صينية الدجاج بالزبادي والزنجبيل .. لذيذة !! ومصورة..

بسم الله الرحمن الرحيم ...................

أما بعد !! >>>>>>>>>>>> (( بكتب معروض الحين ))

ههههههههه:dd: أمزح لا تخافون ,,,,,,,,

حبيباتي أخذت الوصفة هذي من شغالتي وجربتها وطلعت مرة لذيذة...... أتمنى ماتكون مكررة :sad:



المقادير :ـ
ــ دجاجة ــ علبة زبادي ــ أصبع زنجبيل طازج ( تقريباً 2سم أو حسب رغبتك ) ــ مكعبين ماجي ( يعني علبة واحدة) ــ ذرة ملح ــ ملعقة صغيرة كركم أو لون طعام أصفر ــ شرائح بطاطس .



الطريقة :ـ

في زبدية نضع الزبادي والماجي والكركم والملح ونبشر الزنجبيل ونخلطهم صح



نقطع الدجاجة زي البروست ونشيل جلدها ونخرمها بالسكين



نغسل البطاطس ونقشرها ونقطعها شرائح بالطول وتكون سميكة شوي زي الصورة



نتبل الدجاج والبطاطس في الخلطة السابقة ثم نغطي عليها بالزبدية لمدة ربع ساعة



نجيب صينية تتسع للمقدار إذا تحبين تحطين الحشو فيها على طول بعدين تغلفينها بقصدير عادي (( بس أنا فرشت قصدير بالقاعدة عشان تستوي أسرع لأني أضمن إن الهواء ما يدخل فيها ))



نصب الخلطة في الصينية



ونلف القصدير عليها



ممكن تدخليها بالفرن الحين أو تسوين مثلي أنا أحط صينية ثانية فوق الأولى عشان أسرع عملية النضج



وذا شكلها بالفرن (( :pain: ترى صينية الدجاج تحتها لا تحسبوني أضحك عليكم ))



وتترك بالفرن والنار هادئة لمدة ساعة وربع وبعد ما تخلص تكون كذا



والحين بعد ما تشيلي القصدير حمريها من فوق (( ترى بالصورة لسى ما تحمرت كثير ))



وهذي صورة أقرب للصينية



وبالهناء والعافية .....



طلب أخير :sad: (( الموقع اللي كنت أرفع الصور منه مغلق والحين أستخدم عرب سفن بس زي ما أنتن شايفين يسوي خلفية سوداء ويحط أسمه والصور المتحركة تجي واقفة وأنا ما أحب كذا :mad2: ... أبي موقع ثاني ما يتدخل ويترك صوري زي ما هي :cry: ))