شاركونا

فكره حلوه..
حلو الواحده فينا تعرف شو هيا اطباعها..
يالله إبدائي انتي الاول
ولي رجعه إن شاء الله

بصراحة موضوع حلو وايد
وانا ببدأ
ساعات يقولون بعض الناس اني وايد اتكلم وعند البعض اني اتكلم
بس انا اشوف عن نفسي وايد اتكلم بس مو لديك الصورة اني ما اصك حلقي شوي
بس اللي حابة فيي يتغير

مشكورين على مروركم ..... وشو حابة يتغير فيج أختي شوق العمر... بنتظركم لين باجر وبشوف كم وحدة حابة تتغير عسب أكمل وأقولكم شو حابة يتغير فيني....

مممم

يمكن اكثر شي الزعل

انا ازعل بسرعه ...كيف اخفف الحساسيه هذي؟ :(

شكرا على الموضوع الحلو

يلا وين التفاعل .......... وينكم بنات ...... ليش موضوعي بايخ ولا شو السالفة.......... ما أشوف حماس فيكم......

بالعكس ام محمد موضوعج حيييييييل حلوة عجبني الصراحة

امممممممم عن نفسي انا عصبية زيادة عن اللزوم :angry: مادري ليش واحس مرات اني نفس الاخت اللي تقول انها تزعل بسرعه مرات افكر جذي :shy:

وانتو شنو سالفتكم :gum: وشنو عيوبكم يله ننطر الباجي:clap:

مشكورين خواتي على ردودكم الطيب..... وبصراحة لأني صج أعتبركم خواتي بقولكم ليش كتبت الموضوع ها وكل وحدة شاركت معناتها تبا صج اتغير ها الطبع الي فيها لأنها أكيد متضايجة من نفسها... أنا من عرست أحس تقتي بنفسي انعدمت يعني ( شخصيتي ضعيفة ) و أحس إن عقلي كل يوم والثاني يصغر زيادة مع إني يوم كنت صغيرة الكل يقول عني عاقل وأحس إني مومع العالم يعني نعمة يوم فكرت أسجل فالمنتدى على الأقل احتك فحد و أعرف شيء وع قولت أختي الصغيرة كبرت 15 سنة زيادة لأني مو مثل الباقين يعني البنات إلي بسني مو لهاي الدرجة يعني لا مو فاللبس وها السوالف هي قصدها إني متنقبة و أحس ابتعدت عن ربي صح أصلي بس وين قبل أو وين الحين قبل كنت أسمع محاضرات ويوميا أقرى قرآن وأصلي السنن الحين بس الفرض ، أنا عرست وعمري 18 سنة والحين عمري 22 سنة بس أبي استوي إنسانة ثانية ، أنا بس درست الثانوية وما كملت جامعة لأن نسبتي ضعيفة وبالأصح ريلي ما كان يباني أكمل يقول الحرمة حق البيت. مخة مال أول شوي.


يلا منو يتبرع ويساعد الثاني عشان يتغير......





نبتدي فمنو أول ......





انتظركم.......

مشكورة على الموضوع ان شاء الله لي عودة بروح اتغدىىىىىىىىىىىىىىى
لان عندي هلبة طباع ممكن تكون مش حلوة بنرجع...........سلام

هلا خواتي الواحد لازم ايكون عنده شخصيه شوي علشان ماايقصون عليه الناس وتكون صورته مهزوزه جدام عياله او اسرته ان قبل كنت دايماً أسكت ولاحضت ان الساكت دايماَ ماكول حقه
ولازم انكون قريبين من ربنا عالشان تقوا عزتنا بنفوسنا اسمحولي طولت عليكم

نعود اليكم من جديد:gum:

على قولتكم كل وحدة ودها تغير طبايعها بس ترى شوي صعب خاصة اذا هالطبع فيج من الصغر:sad:

ام محمد لا تزعلين نفسج ولا تضايقين روحج انتي اللي فيج مو طبايع بالعكس هذا تطبع
يمكن لان زوجج حكم عليج بوجودج في البيت , اوكي مو مشكلة تقبلي الامر لكن مو معناته
تحكمين على نفسج بالعزلة التااااااامة
بالعكس طلعي وخالطي الناس وشوفي التلفزيونات وشاركي بالمنتديات وابحثي عن مواقع الازياء والاكسسوارات واكيد لو تسالين هني البنات ماراح يقصرون وياج
وبعدين انا ملاحظة شي ولحد يزعل مني اغلب البنات الصراحة قبل لا يتزوجون علاقتهم بربهم قوية ومن يتزوجون شوي يستهينون بامور معينة ليش يعني؟ هل لهالدرجة يكونون مشغولين شدعوة ما تخصصين وقت لربج

ولحد يزعل مني كلكم خواتي وكلكم تهمني مصلحتكم

انا غيوووووووووووووووووورة حيل اغر على خطيبي حتى من خواته وودي اغير هالشي فيني لانه قاتلني

وانا اي واحد بحبه بيغيب عني باحزن :sad: وبابكي:confused: وما اعرف ايش اسوي باتعلق بيه(}) .
ابي اغيره علشان ما اكون حزينة:sad: :sad: .
ودا كمان اصلا بيخليني مهمومة.
مشكووووووووووووووووووووره
على طرح هالموضوع
الجميــــــــــــــــــل

مشكورين خواتي على ردودكم الطيب ويلا كل وحدة تتبرع و اتغير طبع الثانية .. وصح كلامج يا زمردة أنا كنت أسأل نفسي ها السؤال بس لأن عندي غرفة وحدة وما حب حد يقول هاي تتعبد ولا مطوعة أون قصدهم المدح بس أنا أحب الشيء يكون بيني وبين ربي وكيف أقوي شخصيتي واستعيدها من أول وجديد.......

مشكلتي لساني يقرص أحيانا

موضوعج واااااااايد حلو

انا عن نفسي طيبه مو مدح لكن على نياتي واحس ان هذا شي صدق عيب فيني لأن الناس صايره بها الوقت تسيء الظن بالاخرين والمشكله اني احسن الظن فيهم بس هم يشوفون الواحد بعين طبعه والله شي وايد مضايقني..


بليز عطوني حل؟؟