زوجك عصبي وزعول.. بعض الأفكار عشان تراضينه

السلام عليكم ورحمة الله وبركاته..
اعذروني ان كان موضوعي مكرر.. انا جديده في المنتدى وهاذي اول مشاركة لي..
زوجي زعول وعصبي جدا.. صعب اني اتعامل معاه يوم يكون متنرفز.. اول ماتزوجنا كنت اقضي ليلي صياح ودموع لين الصبح لأن الأخ زعلان عليه.. وزعله احيانا كان يطول اسبوع وعاااااااادي عنده الحياة حتى لوكان السبب تافه ومايسوى..
كنت كل ما احاول اراضيه ولا اكلمه القى السالفة تطول اكثر وازيد بكلامي الطين بله!! فتعلمت ان افضل طريقة هي السكوت عنه وايجاد طرق بديلة لتوصيل الكلام:think:

المهم في مرة من المرات الوااايدة ولأنه اذا زعل مني يرفض اني اوعيه الصبح.. حطيت له (ستيكر) على مراية الحمام كتبت له فيها (أحبك لو تجافيني.. أحبك يانظر عيني ورضاك ألزم) عشان يقراها قبل مايطلع.. ماوعيت إلا وهو داخل عليه (طبعا غمضت عيوني) جلس عدالي وحبني على جبهتي وتأسف لي بعد :clap:
صدقوني فرحتي في هاللحظة ماتتعوض..:shy:
ومرة كتبت له رسالة عطرتها بعطري اللي يحبه.. كتبت له قصيدة تذكره بأيام الخطوبة وحطيتها على سيت سيارته.. واحيانا احطها في شنطة الللابتوب او محفظته..
وفي اخر مرة طرشت له ورود المكتب مع رسالة اعتذار اشرح له فيها موقفي.. وصدقوني خواتي في كل مرة كانت التنيجة اروع من المرة اللي قبلها..

بس المصيبه ان زوجي اعجب بالموضوع وقام كل يوم والثاني يزعل عشان يتغلى علي وأراضيه(r)
يستاهل حبيب قلبي:shy: