ادخلوا كلكم .....محتاجه ليكم

السلام عليكم ورحمه الله وبركاته

اخواتى وربى يعلم انكم فعلا بقيتوا اخواتى

عاوزة اقولكم على حاجه ان المنتدى ده علمنى كتير اوى وبقيت احبه وبحس فعلا انهم عيلتى التانيه وربنا يشهد على كلامى

انا هقولكم حكايه بسيطه

كان فى بنت طيبه بتحب كل الناس بتحب الورد والاطفال بتبكى لو شافت طفل بيبكى

ربنا كان دايما واقف جمبها فى كل مصيبه او موقف تتحط فيه

وكانت دايما تتكلم مع ربها قبل ماتنام وتبكى وتقوله اهدينى

لان بالرغم من وقوف ربنا جمبها كانت مهمله فى حقوق ربنا زى الصلاه والصوم والعباده

بالرغم ان جواها طيب وعمرها ماتمنت الشر لحد

بقى يجى عليها ايام وتبكى وتطلب من ربنا انه يهديها وتقوله هل يارب مجاش معاد هدايتى

ومر الوقت وربنا برده معاها ساترها من كل شر وحاميها ورزقها بانسان يحبها ويخاف عليها

لكن جه الوقت اللى عاوزة ربنا وبقى يظهر جواها حاجات غريبه

بدات تفرح لما تشوف القراءن والادعيه بقت تدعى من قلبها
وفى يوم حلمت بان العذراء مريم بتشربها ميه من ايدها

صحيت البنت فرحانه وبدات تصلى وتلجا الى اختها انسانه هنا بالمنتدى علشان تساعدها والانسانه دى هى الانسه فله ربنا يكرمها اعطت للبنت كل شىء علشان تبدا مع الله رحلتها الجديده


اما صاحبه القصه هى










انــــا يااخواتى

اطلب من كل من يقرا رسالتى هذه ان يطلب من الله ان يهدينى ويتثبتى على ايمانى وصلواتى وان يربط بينى وبين خطيبى على خير

احبكم جميعا فى الله