لوكــ جديد،، بأنـامل روح الورد،،

روح_ الورد 31-03-2007 98 رد 8,018 مشاهدة
ر

السلام عليكم ورحمـة الله وبركاته!!
هلا أخواتي!!
حبيت أعـرض لكم لوكـي الأول!!
وأتمنى ينال رضاكم!!

أول خطوة قبل ما أبدأ بالميك آب أحب أحط البيلنغ والماسك على بشرتي!!
أنظف بشرتي بالبيلنغ،، وبعده الماسك وهو للبشـرة الدهنيه من لانكوم!!
يعطي البشرة إشراق،، وينور الويه!! جيه :shy:




بعدين أخذ شاور سريع!! وأحب أحط ها الميلك من نمبر فايف!! يجنن يا بنـات!!



بعدهـا أحط التونك من ميك آب فور إيفر،، ينعم البشرة،، ودائما أخليه بالثلاجـة!! يبرد على ويهي!!
وتحسين إن بشرتج مستعدة للميك آب!!



وتبدأ خطوة كريم التهيئه للبشرة من ماك،، أنـا أسميه الكريم العجيب!! وأتبعـه بالفكس!!



الخطوة المهمه،، كريم العيون قبل ما نحط الكونسيلر،، يحمي محيط العين،، وبعده أخذ فرشاة الكونسيلر من ماك وأبدا أخلط الدرجات مع بعض إضافه للكونسيلر التيوب وهو روعـة فعلاً



بعدهـا بديت بوضع الفاونديشن،، وإخترت أساس ميك آب فور إيفر خفيف على البشرة،، ويناسب
البشرة الدهنيه،، وخلطت وياه كونسيلر ماك وفاونديشن الماجيك من لانكوم يعطي ملمس بودري!!
وبفرشـاة ماك للأساس،،



الحين التطبيق الفعلي للميك آب،، حطيت لوز باودر من ريفلون وهذه بلمعه حلوة،، حطيتها تحت عيني!! وتعمدت أختار هذه اللوز باورد لإني أحب الويه يلمع خاصه تحت العين،، و بفرشـاة ماك المروحـة!!



حطيت بعدين بودرة جيرلان الذهبيه،، بعدين البيوتي باودر من ماك حددت الخدود وطرف الخشم!!



بعدها أضفت شوي بس من لمعـة الشامبين على زوايـا الويه،، لإنها تعطي تحديد رهيب كأنه ويهج منحوت << يا عيني على الوصف!!



نبدأ تطبيق مكياج العيون،، وإخترته باللون الأزرق البحري ،، والأزرق المطفي!!
أول شئ حطيت من قلم مكياجي لتثبيت الأي شدو!!
بعدها خذت من اللون العاجي اللي في النص من علبه ديور!!
وحطيته على كامل الجفن ومديته لين الحاجب!!



بعده خذت من اللون الأزرق الهادئ،، ووزعته على كامل الجفن الأعلي إنطلاقـا من زاويـة العين الداخليه،، وكثفته أكثر عند زاويه العين الخارجيه!!




بعدها دمجت اللونين مع بعض ،، بفرشـاة الدمج من ماك،، وموهت اللون الغامق بشكل تصاعدي حتى عظمـة الجاجب!! وهذا اللوك اللي كنت أبي أطبقه!!



خذت من بيجمنت من كوليكشن الدانس لونه فضيع،، وحطيته فوق العين ورتبته زين!! وطلع يلق من حلاته!!



بعدين تجرأت وإستخدمت الكحل الكريمي لأول مره،، وطلع شئ،، وبخط خفيف فوق خط الرموش اللي فوق،، وشوي للي تحت،، وحطيت من البيجمنت فوقه،، طلع يجنن!!



وكحلت عيني بالأزرق من داخل،، بقلم برستيج،، وفوقه بماك!!



بأداة الرموش يسمونها العاقصه،، حطيتها على رموشي ،، وبعدها حطيت من ماسكرا لانكوم وفوقها ماسكرا بنفيت!!



بعدها رطبت شفايفي بكريم نيتروجينـا ،، وحطيت غلوس ينفخ الشفايف،، بس يحرق شوي،،



إنتظرت شوي وبديت أرسم شفايفي بالمحدد،، وبعدين من روجي المفضل من ماك،، وبعدين الغلوس!!



بعدها البلاشـر من إيف سان لوران!!



نثرت شوي لمعه على ويهي وشعري!!



مناكيري المفضل،،



تعطرت بهذيلا العطرين!!




وخلاص،، أتمنى يعجبكم!!
x
ماشاء الله عليج والله شغل مرتب

يعطيج العافية
s
" alt="" loading="lazy">
ع
روح الورد
اخير ا اطلقتي لنا ابداعاتج وخلتينا نشوف لوكاتج
الي كنتي خاشتها عنا
ماشاء الله عليج عجبتني طريقه شرحج الواضحه.
اما اللوك فأكيد طلع رووعه لان انتي الي حليتيه .
سعيده جدا بمشاركتج الحلوه وتستاهلين التميز بجداره

تسلم لنا اناملج الذهبيه يالغاليه
ولا تحرمينا من ابداعاتج
عاشقه الدوحه
%
روح الورد عيني عليج بارده

اللوك حلو ما شاء الله

بس بسألج عن الاضاءه الي قلتي تنحت الويه <--- عجبني وصفج الصراحه

المهم شنو اسمه بالضبط لاني غرامي ماك ولمعاته

ننتظر لوكج اليديد لا طويل علينا الغاليه

مــــع الســـلامـــه
و
مشاء الله حلوووو الطريقه

يعطيج العافيه
ق
ماشاء الله أبدعتي في سرد الطريقة

وألوان حلوة

كل الشكر لج
ر
ماشاء الله عليج اختي روح الورد...طريقتج روعه في المكياج...بالج طويل في وضع المكياج انا ماعندي عشان هذا كله بس بستفسر هذا شرح مكياج سهرات صح؟!!
T
نعووووم كيووووووت


الله يعطيح الف عافيه
د
ما شاء الله عليج ..

حسيت بالترتيب في المكياج ..

الله يعطيج العافية .. و ننتظر لوكات جديدة ..
ر
ماشاء الله عليج اختي روح الورد...طريقتج روعه في المكياج...بالج طويل في وضع المكياج انا ماعندي عشان هذا كله بس بستفسر هذا شرح مكياج سهرات صح؟!!
م
حبيبتي روري

فديتتتتتتتتتتتتتج والله

رووووووووووعه اللوك اتخيله وخاصة لو تتدرين اني امووووت باللون الازرق والتردجات احسه انيق كثير بالعين ...

وفعلا اعجبتني بعض الخطوات
- تكحيل العين بنفس الدرجة بس استخدممتي ماركتين واسئلتي لج :
- هل ثبت اللون وهل استخدامك الدائم لها يثبت ويكون اعمق ؟
- هل جربتي لون ثاني مغاير يعني اسود مع اخضر ؟


- طريقة الماسكرا انا تعلمتها من برنامج بالصراحة احلىى وفرحت لما حطيتها
هي جدا جدا طريقة حلوووه


- طريقة اللمعه وكيف نشرتيها حلووة وانا تشجعت لما شفت وحده من الاهل نشارتنهم رووعه ما شاء الله وفكرة الشعر هم حلوووة

موفقة يا رب ومشكوووووووووووووورة على المشاركة ومنتظرين منج االلوكات القادمة
غ
لو سمحتي بليز بليز بليز

وش اسم هاللي ينفخ الشفايف ؟؟


وين الاقيه ( المحلات ) !!!!!!!

بتزوج بلييييييييييييز...........
v
مشكووووووووووووووووووووووووووووووووورة

عالموضوووووووع الحلوووو
o
مشكوووووووووورة

تسلمييييييييييين

شرحك رائع
ننتظر جديدك
م


وعليكم السلام ورحمة الله وبركاته ،

يه يه يه يه شهالزين يا روح :) ،

بصراحة لوك حلوووو والخطوات حلوة وإنت أحلى :) ،

بس أكيد اللوك لمناسبة أو سهرة ، لأن هالخطوات مو لمكياج عاااادي ،

صح :) ، <<<< أكيد صح يا مجـد :D ،

ألف شكر روح ، وبانتظار المزيد من إبداعاتج ولوكاتج الحلوة :) ،

(f)
l
ياهلااااااااااااااا وغلاااااااااااااااااااا

دخلت الموضوع طيراااااااااان

ماشاء الله لوك حلو ومميز بنفس الوقت

خطوات واضحه ومرتبه

الف شكر الغاليه روح ماقصرتي

وشهادتي فيج مجروحه صاحبة ذوووق مميز(f)

بأنتظار جديدج

(f)
م
ما شاء الله عليج روعه طريقتج والشرح واضح ووافي
مشكورة ولاهنتي
S
قال يعجبنا قال الا عجنبي ونص وثلاث ارباع لو بغيتي بعد بسم الله ماشاء الله عليك ياررررووح اللوك روووعه وطريقة الشرح مع الصور ولااحلى منها تسلمين على المجهود الرائع ماننحرم من مجهوداتك الرائعه دائماً .... بس ياقلبي عندي سوالين هما كالتالي :

وش فايده تكحيل اللون من داخل العين بقلمين مره برستيج ومره ماك وكمان ايش رايك باقلام برستيج هل تحسيها لونها واضح داخل العين ؟

وبالنسبه لعلبة الشدو من ديور كم رقمها اذا سمحتي مرررررررررره الوانها رائعه ؟
ه
ما شاء الله و فيتي و كفيتي حبوبه ..


مشكوره استفدت منج ...
X