حساسية الجيوب الانفيه

بصراحه ما أدري إذا الحجامه تفيد أو لا..
لكن إنتي ليش ماتعالجين السبب يمكن انتي تتعرضين للغبار كثير او تعيشين في مكان مكتوم مافيه تهويه..او عندك حساسيه من حيوانات معينه..يعني انا أشوف انه الافضل معالجة السبب..
ارجو اني اكون افدتك..

مشكوره اختي المشكله اتحسس من العطور والبخور واي شي ريحته قويه

الله يكون في عونك حبيبتي..
وان شاء الله البنات يفيدونك..

انا اعاني من الحساسيه
ومب عارفه شو اسوي

ربنا يشفيكى ويرفع عنك حبيبتى

الله يكون في عونك حبيبتي..

إحساس أنثى:
السلام عليكم ورحمة الله وبركاته

انا اعاني من مشكله وهي حساسيه في الجيوب الانفيه وهي مستمره معي على طول السنه

والله تعبت من الالتهابات المستمره في الجيوب والصداع والافرزات اذا عالجتها اليوم ترجع بعد

فتره

ابي شي ينهي معاناتي واش رايكم في الحجامه تنفع احد جربها

[grade="00008B FF6347 008000 4B0082"]مرحبا اختي..

أنا عندي نفس المشكلة الزكام وحساسيه من العطور والبخور وصدااع ملازمني طول حياتي..

للأسف ما لقيت علاج فعال.. عطوني بخاخ حسسني بالراحه بس بعد ما تعودت عليه صار ماله مفعول..

وعطوني أبر نفس الشي وأثرت على جسمي كثير.. وأعاني من هالمرض طول 23 سنه والله يعيني ويعينك اختي..

[/grade]

الله يعينكم
حتى أنا اشتكي من حسلسية الجيوب الأنفية بس الحمدلله مو مزمنه .
وعندي إختي بعد تعاني منها لكنهم عطوها بخاخ وقالو لها أن تستمر عليه شهرين متواصلين وبعدها خلاص بتروح بدون رجعة . لكنها للحين ما أتمت الشهرين .

أم الوالدة الله يحفظها سافرت الهند وعملت عملية تنظيف الجيوب والحمدلله شفت منها .

وإنت عزيزتي لازم تتعالجين لأنه هذا النوع من الحساسية متعب جدا وممل .
الله يعينج أصلا محد سلمان هالأيام من الحساسية وبنواعها

الله يجزاكم خير اخواتي على مشاركتي مشكلتي بس انا سمعت ان الحجامه تسحب اصل الداء بإذن

الله ودي اسويها بس خايفه

والله انا مثلكم انفي ياكلني اكل

مراحب خواتي انا خير مثال على كل شي

انا اعاني من هالمرض من 13 سنة للحين وخشمي يكبر يكبر والسبب هالتمخيط والعطاس وصداع الراس وافراز الدموع كله من الحساسية

واتعالجت واااااااااااااااااااااااااااااايد ولاشي فايدة

وسويت حجامة وشو تبوني اقووووووووووووووووووووووول عنها


هي شوفوا اتخفف الحساسية وكان عندي موعد ثاني وريلي حلف مايوديني عشان يوم شاف اول مرة الحجامة على ويهي اتخرع قالي لااتسوينها مرة ثانية بس لازم اسويها من اول ويديد


بس شوفوا اذا بتسون حجامة عن حساسية الانف كل الحجامة بتكون على الوجه كل حجمة فوق الحاجب وكل خد في حجمة وتحت الشفاه وبين الخشم

وانا كنت حاطه ميكب خفيف ماتوقعت بتسوي على ويهي انصعقت بس توكلت على الله

بس بعد ماولدت التعنت زادت على وااااااااااااااااااااااااااااااااااااااااااااااااااااااااااااايد

وحتى ابي اسوي عملية تجميل لخشمي ريلي مب راضي خشمي كبير صاير على ويهي يعني مب طبيعي بس محد حاس فيني اللي مجرب نفس معاناتي

والحين خواتي الثنتين نفس حالتي كله عطاس ..................الله يعينا من هالبلوة اللارف


تعبتت شو انسواااااااااااااااااااااااااااااااااااه


اوووووووووووووووووووووووووووووووف مااقدر اتكلم جدام الخلق والسبة هالحساسية

ووايد بلاوي

اللي تبي تتواصل معاي عشان هالسالفة حياها

اناسمعت يقلون الحبه السوداء تحمسينها وتحطينها بشاش وتشمينها زينه مره

بعد
الاستنفار مره زين يعني كل صلاه استنفري زين وخليها 3مرات

وايضا فيه املاح الظاهر الصوديوم ملعقه مع كاس دافي واستنفري فيها
واتمنى لكم الشفاء العاجل

شكرا ااختي لمسة على ردج..........بس مامنه فايدة اختي مجربه الحبة السوده مافادها

والعسل الطبيعي مافادنا


بس كنت ابي اقول عن شي امي خبرتها وحده حرمة سودانية انه انيب طاسه فيها ماس واعصر فيها ليمونه او 2 واستنفر فيها بخشمي واطلعه اسوي الحركة على حسب الرغبة بس يوميا وجربتها مره وحسيت خشمي غير من داخل وارتحت ومن عقب ماجربتها بسبب سفراتي

وتوه من 3 ايام راجعه

ويارب تشفينا

اختي اللي يعاني من حساسية الجيوب الأنفيه ماتروح عنه

أنا بديت أعاني من هالمشكلة من كم شهر بس ... ومتعبه جدا
واكثر من يعاني منها سكان الخليج .. بسبب مخلفات الحروب والغازات اللي تجي منها
على حسب كلام الدكتورة.... وعطتني بخاخ وحبوب خفيفه
بس ما احس لها تأثير قوي
الله يستر ما تصير مزمنة عندي بعد :( :(

سمعت تاكلين فص ثوم على الريق

تبليعينه بلع 000بدون مضغ مع ماء000وبهذه الطريقة مايكون لك ريحة

اخواتي انا اعاني من الحساسية الصدر والجيوب الأنفيه

عملت عملية كي الجيوب الأنفيه بنفس اليوم طلعت من المستشفى الحمدلله فادتني وايد وخففت عني الحساسية بس قالي الدكتور ان الحساسية ماتروح عن المريض

بس ابي اعرف هاي الحساسيةة يعني بالضبط هالمرض شو نهايته انموووووووووووووت شرات ا

الامراض الغير والا شوووووووووووووو طمنوني انا عندي وسواس الموت من هالحساسية

بس ابي اعرف هاي الحساسيةة يعني بالضبط هالمرض شو نهايته انموووووووووووووت شرات ا

الامراض الغير والا شوووووووووووووو طمنوني انا عندي وسواس الموت من هالحساسية