مالي غيركم اشتكي... ارجو الحل

السلام عليكم و رحمة الله و بركاته
ان شاء الله الكل بخير و عافية ,, يا بنات انا لي مده عايزه اكتب لكم و اشتكي بس كنت وايد متردده بس اليوم قلت لازم اكتب و الاقي حل ان شاء الله.
انا عمري 26 و ادرس ادارة اعمال بكندا حيث اقيم حاليا . الحمد لله مش ناقصني شي اخلاق , جمال و كل شي الحمد لله ..المهم انه انا حاسه اني محسوده كثير و عيون الناس فيني لاني انا دائما محط انضار الجميع , حيث ارتل القران امام الناس في المحاضرات الاسلاميه بصوت ممتاز ودائما اسمع الناس يتكلموا عني حتى تتصور فيه ناس انا ما عرفهم بس هم سمعوا عني وعاد يقولو لي اي والله سمعنا عنك ما شاء الله انتي كذا و كذا ,, يا ربي ايش اسوي انا والله اني عايشه زي كل البنات ولا مزوده شي بس مش عارفه شنوا اللي شايفين فيني غير طبعا تقولوا وايش المشكله , يا بنات انا مشكلتي انه كل ما يجي حد يخطبني الخطبه تتوقف من غير سبب والله جربت اقراء سورة البقره بس بعدين يجيلي كسل و ما اكمل مش عارفه شنو فيني والله و احس اني محسوده كثير و ما اقدر اسوي شي والله انه جا اكثر من خطيب بس اللامور تتوقف وانا يا بنات اكبر يوم عن يوم .
هذي عاد مشكله اما المشكله الثاني انه في واحد ملاحقني و مطلع روحي يعني له اكثر من خمس سنوات ذابحني المشكله انه متزوج و عنده بنتين صغار , اتعرفت عليه في مقر عملي حيث كنت سكرتيرة محامي و هو جاء و عنده قضية المهم مدري كيف عرف ايميلي و بدا يرسلي و يجي المكتب طبعا انا عاملته كانه اي واحد جاء معه عمل مع محامي بس بعدين بدء يتصل فيني و انا ما كنت احب اتكمل مع ناس من غير عمل معين , صار بعدين يقول لي انه معجب مدري شنو انا عاد عصبت و قلت له يبطل السخفات بس بعدين قل لي انه زوجته مريضه و مدري شنو انا عاد حزنت عليه وقت له انا زي اختك و اذا عايز اي مساعده انا حاضره المهم حضرته فهم قصدي غير و بدء يحبني وانا وقفته عند حده بس ما يفهم غيرت ايميلي بس مدري كيف يلاقيه والله اني استقلت عن عملي علشان ما يعرف انا فين بس والله انكم ما تتصوره انه دفع لناس فلوس علشان يدورا عني انا صرت اخاف منه لانه رجل ثري و بايده يعمل ايش شي رغم صغر سنه هو تقريبا 35 و كان مغصوب انه يتزوج زوجته اللي هي مش من بلده بس انا مش مصدقه لان كل رجل بيقول انه مش سعيد مع زوجته و انه مغصوب , المشكله انه لحد الحين بيلاحقني يا بنات اتصور انه طلق مرته علشاني والله انه مجنون و انا قلته اني مش عاوزته بس والله انه مجنون اخر مره هددني انه راح يموت نفسه اذا ما اكلمه و انا عارفه انه صحيح مجنون وراح يسويها ,, وقالي انه راح يجي كندا علشان يكلمي انا والله خايفه , بس انا سائله عنه قالوا انه رجال محترم و ما عنده خرابيط بس عاد ليش يسوي كذا معايا حتي لو يحبني . ارجوكم يا بنات قولولي ايس اسوي انا راح اجن , على علم انا مش مخبية اي شي عن عائلتي الكل عارف بس مش عايزين يتهورو , طبعا اخوي عارف بس هو عايش معايا في كندا ومش قادر يعمل شي ..المهم انا استعين بكم و ارجوا انكم تساعدوني