أبغئ حلا لولدي ساعدوني

اختي مهذبة الله يعينك على الربى والشقاء بس نصيحة مني لاتبسين الولد في غرفة لوحده لان هذا الشيء راح يرد على الطفل باضرار نفسية لا تحمد عقباها فانا ارى انج تتقربين من الطفل وحاولي
انك تلهين الولد بالالعاب يعني تلعبي معاه وحاولي انك تتكلمي معاه بالطيب وبالراحة وراح تشوفينه انه يسمع الكلام من نفسه انا عندي ولد عمره سنتين ونصف وعنده نفس الطبع لكن 0.حاولت معاه ان اتقرب من والحمدلله اشوف خف شوية من الصراخ والعناد وكنت اصبر روحي معاه لان في الاخير هو طفل وما يفهم مثل الكبار وترى الضرب عمره ما جاب نتيجة انا زوجي دايما ينصحني ان الحوار مع الطفل يخليه يتعود الى ما يكبر .
وان شاء الله اكون افدتج

فعلا عزيزتي الضرب والحبس ابدا مو كويس هيك ابنك خلاص رح يتعود ويكسر وماعاد يخاف من شي صدقيني

استخدمي معه طريقة الحرمان اما من الفلوس او الخرجة او اي شي هو يحبه حاوللي دائما تستعطفيه باسلوبك وتضللي دائما انتي وابوه تمدحو فيه والله ليصير احسن من الاول بكتيييير

يعني مثلا (( انت بطل وشاطر والبطل هو اللي بيسمع الكلام _ انتي ولد مهذب وحلو وانا رح قول لبابا يخليه يكافئك )) ومن هالكلام الحلو صدقيني افضل من الضرب والحبس والعواقب التانية


الله يحفظهم الك ولابوهم امييين

الله يساعدج حبيبتي

بس انتي شوفي هو شنو يحب وقولي له مثلا اذا سمعت الكلام بسوي لك
وعلى فكره اذا ما اعطيتيه اهميه بتشوفين بيتعب من نفسه يعني ايشي يسوي او يجي يكلمج لاتعطينه ويه خليه لانه معظم اليهال على فكره اذا يشوفون امهم تعصب يزيدون فلحركات

أختى صدقيني الضرب ماراح ينفع مع إبنك،، أخذيه مثل مايقولون بالهون... حاولي يكون عقابك معاه عن طريق حرمانه من لعبة او نزهة او حتى مشاهدة التلفزيون.... ماشاء الله عيال هالأيام عنيدين بشكل بس لازم الواحد يطول باله معاهم.

والله ياليت اقدر افيدج اختي ... بس الصراحه .. انا مالي الا ادعي لج بالهدايه ويصلح الحال مع ولدج لأني اعاني من نفس الشي ...

مشكورين و يعطيكم ألف عافية لكل الذين افادوني
وأن شاء الله راح أطبق الكلام الي قلتولي عليه ويارب يجيب نتيجة مع أبني
لاأني أابغى أترك الضرب أهم شي والله يساعد كل أم عندها مثل أولادي
وخصوص أذ كانو قريبن من العمر وأشكركم مرة ثانية على مساعدتكم