مجد........ وبنات الكويت ابا من وقتكم شوي لو سمحتوا

غنوجة حيل 06-04-2007 19 رد 2,302 مشاهدة
غ
السلالالالالالالام عليكم ...بدخل في الموضوع ربيعت اختي من الكويت فابا اوصيها على أغراض من عندكم
أول شي أبا أسألكم عن شارمل في جلوس فوشي خاطري منه اسمه rose دائري شفته في أكثر من منتدى ابا عرف بكم ؟؟؟وهل وهو نفسه الي عندج يا مجد الي من آخر مشتريات لج؟؟

والشي الثاني السؤال لمجد ولكل وحده اشترت من كريم أساس حنان دشتي شو رايج فيه هل حلو والا عادي؟( هل تغطيته خفيفه والا وسط والا ثقيله ع البشرة) ابا اعرف شو احسن الدرجات ( الدرجة الي عندج يا مجد غامقه) ابا افتح انا محتارة بين 2 و3 والحجم الصغير بكم والوسط بكم هذا كله بالدرهم لوووووووووول


واذا عندكم شي مميز من ماركة شارمل أو حنان دشتي أو من الكويت .......... خبروني عنه عشان اضيفه ضمن مشترواتي
اتريا ردودكم وبكم الاسعار عشان احط في بالي
وثانكس
&
ان شاء الله بنات الكويت يساعدونج حبيبتي وانا بنتظرهم معاج لان حابة اعرف عن هالشغلات :)


‏ღرومانسيةღ
غ
رومانسية............. ثانكس على مشاركتج واتمنى الكل يستفيد
م


وعليكم السلام ،

يا هلا أختي ،

أول شي أبا أسألكم عن شارمل في جلوس فوشي خاطري منه اسمه rose دائري شفته في أكثر من منتدى ابا عرف بكم ؟؟؟وهل وهو نفسه الي عندج يا مجد الي من آخر مشتريات لج؟؟


أيوه حبيبتي نفس اللي عندي :) ،

وهذا اهو :



والشي الثاني السؤال لمجد ولكل وحده اشترت من كريم أساس حنان دشتي شو رايج فيه هل حلو والا عادي؟( هل تغطيته خفيفه والا وسط والا ثقيله ع البشرة) ابا اعرف شو احسن الدرجات ( الدرجة الي عندج يا مجد غامقه) ابا افتح انا محتارة بين 2 و3 والحجم الصغير بكم والوسط بكم هذا كله بالدرهم لوووووووووول


شوفي حبوبة ، أنا ذكرت من ضمن موضوع جولتي ، إن أحلى الدرجات واللي فعلاً عليها طلب 3 و 4 ،

والكريم مثل ما ذكرت فيه ثلاث أحجام ،

الصغيرون اللي أخذته بـ 5 دنانير يعني تقريباً 60 درهم ،

الوسط بـ 8 دنانير = 100 درهم ،

الكبير وفعلاً اهو كبيرة حجمه 200 مل بـ 20 دينار = 250 درهم ،

وعندها منظف بـ 5 دنانير

تونيك بـ 5 دنانير

مرطب بـ 5 دنانير ،

الشادوووو بـ 5 دنانير ،

البودرة بـ 8 دنانير ،

وهذه كانت أسعارها بالمعرض ، وألحين تبيع المنتجات بالصالون ( صالون حنان دشتي ) ،

بس ما أدري إذا نفس الأسعار اللي بالمعرض أو ارتفعت والله ما أدري ،

إذا تبيني أتأكد لج إن شاء الله من عيوني :) ،،

والكريم اللي أخذته مو غامج ، حسيته يناسب بشرتي لأني ما أحب أفتّح البشرة ، أحب

الأساسات اللي تناسب لون بشرتي ، وراح أصوره لج عشان تتأكدين إنه مو غامج :) ،

الكريم للأمانة ما جربته ، إن شاء الله على نهاية الأسبوع راح أجربه ( لأن عندنا عرس )

وراح أقول تجربتي بكل أمانة ، عن تغطيته ، مدى ثباته ، يتغير لونه وإلا لا ،

واذا عندكم شي مميز من ماركة شارمل أو حنان دشتي أو من الكويت .......... خبروني عنه عشان اضيفه ضمن مشترواتي
اتريا ردودكم وبكم الاسعار عشان احط في بالي


شوفي شارمل المميز عندهم الشادوووو والجليترات والأساس مع إن أساساتهم ما تعجبني ،

هذه جليتراتهم مصورتها قبل من ضمن مجموعة مكياجي الخاص ،



على فكرة كل اللي بالصورة جليترات شارمل عدا الجليتر الأخير فهو من فور إيفر ،

وإذا تبين أصور لج الجليتر بشكل أوضح مو مشكلة ،

أما بالنسبة لـ حنان دشتي ترى شريت الأساس للتجربة لأني شفت البنات يتخاطفونه وبعض الأحجام

وخصوصاً الحجم الوسط خلص رقم 3 و 4 ، ولذلك شريته للتجربة

أما الشادوووو صدقيني نفس كريولان وشارمل وفور إيفر ما فيهم زود !! ،

حتى الأساس مكتوب عليه مصنوع في فرنسا وبعض المنتجات مكتوب صنع في أسبانيا ،،

أتمنى أكون أفدتج :) ،

ولو تبين أي شي ثاني من الكويت لا يردج إلا لسانج :) ،

ن
هلا وغلا حبوبه :)

مشاء الله اختي مجد جاوبت على اسئلتج :)


وشارمل ماركه معروفه وحلوه عندنا بالكويت

والمميز عندهم والي اكثر الناس شترونه وياخذونه الشادو + الكريم الاساس + اللمعه + الارواج

هذا الحلو عند شاارمل :)

وحنان دشتي للامانه ماجربت منتجاتها اليديده من كريم اساس وغيره

بس اختي شاريه الدرجه 3 من كريم اساس حنان دشتي صراحه رووعه وحلوو وانا عجبني شخصياا :)

وانشالله افدناج حبوبه
م


تفضلي أختي هذه الدرجة اللي عندي صورتها لج مرة ثانية ،



(f)
&
فديــــــتج مجودة تسلمين وماتقصرين

ونجمة الليل عيوني والله كلكم ذوووق واخلاق تسلمون
غ
مشكورة مجد ما قصرتي كفيتي وفيتي مثل عادتج...................... اتريا رايج في كريم الاساس ......... وعلى فكرة التصوير الاول كان ظالمنه ................ يا ريت تتأكدين من سعره و بكون شاكره لج ............والشي الثاني ما قلتيلي الجلوس بكم؟ وهل هو فعلا حلو على مدح البنات؟

مشكورة نجمة الليل على مشاركتج وما قصرتي وكيف تغطية الكريم أساس لاني اباه حق السهرات
اتريا ردج ورد مجد والله ما قصرتوا

رومانسيه ثانكس
ن
تغطيته حلوه للمناسبات والاعراس :)

واخت كانت حاطته في استقبال يوم الخميس رووعه كان مكياجها واساسها

وكانت حاطه الدرجه 3 من كريم حنان دشتي :)

انا عجبني
أ
ودي اخذ من حنان دشتي

أحصله بالسعوديه ؟
ا
بالتوفيق بنااااات
م
مشكورة مجد ما قصرتي كفيتي وفيتي مثل عادتج...................... اتريا رايج في كريم الاساس ......... وعلى فكرة التصوير الاول كان ظالمنه ................ يا ريت تتأكدين من سعره و بكون شاكره لج ............والشي الثاني ما قلتيلي الجلوس بكم؟ وهل هو فعلا حلو على مدح البنات؟


العفوووو حبيبتي :) ،

ما سويت شي يا قلبي وإنت تامرين أمر :) ،

بالنسبة لرأيي إن شاء الله راح أقوله لما أجربه ، يوم الثلاثاء عندنا عرس لما أجربه راح أقولج

تجربتي ، لونه ، مدة ثباته ، يتغير وإلا لااا ،

بالنسبة للأسعار ، أنا سألتهم اليوم وقالوا نفس أسعارهم في المعرض ،

يعني الأساس الكبير 200 مل = 20 دينار

الأساس الوسط = 8 دنانير

الأساس الصغير = 5 دنانير ،

والشادووووو = 5 دنانير ،

وإذا تبين أرقامهم أرسلها لج :) ،

بالنسب ة لجلوس شارمل أخذته من المعرض بـ 3 دنانير ،

وفي المحل يبعونه بـ 5 دنانير ،

لأن المعرض يسوون خصم ، أما المحلات فالسعر محدود ،

لونه فوشي فاقع من قلب ، لو تحبين الألوان الفاقعة بيعجبج :) ،

أتمنى أكون أفدتج :) ،

(f)
م


ღرومانسيةღ:
فديــــــتج مجودة تسلمين وماتقصرين

ونجمة الليل عيوني والله كلكم ذوووق واخلاق تسلمون


أنا اللي فديت قلبج وعمرج :) ،

تسلمين حبيبتي (f) ،،
م
أم عيالــي:
ودي اخذ من حنان دشتي

أحصله بالسعوديه ؟


للأسف مو موجود بالسعودية ،

لأن الماركة توها جديدة ونازلة ما صار لها شهر ، ولذلك موجودة بس بالكويت

وبالتحديد في مراكز حنان دشتي بحولي وأبو حليفة وفي مركز البحر ،

أتمنى أكون أفدتج :) ،،
م
بصراحه كريم شارمل حلو انا مستخدمته بس مو لون الفاتح ماخذ لي على بيج............اما كريم حنان دشتي اعرف ناس مستخدمينه حلو عليهم,,,,,,,,,,,,,
م


مشكورة مجد ما قصرتي كفيتي وفيتي مثل عادتج...................... اتريا رايج في كريم الاساس


العفووووو حبيبتي ،

جربت الأساس يوم الثلاثاء ، كان حلووو ، ما تقطع ولا تكتل ، تغطيته حلوة ،

وحطيت فوقه بودرة جيرلان الذهبية ،

بس للأمانة أنا كنت حاطة بيس كانيبو قبله ،

لأن عادتي بمكياج السهرات لازم أحط مثبت أو بيس ،

بس حسيت وجهي بآخر العرس دهّن لأني مو حاطة الـ oil control ، مع إني جايبة معاي بودرتي

بس ما حطيتها لأني ما كنت فاضية وقتها <<< مشغولة بالرقص :D ،،

هذه كل تجربتي :) ،

غ
مشكوووووورة مجد على ردج وعلى اهتمامج بموضوعي ............... وربي يوفقج في حياتج ويرزقج الجنة
اسمحيلي أنا صارلي فترة ما دخلت ولا عرفت شو آخر الردود لانها مرت علي ظروف صعبة

اطلب منكم طلب
تدعون لابوي بالشفاء العاجل
يارب اشفي أبوي وجميع مرضى المسلمين .اللهم آمين
ن
&#4326;رومانسية&#4326;:
فديــــــتج مجودة تسلمين وماتقصرين

ونجمة الليل عيوني والله كلكم ذوووق واخلاق تسلمون



انتي منبع الذوق كله رومانسيه :shy:

تسلميين ياقلبي (f)
ن
غنوجة حيل:
مشكوووووورة مجد على ردج وعلى اهتمامج بموضوعي ............... وربي يوفقج في حياتج ويرزقج الجنة
اسمحيلي أنا صارلي فترة ما دخلت ولا عرفت شو آخر الردود لانها مرت علي ظروف صعبة

اطلب منكم طلب
تدعون لابوي بالشفاء العاجل
يارب اشفي أبوي وجميع مرضى المسلمين .اللهم آمين



اسأل الله العظيم رب العرش العظيم ان يشفي والدك
اسأل الله العظيم رب العرش العظيم ان يشفي والدك
اسأل الله العظيم رب العرش العظيم ان يشفي والدك
اسأل الله العظيم رب العرش العظيم ان يشفي والدك


الله يشافيه ويعافيه يارب وتشوفينه بصحة دايما يارب(f)
م


مشكوووووورة مجد على ردج وعلى اهتمامج بموضوعي ............... وربي يوفقج في حياتج ويرزقج الجنة
اسمحيلي أنا صارلي فترة ما دخلت ولا عرفت شو آخر الردود لانها مرت علي ظروف صعبة


آمين يا رب وإياج ،

تسلمين على الدعوات الطيبة :) ،

والله ييسر أمرج ويفرج همج ويكفيج كل ما اهمج آمين يا رب :) ،

اطلب منكم طلب
تدعون لابوي بالشفاء العاجل
يارب اشفي أبوي وجميع مرضى المسلمين .اللهم آمين


أسأل الله العظيم رب العرش العظيم أن يشافي والد أختنا غنوجة حيل ويعافيه عاجلاً غير آجلاً ،
أسأل الله العظيم رب العرش العظيم أن يشافي والد أختنا غنوجة حيل ويعافيه عاجلاً غير آجلاً ،
أسأل الله العظيم رب العرش العظيم أن يشافي والد أختنا غنوجة حيل ويعافيه عاجلاً غير آجلاً ،
أسأل الله العظيم رب العرش العظيم أن يشافي والد أختنا غنوجة حيل ويعافيه عاجلاً غير آجلاً ،
أسأل الله العظيم رب العرش العظيم أن يشافي والد أختنا غنوجة حيل ويعافيه عاجلاً غير آجلاً ،
أسأل الله العظيم رب العرش العظيم أن يشافي والد أختنا غنوجة حيل ويعافيه عاجلاً غير آجلاً ،
أسأل الله العظيم رب العرش العظيم أن يشافي والد أختنا غنوجة حيل ويعافيه عاجلاً غير آجلاً ،

آمين ياااااا رب ،

طمنينا على والدج الله يحفظه ،

(f)

X