بنات مساعدتكم .. (( بالداخل مشكلة حبوب فروة الرأس ))

حبيبتي انا نصيحتي انج تروحين تشوفين طبيب جلديه

يمكن تكون الحبوب من بكتيريا او شي واللي اعرفه ان الملح يقتل البكتيريا فممكن تستعملين ماي وملح لغسل فروة الشعر

او خل التفاح مخفف بالماي

او ممكن تحصلين في الصيدليات شامبوهات طبية

بس بعد لو كنت مكانج اروح للطبيب أضمن لان ممكن تكون الحبوب تطلع من كثره الدهون او من الجفاف او مع القشره فالدكتور يشخص الحاله أفضل :shy:

وبالتوفيق

انا رايي نفس اختي والله يشفيج اختي ...

راجعي الطبيبة ياقلبي مثل ماقالوا اخواتنا الغاليات

«•°¤ ..×.. بِسْـــمِـ الـلّـــهـ الـرّحْمـــنـ الـرّحيـــمـ ..×.. ¤°•»




حبيبتي شطفي شعرج بعد كل شامبو بمخفف خل التفاح يوميا

و استخدمي شامبو طبي من الصيدليه بدون عطوووور !!

و اذا حسيتي ان المشكله ملازمتج روحي لطبيييبه


وهالمشكله من متى معاج ؟؟




×.::.*.::.× مَعَــ حُبـــــِّــي ×.::.*.::.×
.•°.*.°•. ™ BanTooTa .•°.*.°•.

مشكورين بنات حبيباتي على ردودكم
والله ماقصرتو كفيتو و وفيتو

المشكله من زمان والحبوب يروحون ويردون
والله يسامحكم يامشرفات على نقل الموضوع
وانا اترجي فيكم لاتنقلونه لاني محتاجه ردود البنات

مشكورين كل من ساعدني
تحيتي

حبيبتي مشكله الحبوب اللي تواجه فروة الرأس لها اسباب معينه و مدام ان هالشي ملازمج يروح و يرد فلازم نشوف الاسباب اللي اهي :

يمكن يكون نوع الشامبو اللي تستخدمينه له اثر او اي نوع من مستحضرات الشعر ..

و ياريت تقولينلي انتي شنو تستخدمين لشعرج للوقت الحالي من شامبو او بلسم

و شنو نوع الخلطات اللي تحطينها و شنو نوع شعرج ؟؟

و الاهم؟؟ كم مره تتسبحين ؟؟ يوميا ؟؟ يوم و ترك ؟؟ يا ريت تحددين =)

و انشالله مابيصير خاطرج الا طيب =)

هلا حبيبتي BanTooTa

انا كنت استخدم شامبو vichy راحو الحبوب بس من اهده يردون يعني مو حل جذري

و حاليا استخدم شامبو جونسن للاطفال صارلي شهر و نص علي .

شعري نوعه دهني و ما احط خلطات بس استخدم امبولات vichy لمنع تساقط الشعر

و لكثافة الشعر .

و انا اتسبح يوم و ترك .

و ما رحت الطبيب

اتمنى منكم الفائده

تحيتي

«•°¤ ..×.. بِسْـــمِـ الـلّـــهـ الـرّحْمـــنـ الـرّحيـــمـ ..×.. ¤°•»




حبيبتي بالنسبه للشامبو ف فشي روووعه ممكن تستمرين عليه الحين

و اشياء لازم تعرفينها عن الحبوب اللي تطلع بفروة الرأس :

بما ان شعرك دهني و انتي تاخذين انبولات لتساقط الشعر فأعتقد (( اعتقد مو اكيد )) ان معاج الأكزيما الدهنية و هو مو شي خطر لا تخافين اهو مجرد حبوب و حكه تكون بفروة الرأس

و اهي تصير من احد الاسباب التاليه :

التوتر المستمر والعوامل النفسية والسهر الطويل.

الإسراف في تناول المواد الكربوهيدراتية والدهنيات والمكسرات والشوكولاته، قد يكون لها بعض الأثر أحيانا.


الإهمال في نظافة فروة الرأس والجسم.


اهي عاده تطلع اما لان الشعر لا ينظف عدل او عشان الشعر يستخدم له الشامبو بكثره بحيث انه تصير الفروه جافه و تسبب حكه و قشره و حبوب

لا تستخدمين بعض الشامبوهات التي تحوي مركبات الكبريت أو السالينيم سلفايد ... صح هذه الأنواع ذات فائدة للتخلص من قشرة فروة الرأس إلا أن استعمالها بكثرة كما هو الحال في بعض الأنواع الأخرى قد يؤدي إلى تساقط الشعر أو حساسية بفروة الرأس

انصحج بان تستخدمين انواع الشامبوهات االي تحافظ على ال PH .. عندج شامبوهات سيبا ميد للكبار او للأطفال روووعه و انا مستخدمتهم .. لا بعض الشامبوهات تترك رواسب قلوية على الفروة فيجب البحث عن أنواع خالية بقدر الإمكان من المركبات الضارة ويجب شطف الشعر جيداً وذلك للتخلص من رواسب الشامبو

*****

يعني الحين البرنامج انج تستتخدمين شامبو بعيد عن المكونات اللي سبق و ذكرتها فوق

و استخدام شامبو يحافظ على البي أتش بالفروه

و استحمي كل يوم و ترك و مو كل يوم و ابتعدي عن حرارة الشمس و حرارة مجفف الشعر

و شطفي شعرج بعد كل غسله بـ ( كوب ماي + نص كوب خل ) و خليه .. (( خل التفاح ))

(( اخذي خل التفاح من منتجات أرض الطبيعه متوفره بالجمعيات ))

و خليه .. و لا تستخدمين اي بلسم .. الا بلسم طبي للأطراف بس عشان ما تنشف

و ابتعدي عن حمامات الزيت و اذا ودج تغذين شعرج فممكن تحطين عليه روب محمض ( روب منتهي تاريخه ) هذا يغذي و يلمع و هم يحارب الحبوب .. لكن بس كل اسبوع مره

و استخدمي مشط من خشب مدبب الاطراف (( تحصلينه من بودي شوب - اخذي الكبير حيييل ))

و حاولي تخلينه نظيف دوم

و لا تستخديم فومات او جل و اي شي بس هالفتره عشان تتعالج ..

و اذا تميتي و المشكله ظلت مثل ما اهي لازم تستشيرين طبيب يعطيج علاج معين و انا مابي اذكر العلاج الحين عشان اخاف تستخدمينه و تكون على مسؤوليتي .. فنطري بعد ماتجربي الخل و الشامبو و جذي و اذا استمرت الحاله روحي لطبيب

و لكن ركزي على الاكل و ابتعدي عن الدهوون بجميع انواعها .. و لج ملعقة أكل من اي زيت نباتي تحبين يوميا تحطينه مع اي وجبه تبينها ..

و ربي يوخر الحبووووب بأقرب وقت ان شاء الله =)






×.::.*.::.× مَعَــ حُبـــــِّــي ×.::.*.::.×
.•°.*.°•. ™ BanTooTa .•°.*.°•.

ياللــه يــا BanTooTa

واللــه مــادري شـقـولج كلمة شكر الاقــيها شوه بحقج

عســـى عمــرج طويـل ياقــلبي على النصائـح الحــلوه و اهـتمامــج

ربــي يعطيج كــل اللـي في بالــج يــااااارب ان شـاء اللـه و يوفـقـج لـكل خـير

وانـا بمشـي عـلى الـلي قـلـتي عـلي و ان شــاء اللــه يـنـفـع ويـاي

الـف الــــف شـكـر يـا قـلبي

و تقبلي احـلي اجـمـل تحيه منـي :)

«•°¤ ..×.. بِسْـــمِـ الـلّـــهـ الـرّحْمـــنـ الـرّحيـــمـ ..×.. ¤°•»




مشكووووره حبيبتي على ذوقج و رقة اسلوبج

و ماسويت شي و هذا من واجبي اعييين و اعاون =)

ربي يحفظج و احرجتيني بكلامج و دعواتج الحلوه

موفــــــــــــقه يا رب =)




×.::.*.::.× مَعَــ حُبـــــِّــي ×.::.*.::.×
.•°.*.°•. ™ BanTooTa .•°.*.°•.