السلام عليكم و الرحمه ...
اسمحولي عالمغثه بس والله من الهم اللي فيه ...
انا طالبة في الثانوية العامه و نحن مدرستنا خاصه(بس قسم الأولاد بروحه و قسم البنات بروحه ، بس اللي يدرسونا أساتذه و معلمات) يعني يدرسونا اساتذه و معلمات بس اغلبهم اساتذه و ما شاء الله عليهم كلهم محترمين الا واحد !!!!!!!
مشكلتي هي استاذ من الأساتذه !
المشكله بدت من الفصل الأول...
هالسنه اول مره يدرسنا هالإستاذ و نحن مب متعودين عليه اما باقي الأساتذه متعودين عليهم من السنين اللي طافن ...
لب الموضوع ... من بداية الفصل الأول لاحظت نظرات غريبه من هالاستاذ و ابتسامات ما توقف أبداً اول شي طنشت و قلت يمكن انا يتهيألي او اتوهم و مب معقوله استاذ يسوي جيه ...
هالاستاذ يدرس في المدرسه من 6 سنين و انا حافظة المواقف مال السيارات بالضبط ! كل يوم و انا مروحه البيت يتم يطالعني و يبتسم و انا الف ويهي الصوب الثاني و اسوي عمري ما انتبهت او استهبل ... و صار يوقف سيارته بالموقف اللي مجابلني بالضبط مع إنه طول هالسنين كان يوقف سيارته في موقف معين !
غبت عن الصف اسبوع كامل مرضت و صدق نفسيتي تعبت ... قال لربيعتي شو اخبار ربيعتج و ليش غايبه ؟ الصف بدونها مب حلو و قوليلها استاذ ... يسلم عليها ... خبرتني ربيعتي و قلتلها الله يسلمه و قلت مب مشكله اكيد بنت غايبه اسبوع اكيد الا حد بيسأل عنها ...
اللي يقهرني انه متزوج و عنده عيال !!!! و بغض النظر عن كل هالأشياء هو استاذي و انا طالبة عنده !!!
و مره وقفني في الممر و انا سايره الصف و تم ينشدني عن عمري و عن اخواني لانه كان يدرسهم و تم يقول لي : انا لما اكون متضايق من البيت و من زوجتي اعطي وايد في الصف و اشرح من خاطري !! << انا استغربت و سكت لانه ما يخصني لا فيه و لا في حرمته و لا بيته !! و قلت له اتأخرت عليه حصه و روحت !!
مره شافني في الساحه و طلب مني اوصل بنته الروضه !!! مع انه كل يوم هو يوصلها ! و حتى بنات الصف استغربن !
بنته كل ما تشوفني تتعلقني و توقف حذالي و تقولي وصليني السياره !!! :qaq:
اوكي كل هذا و طنشت تطنيش ما فوقه تطنيش و اقول يا محاسن الصدف !!!
و ابتدى الفصل الثاني .... صار يطلعني من الحصص لما تكون علينا حصة تربية اسلامية او فيزيا مثلاُ يطلعني بحجة انه بيرمسني عن الإمتحان اللي خذناه !! مع انه يروم يرمسني عن هالشي في حصته الأساسيه ! مثلاً مره زقرني عشان يقرا كلمه مكتوبه ما عرف يقراها مع انها واضحه وضوح الشمس !
صدق والله اني احترت وياه و مره يزقرني يقول لي مب كاتبه إشارة موجب ( + ) جدام الرقم مع انه ما يحتاج و حلي صحيح !!!
مره ربيعتي قالت بصوت عالي انه في الويك إند بنسير المول الفلاني و قالت لي لا تنسين تين ويانا و بصوت عالي ، و يوم سرنا المول ما بتتوقعون منو حصلنا المفاجأة طبعاً الإستاذ كان هناك !! و مسوي نفسه متفاجىء يوم شافنا و انا اتضايقت و رديت البيت بسرعه ...
بتقولون يمكن صدر مني شي خلاه يعتقد اني بنت قابله لهالأشياء بقولكم لا و ألف لا مع انه الفتنه تبدا من الحرمه ! الحمدلله انا متحجبه و محافظه على حجابي و ما اتكلم وياه برع حدود الدرس !!!
يوم من الأيام صار و قالنا انه زوجته حامل و بتيب ولد و طلب منا نعطيه أسامي أولاد عشان يتنقى و تم يسأل البنات بالدور لين وصل عندي جان اقول له : سمه " أحمد " على اسم ابويه ... و طبعاً انا كنت امزح يعني مب جديه ...
و يوم ربت حرمته قالنا انه سمى ولده " أحمد " على اسم ابو ( و قال اسمي ) !! انا بصراحه انصدمت !!
انا ما كنت حاطه شي في بالي بس حذالي ربيعتي تقول لي ما تحسينه وايد امصخنها و يسوي و يسوي و يسوي !!!
حتى بتقولون شي تافه بس بخبركم عنه غيرت نظارتي و هو طبعاً يلبس نظارة ... راح سوا نفس نظارتي بالضبط !!!
بصراحه انا اتضايقت منه و صرت اكره حصته و كل المدرسه على بعضها و حتى في ضيجتي مب مفتكه منه يا عندي جان يقولي : من يومين احسج متضايقه و مب على بعضج شو فيج ؟ :angry:
و انت شو خصك انا شو بلاني ؟:angry:
مادري هل صدق هالأشياء اللي اشوفها صدف ؟؟ و حتى لو صدف بيكونن هالكثر؟
ما بقى على تخرجنا غير شهر و نص و ادعولي بالتوفيج لاني بصراحه احس مستحيل اصارح حد من اهلي عن السالفه حتى اميه اللي أصارحها بكل شي مستحيل اقولها هالموضوع !!
لأني صدق حاسه نفسي بنفجر و بعطيه في الويه :confused: :sad:
اتريا شوركم
و آسفه طولت عليكم وايد ...
أتربة على الرف
اسمحولي عالمغثه بس والله من الهم اللي فيه ...
انا طالبة في الثانوية العامه و نحن مدرستنا خاصه(بس قسم الأولاد بروحه و قسم البنات بروحه ، بس اللي يدرسونا أساتذه و معلمات) يعني يدرسونا اساتذه و معلمات بس اغلبهم اساتذه و ما شاء الله عليهم كلهم محترمين الا واحد !!!!!!!
مشكلتي هي استاذ من الأساتذه !
المشكله بدت من الفصل الأول...
هالسنه اول مره يدرسنا هالإستاذ و نحن مب متعودين عليه اما باقي الأساتذه متعودين عليهم من السنين اللي طافن ...
لب الموضوع ... من بداية الفصل الأول لاحظت نظرات غريبه من هالاستاذ و ابتسامات ما توقف أبداً اول شي طنشت و قلت يمكن انا يتهيألي او اتوهم و مب معقوله استاذ يسوي جيه ...
هالاستاذ يدرس في المدرسه من 6 سنين و انا حافظة المواقف مال السيارات بالضبط ! كل يوم و انا مروحه البيت يتم يطالعني و يبتسم و انا الف ويهي الصوب الثاني و اسوي عمري ما انتبهت او استهبل ... و صار يوقف سيارته بالموقف اللي مجابلني بالضبط مع إنه طول هالسنين كان يوقف سيارته في موقف معين !
غبت عن الصف اسبوع كامل مرضت و صدق نفسيتي تعبت ... قال لربيعتي شو اخبار ربيعتج و ليش غايبه ؟ الصف بدونها مب حلو و قوليلها استاذ ... يسلم عليها ... خبرتني ربيعتي و قلتلها الله يسلمه و قلت مب مشكله اكيد بنت غايبه اسبوع اكيد الا حد بيسأل عنها ...
اللي يقهرني انه متزوج و عنده عيال !!!! و بغض النظر عن كل هالأشياء هو استاذي و انا طالبة عنده !!!
و مره وقفني في الممر و انا سايره الصف و تم ينشدني عن عمري و عن اخواني لانه كان يدرسهم و تم يقول لي : انا لما اكون متضايق من البيت و من زوجتي اعطي وايد في الصف و اشرح من خاطري !! << انا استغربت و سكت لانه ما يخصني لا فيه و لا في حرمته و لا بيته !! و قلت له اتأخرت عليه حصه و روحت !!
مره شافني في الساحه و طلب مني اوصل بنته الروضه !!! مع انه كل يوم هو يوصلها ! و حتى بنات الصف استغربن !
بنته كل ما تشوفني تتعلقني و توقف حذالي و تقولي وصليني السياره !!! :qaq:
اوكي كل هذا و طنشت تطنيش ما فوقه تطنيش و اقول يا محاسن الصدف !!!
و ابتدى الفصل الثاني .... صار يطلعني من الحصص لما تكون علينا حصة تربية اسلامية او فيزيا مثلاُ يطلعني بحجة انه بيرمسني عن الإمتحان اللي خذناه !! مع انه يروم يرمسني عن هالشي في حصته الأساسيه ! مثلاً مره زقرني عشان يقرا كلمه مكتوبه ما عرف يقراها مع انها واضحه وضوح الشمس !
صدق والله اني احترت وياه و مره يزقرني يقول لي مب كاتبه إشارة موجب ( + ) جدام الرقم مع انه ما يحتاج و حلي صحيح !!!
مره ربيعتي قالت بصوت عالي انه في الويك إند بنسير المول الفلاني و قالت لي لا تنسين تين ويانا و بصوت عالي ، و يوم سرنا المول ما بتتوقعون منو حصلنا المفاجأة طبعاً الإستاذ كان هناك !! و مسوي نفسه متفاجىء يوم شافنا و انا اتضايقت و رديت البيت بسرعه ...
بتقولون يمكن صدر مني شي خلاه يعتقد اني بنت قابله لهالأشياء بقولكم لا و ألف لا مع انه الفتنه تبدا من الحرمه ! الحمدلله انا متحجبه و محافظه على حجابي و ما اتكلم وياه برع حدود الدرس !!!
يوم من الأيام صار و قالنا انه زوجته حامل و بتيب ولد و طلب منا نعطيه أسامي أولاد عشان يتنقى و تم يسأل البنات بالدور لين وصل عندي جان اقول له : سمه " أحمد " على اسم ابويه ... و طبعاً انا كنت امزح يعني مب جديه ...
و يوم ربت حرمته قالنا انه سمى ولده " أحمد " على اسم ابو ( و قال اسمي ) !! انا بصراحه انصدمت !!
انا ما كنت حاطه شي في بالي بس حذالي ربيعتي تقول لي ما تحسينه وايد امصخنها و يسوي و يسوي و يسوي !!!
حتى بتقولون شي تافه بس بخبركم عنه غيرت نظارتي و هو طبعاً يلبس نظارة ... راح سوا نفس نظارتي بالضبط !!!
بصراحه انا اتضايقت منه و صرت اكره حصته و كل المدرسه على بعضها و حتى في ضيجتي مب مفتكه منه يا عندي جان يقولي : من يومين احسج متضايقه و مب على بعضج شو فيج ؟ :angry:
و انت شو خصك انا شو بلاني ؟:angry:
مادري هل صدق هالأشياء اللي اشوفها صدف ؟؟ و حتى لو صدف بيكونن هالكثر؟
ما بقى على تخرجنا غير شهر و نص و ادعولي بالتوفيج لاني بصراحه احس مستحيل اصارح حد من اهلي عن السالفه حتى اميه اللي أصارحها بكل شي مستحيل اقولها هالموضوع !!
لأني صدق حاسه نفسي بنفجر و بعطيه في الويه :confused: :sad:
اتريا شوركم
و آسفه طولت عليكم وايد ...
أتربة على الرف