اجتماع لزوجات المدخنين او المشيشين

والله ياختي انا مومتزوجه بس ماحبيت اطلع مارديت ومن خلال قرائاتي
يخلي في جيبه باكيت علك وكل مادخل ايده بيطلع الدخان ياخذ العلك وياكل وهالطريقه مجربه وحلوه تفيد
ان شالله اكون افدتك بمشاركتي البسيطه جدا

تسلمي عيوني على المشاركه
والله يوفقك ويزوجك بالي تحبي
بس للافاده انا لما سالته قالي ايه اعسل الله يعيني ابطل لما شافني ساكته قال هاه بتقولين يانا ياهي
على باله بقولها قلت لا تخسي الشيشه ما حط راسي براسها انا اتمنى انك تبطل وهذا شي راجعلك بس الي ما احبه انها تضايقني سواء بريحتها او تقدم روحتك لها على شيء اهم
والله يبعده عنها وعن كل مسلم يارب

لا والله حاااااااااااااااااااولت يابنات انا مملكه بس من اوله اذا جاني البيت اعوذ بالله الريحة مدري وش تبي

اقول له حبيبي تكفى بطل الدخان يقول ليه ابوك وانا لا<<<مزح ثقيل

بس والله ما اقرب له صار يجي ويتروش بعطر عشان ما ادري بس؛

على مين تلعبها اكتشفه انا وينجن مني بس اقول له كل مرة كم سيجارة اليوم وش اخبار السجاير يقول لي الحمدلله بخير يسلمون عليك<<<<<طفشني ويأست منه اااااااااااااه بس

وانا زوجه المشيش سابقا ولله الحمد والمنه انا لما تزوجت انصدمت انه يشيش وكان مااحد يعرف

حتى اهله بس انا عرفت وصرت انصحه ويقول تركته وهو ينصب واسوي له الاختبار

طبعا اختبار البوسه عشان اكشف عليه مزبوط وبديت ادعي الله يهديه وتركها اللهم لك الحمد

بعد سنتين من زواجنا وتوته توته خلصت الحتوته اشوى النهايه سعيده

الله يهدي كل الرجال

بس نصيحة مني لا تزنون عليهم

والرجال يكرة حد ينصحة او يحن عليه...

السلام عليكم ورحمة الله وبركاته


الله يعينكم يارب


انا اختي متزوجة وزوجها يدخن ,,, وياحرام متغلبة معاه وايد ,,, بس ماشي فايدة

وهي الحين حامل والمسكينة تعبانة وايد


الله يهديه يارب


وقصتي مع زوجي ,, كان قبل لايخطبني وانا اعرف انو هو يدخن,,,

بس هو قالي انه من الاول يبغي يترك الدخان,, والحمد لله ربي هداه وقبل لانملج كان تارك الدخان ولله الحمد

نصيحتي: لاتحنون عليهم,, لانهم بيسون الدخان عناد فيكم,,,

حاولوا انها تيجي منهم ,, يعني وانتي كمان اقرفي من ريحة الدخان او الشيئة اللي تعلق فيه,,,
وهو ان شاء الله بيتاثر ويترك

ربي يهدي كل المسلمين يارب

عذب القوافي:
الله يهدي كل الرجال

بس نصيحة مني لا تزنون عليهم

والرجال يكرة حد ينصحة او يحن عليه...

عذب القوافي 100%

الله يهدي زوجي وازواجكم يارب
والله تكلمت لما تعبت الحين قمت اسكت
واتجه الى ربي ان الله يعطيه كره السيجارة ويلعن الله من صنعها

دمتم سالمين
اختكم شريفة

انا مشكلتي ان زوجي
ما يبي يترك السجارة ولا الشيشة
يعني لو شنو اسوي وشنو اقول
هو مو باله كلش
وبصراحة يأست منه
بس مرات اقول له على الاقل خفف
وجيه فترة يخفف ويرد يرجع مثل قبل
والله متعبني حبيبي

الله يهدي زوجي وازواجكم يارب
والله تكلمت لما تعبت الحين قمت اسكت
وصدقة عذب القوافي بس نصيحة مني لا تزنون عليهم

والرجال يكرة حد ينصحة او يحن عليه...

الصراحة ريلي ما قالي إن يدخن قبل الزواج يعني أيام الملجة كان يلمح ويشوف ردت فعلي وأنا أكره شي أسمه دخان بس يوم اتزوجت كم يوم وصارحني كانت صدمه لأني أكره المدخنين بس قتله بتترك قالي لا هاي بس صوعه يعني مو إدمان و أهله ما يدرون بعد بس الحين عادي عندي لأن محترم شروطي إف ها الشي يعني مثلا في البيت ممنوع أشوف علبة السيجارة وحتى بالسيارة لازم ما تكون العلبة جدام عيني وما يدخن يوم يطلع معاي ولا حتى قبل ما يرجع البيت بنص ساعة يدخن عشان الريحة وما يتقربني وريحته دخان والحمد لله للحين ملتزم بشروطي وأنا معرسه من 4 سنوات.

والله المحاولة جارية للآن
اقوله ان بعد الاكل مباشرة موزين تسبب في سرعة الاصابة بمرض السرطان بعشر مرات لما انت تشربها في وقت عادي
والله ساعات اقوله لا تشرب وانا معاك
ومحاولة ورا محاولة
وادعوا لي بالتوفيق