كيف راح ينزل الجنين؟؟

حبيبتي أنا أعرف أختي كان الجنين ميت في بطنها وصادها نزيف فترة بعدين كانت رايحة الحمام وطاح وراحت المستشفى وسووا ليها تنظيف
بس لأنها ماكانت محصلة سرير في المستشفى والله كانوا بيرقدونها وبيحطون ليها طلق صناعي عشان ينزل كذا وحدة أعرفها صار ليه جدي ترقد في المستشفى ويعطونها طلق صناعي ويطيح بعدين يسوون ليها تنظيف

الله يسهل عليكي أختي رانيا

و يعوض عليكي

الجنين أختي بينزل مثل الدوره القويه

الله يعينك و يصبرك و يعوض عليكي أنا أقول أحسن لو رحتي البيت ترتاحي

[glow=FF99FF]ماجوفين شر أختي رانيا وانشاء اله الله يعوضج بغيره

والله ودي اساعدج بس ما عندي خبره انشاء الله البنات ما بيقصرون معاج

ادري بشعورج وانتي بالدوام شنو يصير فيج انه نزل علي دم بني مت من لصياح في الشغل من زود الخرعة بس الله يكتب لنه اللي فيه الخير ياااااااااااااااااارب[/glow]

الله يسهل عليكي أختي رانيا
-=============================
===================
========

حبيبتي رنوش ألف سلامة عليك وما تشوفين شر يار ب


أصلا إنتي لييييييييش مداااومة ؟؟؟؟!!!!!

من وقت ما تشوفي الأشياء اللي تنزل لازم تريحين نفسج ع الآخر ..

بصراحة الدوام مو أهم من صحتك وصحة البيبي .. الله يثبت لك هالحمل يا رب

أنصحك تاخذين إجازة وتروحين البيت تريحين .. وإذكري ربك وايد ولا تنسين الدعوات بأن يحفظ لك جنينك من كل شر آمييين ..

السلام عليكم....

إختي انا صار لي تقريبا نفسج مرضت وارتفعت حرارتي وبعدها قالت الدكتور ان الجنين بينزل بس ففي البديه صادني نزيف جيه شوي اكثر من الدوره لمده 3 ايام بعد نزل مثل قطعه بس لازم تمشين علشان ينزل شربي دااارسين(قرفه) وامشي ولو نزل روحي لدكتوره علشان تتاكدين ان مابقى شي من الجنين لان لو بقى شي بيعطونج حبوب تنظف الرحم


والله يعوضج خير يالغاليه

عيون ريمي.. الله يعوض أختك خير ويتمم لك على خير. خلاص بانتظر وباشوف.

ريم 81.. شكراً أختى والله يتمم لك حملك على خير. ماقدر آطلع إجازة لأني ذاك الأسبوع ماداومت يومين، آنتظر ينزل وبعدها باخذ إجازة مرضية آرتاح.

بحرينيو زشتوو.. ربي تمم لك على خير لاتحاتين وايد.. وإن شاء الله تفرحين بجنينك
هذاني خايفة،، وتجرأت الحين وقلت حق مديري أن إحتمال ماكون موجودة الأسبوع القادم يكون عنده فكرة ويراعي ظروفي...

سوسو.. الله يسلمك أختى....

أم المهند.. خلاص الجنين متوقف النبض عنده يعني لازم ينزل.. باحاول أكمل عملي اليوم بالدوام يكون لو صار نزيف ماحاتيهم وأرتاح بالبيت.. الله يعوضني خير.
والله يتمم لك حملك على خير

h1986 الله يعوضك كل خير... بس شلون آشرب دارسين ماتقبله بالمرة، خلاص بانتظر للويك أند وباشوف إذا كذا باروح لهم....

السلام عليكم و رحمة الله و بركاته

لا حول و لا قوة إلا بالله...أحزنني بشدة هذا الخبر أختي أم عبد الله...

الله يأجرك في مصيبتك و يخلف لك خيرا منها...و يعضوك باللي تفرح فيه عيونك...و يحفظ عبد الله من كل شر...

ما تزعلي...معنى إنه الجنين توقف نموه معناه في شيء من البداية في تكوينه ما كان مضبوط...يعني البويضة ضعيفة أو الحيوان المنوي ضعيف...أو الإنقسامات ما كانت صحيحة...

مرّيت بحالتك في أول زواجي...بس الفرق إني ما كنت أعرف إني حامل...كنت حاسة بس...

و جاء لي نزيف و دورة قوية مؤلمة...لمدة يومين...بعدين رجعت عادية...و عرفت من الفحص بعدها إني كنت حامل...الحمد لله على كل حال...

إنتظري لأول الأسبوع الجاي...و راجعي الدكتورة ثاني...و إن شاء الله خير يا رب في كل الأحوال...

طمنينا عنك أم عبد الله...

الله يعوض عليش ان شاء الله اني صار لي نفسش توقف نمو الجنين في الاسبو ع الخامس وكنت قريب بكمل الشهرين بس بعدين عرفت وقال لي الدكتور وقفي حبوب الدفستون عشان ينزل ولكن مانفتح الرحم وضليت اسبوع بدون ماينزل علي دم بعدين حط اليي تحاميل وانفتح الرحم وسويت تنظيف ان شاء الله ينزل بروحه ولا تحتاجين تنظيف

الله يعوضج و ياجرج يا رب
مادري والله اعتقد ان مثل الدورة بس اكثر شوي و يعتمد على حجم الجنين

الله يعوض عليكِ و يقومك بالسلامة

الله يعوضك خير ان شاء الله اختي رانيا....

والله حزنت لما شفت توقيعك وقت متأخر البارحة..

قدّر الله وما شاء الله فعل...

وان شاء الله .. اللي رزقك اياه يرزقك حمل ثاني غيره سليم ومعافى عاجلاا غير آجل..

بالنسبة لنزول الجنين... تحركي شوي... اذا رجعتي البيت اشتغلي شوي نظفي وكذا... بتشوفين بينزل الجنين لوحده.. وتراه افضل من ان يسوون لج عملية التنظيف... عشان الحمل الجاي يكون اسهل.. ان شاء الله..

واذا ما تحبين دارسين.. اشربي حليب مع زنجبيل... لنه حار بعد ..

طمنينا على اخبارك يالغالية...

قدر الله وما شاء فعل

الله يعوضك بالخير عاجلا غير آجل حبيبتي .. وعسى أن تكرهوا شيئا وهو خيرا لكم .

الله يعوضك خير انشالله وانتى انسانة مؤمنة وقوية والله ما كتب لك بهالجنين ان يكتمل ما تدرين شنو كان بيطلع يمكن مو زين بدينته . عشان جيذي الله يحبك وما يريد يشقيك معاه وبإذن الله تعالى راح تشوفين الذرية الصالحة عن قريب .... ولا تزعلين روحك هذا امر الله ما تقدرين تعترضين على امر الله لأن اي شي الله كاتبه يعنى صلاح سبحان الله .........


وانا اللي اعرفه ان اذا وصلتى الى الإسبوع التاسع لازم تنظيف يسوون لك ويكون نفس الم الدورة عادى بالبندول يروح مو شي يخرع ... وانا اقول الأحسن تاخذين اجازة ..... اهوه الإجهاض اذا صار يكفيك يومين لأن المستشفى يعطون يومين ........

مرموم.. شكراً أختى الغالية على مشاعرك الطيبة،، والحمدلله على كل حال..
سبحان الله يمكن صلاح ان نزل الحين قبل لا يكبر على كلامك يمكن يكون في شي بالبويضة او الحيوان المنوي سببت هالشي، بس هل معناه كل حمل بيكون كذا؟؟ او هذه المرة فقط، وهل سأحتاج للتثبيت في حملي القادم.

العيون الحائرة.. إن شاء الله ماحتاج تنظيف بس هل التحاميل اللي عطوك إياها هي نفسها الخاصة بالطلق الصناعي؟؟

أحلى ملح.. شكراً أختى على دعوتك.

أحلى الكلام.. أشكرك كثيراً.

جمانة.. الله يسلمك غالييتي، الحمدلله على كل حال، خلاص بانظف البيت اليوم كله يكون ينزل ولوحده وماحتاج للتنظيف لأن يقولون يهلك الظهر.

أم المهند.. الحمدلله على قضاء الله وقدره، أدعي ربي يعوضني خير.

nodoo شكراً أختى على وقفتك الطيبة معي.. وأنا راح أنتظر لحد الويك أند ولو مانزل راح آروح للدكتورة للتنظيف.

اي اختي رانيا التحاميل مالت الطلق الصناعي الدكتور الي اتعالج عندةحطه الي لانه السلمانيه مارضو ارقدوني اقولون هو بطيح بروحه بس تعرفين خيو المثبتات اليها دور تخلي الرحم يمهل انه ينفتح بروحه بعدين سويت التنظيف في الخاص بس كل وحده على طبيعة جسمها

شكراً أختى العيون الحائرة على الإفادة، وخلاص راح آنتظر لنهاية الأسبوع.

الحمد لله ع كل حال

اختي الجنين ماياي بعمر وهذا رزقج وانشا الله خير لج

انا صارلي مثلج اجهضت فالاسبوع التاسع تقريبا

وطبعا الالم كان جدا قوي اشد عن أالم الدوره

ولانه تمت بقايا حمل اطرت الدكتوره اتحطلي طلق بس مش تحاميل لا فالمغذي

وبعدين سوولي تنظيف وبالعكس تره التنظيف في مثل هالحالات وايد مهم ومش بمضر اطلاقا

انا طووول عمري اعاني من الدوره مش منتظمه ومن عقب ماسووليه تنظيف الحمد لله

انحلت مشكله حياتي

وطبعا النزيف كان شديد وايد مع انه كانت نسبة دمي خلال الحمل 11 بس صارلي

نقص دم واطرووو ينقلولي دم

والحمد لله ع كل حال الواحد شو بيقول الانسان ضعيف مابيده حيله