عورس متوهقه تطلب النجدة

طلعت قمر 05-04-2007 12 رد 426 مشاهدة
ط
السلام عليكم ورحمه الله وبركاته
الى عرايس المنتدى صراحه ابي مساعدتكن في مشكلتي
انا عروس وزراجي في شهر 7 ولا جهزت شئ
ان شاء الله ابي اجهز من الدمام والخبر بس المشكله ما اعرف بالدمام والخبر الا اسمائمن
وابي نصايح بنات الشرقيه بالمحلات والاسواق والمجمعات اللي تفيدني
محلات تفصيل العبايات
بدي شوب وزهور الريف ونكتار وين محلاتهن بالضبط
واللانجري من وين اخذهن
يعني ابي بنات المنتدي يساعدوني في جهازي

والشكر لكن مقدما
ن
للاسف ماعندي فكرة ، إن شاء الله بنات الشرقية يفيدونك ،،،،
موفقة اختي طلعت قمر ،،،
ه
مرحبا اختي ..


ان شاء الله بنات السعوديه يساعدونج ...



الله يوفقج و يسر امرج ...
I
الغاليه سوي بحث في القسم هذا بتلاقين كلمة بحث فوق ..

لأن البنات وايد كاتبين عن هالموضوع في هالقسم و بنات الشرقيه من ضمنهم .. فشيكي في مواضيعهن ووايد بتستفيدين ..

و شكرا
ا


أختي الغاليه طلعت قمر

إن شاء الله بنات الدمام يفيدونج

وأدخلي هالموضوع ماراح يقصرون معاج

تجمع عرايس بنات بومتعب الجزء 1.

والله يوفقج ويسر لج أمورج يارب

أختج الدانــــــه



&
هلا حبيبتي

انا مو من السعودية بس حبيت اهديج واطمنج

اختي جهزت لزواجها بسبوعين بس وخلصت كل شي

صج كان كل شي على بعضه بس خلصت

وانتي عندج شهوور قسمي وقتج عدل وبترتاحين

الله يهنيج

ومبروك مقدماً

‏ღرومانسيةღ
ك
للاسف ماعندي فكرة ، إن شاء الله بنات الشرقية يفيدونك ،،،،
موفقة اختي طلعت قمر ،،،
م
عندك الجمعه سنتر في فساتين وااايد حلوه انا توني معرسه وجهزت من هناك في الخبر وعندك المارينا مول ومجمع الواحة والخبر مول في قطع اتهبل وانشاءالله تدلين
ت
الله يوفقج الغالية .. هدي عمرج
عندج وقت
وانشاء الله بنات السعودية يفيدونج
بس وااايد يمدحون الدمام وخاصة الذهب واايد رخيص عندهم
ط
مشكورات رفعتوا معنوياتي وطمنتوني
س
عزيزتي ... موفقة بإذن الله

ذا بودي شوب و نكتار و زهور الريف بمجمع الواحة بالدمام

و فساتين السهرة فيه بالجمعة سنتر بالخبر عندهم أشياء روووووووووووووووعة

و ملابس النوم الكشخة فيه محل بالجمعة و الله ما أدري وش أسمه هو بالدور الأرضي لكن يبيع

جلابيات و فيه داخله قسم للعرائس و قمصان النوم و طقوم الفوط و زي كذا

بالتوفيق
ط
تسلمين يا سعوديه وافتخر
مشكوره وما قصرتي
ع
هلا أختي طلعت قمر... انا مثلج زراجي بشهر سبعة وإن شاء الله غذا بديتي تجهزين من احين راح اتخلصين و اتكونين احلا عروس بإذن الله
بس حبيت اقولج انه اسم المحل اللي تقصده الاخت بمجمع جمعه و اللي عنده جلابيات و ملابس للعرايس اسمه (( واحة الجلابيات )) بالدور الأرضي و إن شاء الله يكون هو اللي تقصده
بالتوفيق و لا تنسين تدعين لي الله يسهل علي و عليج
X