروح بس ماعمرها قعدت عندنا ..كل مافاتحنها بالموضووع تزعل

علينا وتقول انا كل هذا اسويه علشانكم ، قلنا وجودج هو اللي نبيه بس مافي فايده تحسين

كأنها انسانه كانت مقيده وجتها حريتها فجأه ..... مع ان ابوي " الله يرحمه " كان طيب والكل

يحبه ويحمد فيه والكل يذكره بالخير لدرجةان الناس يبكون لما يجيبون طاريه .. بس هي الوحيده

اللي تذمه لليوم..! وهي تذم فيه وهذا يذبحني بكل حرف تنطقه مليون مره..بس شسوي امي ولااقدر

اغضبها علي وفي نفس الوقت ابوي ولا ارضى فيه ..واللي زاد حياتنا تعاسه وخووف اخونا الي

كفر فينا يعني ماكن الدنيا حرمتنا من ابونا ومن وجود امنا لا زادتنا بأخو طااااغيه اخو دللته

امنا ونستنا نحنا الباجين ننظر لها عسى تلتفت لنا بس لا حياة لمن تنادي ..اخو لما يحضر نشتعل

خووف وننحاش كلا" لغرفته حتى مايخذله كم ضربه بدون سبب ..لانه تعود يضربنا ويتحكم فينا

ويمنعنا من ابسط حقوق العائله ..اخونا اللي كبر وزاد تسلطه علينا وامنا اللي مب حاسه فينا

رافضه فكرة وجودنا بحياتها ..ام اعماها المال والحلال عن ضناها ..المال اللي انفقته على نفسها

وعلى ولدها طول هالسنين اللي يلعبه في الحرام ..مرة السنين وكبرنا واذا سألناها عن حلالنا

قالت مالكم حلال عندي اصلا" ابووكم مات وهو مديوون وانا اللي سددت ديونه مع ان العكس

صحيح سكتنا بس علشان نحس بوجودها يمنا خايفين تقطعنا بالمره ..

المهم تزوجن خواتي وراحت

كل وحده بيتها تميت لحالي مع اخواني الصغار واخوي الظالم وزوجته العقربه ..تحملت انواع

الاهانات والمذله والضرب بس علشان خواني الصغار ،تحملت كذب زوجة اخوي بأي شي تسويه

غلط وتتهمني فيه كل هذا يهووون لجل عيون اخوي الصغير اللي ماشاف ابوي لان امي كانت

حامل فيه بشهرين لمن توفى ابوي " الله يرحمه" لجله اسكت واتحمل انوااع العذاب بس اني

ماانحرم من شوفته وصوته وضحكته فدييييييييييت روحه الله يحفظه لنا يارب ..صدقوني يابنات

والله العظيم اللي تحملته من اخوي وزوجته خواتي عمرهم مامروا فيه ولاحسو فيه لدرجة اني

كرهته هو وزوجته وصرت اخااف حتى لو اسمع صوته يكلم احد غيري اخااف لما يكلمني وهو

يضحك اخااف من وجوده بالبيت وهدوئه لاني ادري الهدوء هذا راح تنحط حرته فيني انا ..اشتغلت

له خدامه هو وزوجته ..كانت حياتي حزن ماله نهايه نهاري تعب وشقى وليلي دموع وحزن ووحده

تعاسه مالها حدود ..كنت محتاجه لها كثييييييييييييير محتاجه وجودها لحنانها ولحبها محتاجه لأمي

محتااااجه للحضن اللي شالني وانا ضنا صغير للحضن الدافي للحضن اللي انحرمت منه وحسيت

بوحشه من بعده..آآآآآآآآآآآآآآآه آهه يامي بسج من الدنيا ووصحها حسي فيني يامي ..

مرة السنين وتقدملي واحد من معارفنا ولما درى ولد عمي تقدملي في نفس اليوم اللي تقدملي

الثاني ماعرفت وش اسوي معقوله اخلي اخواني واطلع عنهم ؟ اخليهم للطاغيه ومرته ؟ لا وألف لا

من كرهي لعمي وعياله رفضت ولد عمي ..كان اخوي بيغصبني عليه بس انا ماخليتله مجال ..

وافقت على قربينا الثاني لانه تقدملي قبل ولان ولد عمي بس يبيني عناد له ..وقلت لخوي انا

راضيه بختياري واذا غصبتني على ولد عمي بذبح نفسي..فوافق ..وتزوجت بس طلبت من زوجي

اني اتم مع اخواني لحد مايكبرون فوافق وهو كان نعم الزوج والحمدلله انا عايشه معاه مرتااحه

بس الراحه ماتكمل الا بوجود كل اللي تحبهم حواليك ونحنا الله يجمعنا ولايفرقنا متشتتين كل واحد

في صوب بسبب هالام اللي مب راضيه تلمنا حواليها وبسبب هالاخو اللي هو اساس المشاكل هو

اللي فرقنا عن بعض كم حاولنا نفتح عيون امي على اللي يسويه بس مب راضيه وتتغاضى عنه

وعن اللي يجيبه لنا من المشاكل كبرنا كلنا ونحن نكرهه حاولنا معاه بكا الطرق مافي فايده منه

ترجا.. كل ماجتمعنا انا واخواني وخواتي فرق بيننا ..الله يهديه ويصلح حاله .. والله العظيم لما

نجتمع انا وخواني كل واحد يشكي لثاني انه مشتاق لامي كثيير كل واحد يقول اسوي المستحيل

بس تلمنا حواليها ولاتتركنا ابد ..يصعب علي لما اشوفهم وهم اصغر مني ويقولون كلاام مب قد

سنهم ..يصعب علي لما نجتمع ونتكلم عنها شقد نحنا محتاجيين لها لدرجة اننا نبكي مع بعض..!

شقولكن يابناات شوصف لكن شعور اللي امه حيه وهو مب حاس فيها ولاهي تدري عنه شقد متوله

عليها ...انا اللي خلاني اتجه لكم هو سوال اسألتني اختي لما كنا رايحين نزور عمتنا وبناتها

سألتني سوال ماكنت متوقعه انها لاحظة اللي انا لاحظته في بيت عمتي ..لما طلعنا من عندهم

كنت سرحانه افكر في عمتي وبناتها :فجأه قلت لي : انتي مالاحظتي شي غريب في بيت عمتي؟

انصدمت وخفت تكون فكرة باللي فكرة انا فيه.سألت شو؟

قالت لي مالاحظتي كيف عمتي قاعده وبناتها متجمعين حواليها ؟ كيف ان قعدتهم فيها ام نحنا

انحرمنا منها ؟قعدتهم كلها حنان وحب تحسين ان بيتهم دافي بحبهم وحنانهم لبعض..ماحسدتيهم

على حظهم اللي عندهم ام تحضنهم كلهم لها؟

صدقوني ماعرفت شسوي اصدمتني ماتوقعت هالسوال بالذات ..ضاقت بي الدنيا حسيت اني

وحيييييييييييييييييييييييييييييده حسيت اني ابي اصرخ "ابي

امـــــــــــــــــــــــــــــــي" "ويييييييييييييييييينج يامي؟؟حسيت الدنيا قفلت كل باب بيني
وبين امي.....

حسيت كأنها تسألني ليش امي مب

لنا؟ ليش امي استبدلتنا بالمال والحلال ؟ ليش كبرنا وهي غايبه عننا ؟ ليش كبرت وانا انتظر امي

ترجع لي بس ماهي داريه عني؟حسيت انها تسألني ميت سوال وكل سوال يذبحني

بقوووه..ماقدرة ارد عليها سكتتني الصدمه حسيت اني ادفع ثمن غلطات امي مادري ليش؟

شسوي؟ شو الحل ؟ صــــــــدقوني امي اغلا عندي من الدنيا والي فيها بس ياليتها تشوفني

مهما حاولت اني ابين لها انا واخواني بس هي ماتشوف الا هالولد الظالم .




سامحوني بناات طولت عليكم بس احس اني تعباانه ومااقدر احتمل اكثر ..لاتنسوني من دعواتكم لي ولخواني ولامي تكفون.

انتظر ردودكم في مشكلتي.