تعالو شوفو صور اسبوع (صلوح) وباركولي بالولادة

سلام حبيباتي..
كيفكم؟ وشو اخباركم؟؟

حبيت أبشركم انا ولدت وجبت أحلى (صالح):shy:

ولادتي كانت الخميس الماضي ساعة 1 الظهر
موعد الولادة الافتراضي كان 3/4/2007
وانا ولدت تاريخ 29/3/2007

الحمدلله عدت ساعات المخاض بس والله طلعت روحي
ومع كل هالتعب (14 ساعة تقريبا) امي تقولي انه ولادتي كانت سهلة الى حد..
لانه اول طفل والعادة الحريم يطولون اكثر

عاد بحكيلكم شو صار معاي...
يوم الأربعاء الصبح وانا طالعة من الحمام..(الله يكرمكم)
وانا امسح كان في شوية دم... صحيت زوجي وقلتله خلاص شكله ابو الشباب بيشرف اليوم..(r)
شلينا اغراضنا ورحنا عند والدتي..
زوجي راح الدوام وانا وماما رحنا المستشفى عشان الدكتورة تشوفني..

وهناك انصدمت :sad: قالولي الرحم بعده مسكر..
وركبولي جهاز (CTG) والدكتورة تقولي مافي أي تقلصات
ومستحيل تولدي قبل اسبوع.. L
هني انا بغيت اصيح معقولة انتظر اسبوع كامل!!!!:cry:

المهم رديت البيت وانا متضايقة حييييييل.. وطلعت المغرب
امشي عالبحر مع زوجي.. ولما رديت البيت كاني في دم مرة ثانية..!!!
ماخبرت حد.. وعلى الساعة 11 بدت التقلصات شوي شوي..

لين الساعة 2 رحنا انا وزوجي وماماتي واختي المستشفى..
(رحت بالبداية مستشفى حكومي) لانه امي ما كانت مقتنعة اولد بالخاص مع انه كل مراجعاتي كانت عندهم..
المهم شفت المذلة هناك.. الممرضات يصارخو على امي وما يخلوها تدخل عندي.. وانا يحليلي اول ولادة ما اعرف شي..
المهم جت الدكتورة شافتني وقالت ما مفتوح غير 1 سم واحسن ترجعي البيت وتجين الصباح..
انا هني ما صدقت طلعت.. واول ما ركبت السيارة قلتلهم (الله واحد) ما بولد هني.. :eek2:
المهم رحنا مستشفى مسقط ساعة 5 الفجر وظليت هناك لين 1 الظهر!!
بس احلى شي انه اهلي كلهم كانو جنبي طول فترة المخاض في غرفتي.. وبس اخر وقت ودوني غرفة الولادة وكان زوجي معاي هناك..

بس نصيحة لكل اللي بيربون.. اهم شي يكون زوجك معاك.. انا الصراحة زوجي الله يحفظه كان طول الوقت جنبي وماسكني من ايدي..:shy:
وانا على قولة اخواتي كنت كل ما يجيني الالم احضنه وانا ما حاسة..
(فشلة قدام امه واخواته وخالاتي..):bigsmile:
والله ضحكت العالم علي.. :gum:
اونه كنت اقوله (لاتخليني وحدي) مثل الاطفال:dd:

بس لما يطلع البيبي صراحة احساس فضييييييييييييع ما اقدر اوصفه..
اول ما تسمعين صوت صياحه واول ما يحطوه على صدرك..

الله يرزق كل محرومة يارب.. ويسهل على كل حامل ولادتها..

اخليكم مع صور الاسبوع..

بالونات :)




توزيعات..
1-



2- هذي سويتها بروحي بالبيت



3- وهذي سوتلي اياهم نفس الحرمة اللي سوت توزيعات المستشفى والبيت
(اذا كنتو شفتو مواضيعي السابقة)
بس للاسف ما لحقت اصور الصندوق قبل لا يوزعو





يالله ابشوف ردودكم الحلوة..