سرقها وهجرها ... وتريد الطلاق...

السلام عليكم ورحمه الله

المشكله الي بدخل فيها على طول ممكن تعاني منها الكثير من المتزوجات وان كنت سأعرضها سأعرضها للعبره .... قبل لا اطلب منكم الحل ... لأن تقريبا صاحبه المشكلة اتخدت القرار بس للحين تفكر فيه ...

هي صديقتي وتزوجت قبلي وعندها بنت عمرها سنه وكم شهر وحامل في بنتها الثانية وعلى وشك الولادة في كم يوم ان شاء الله والله يقومها بالسلامة ..

المشكله بدأت عندما ظهر ورم خبيث في كرشة رجلها بعد اصابة خطيرة وهي في كانت حامل في الشهر السادس ,,

المشكله هي ان زوجها ما يصرف معاها ابداً هي تشتغل وهو يشتغل وهو الحمدالله يعني مو غني ولكن حالته الماديه جيده جداً وله عمل خاص بعد .... وكانت لمه تاخذ منه مصروف تاخذه بالموت ...

صديقتي سافرت عشان تتعالج عن الورم واستأصلته والحمدالله لكن تحتاج متابعة علاج بعد الولادة ان شاء الله في الفتره هاذي زوجها ما سأل عن بنته ولا صرف عليها دينار واحد ولمه رجعت كان هذا الكلام عيد الحج ... شافت بنتها عندها ملابس جديدة استغربت ظنت ان زوجها هو الي شراهم طلع ان خواتها وامها هم الي شرولها ملابس وطول فتره الشهرين الي هي تتعالج برا زوجها ما صرف عليها .... ولمه كانت تتعالج الحبيب ولا حط معاها فلس اخذت قرض من نفسها وعالجت نفسها ...
وانا اقولكم الزوج يستطيع مادياً..... مو مفلس .... صديقتي (ف) رجعت من السفر وقعدت بيت اهلها للراحه ومتابعة حالتها .... حامل وعمليه يعني صعبه تكون لحالها في شقتها ..... الزوج ما صدق على الله طلع من الشقه عشان ما يدفع الايجار ,,, وانطردوا من الشقه .... والحين كل واحد عايش في بيته ...

زوجها المحترم اخذ اغراضه وقعد معاها في بيت ابوها بعين قويه طبعا هيه لا حول ولا قوله ما تدري ان الشقه طبعا غير موجوده ,,,,, في يوم .. زوجها راح اخذ بطاقه الصراف ,,,, وسحب مبلغ 1000 دينار من رصيد زوجته الي هي صديقتي .... بدون علمها او خبارها ..... طبعا بناء على الثقه الزوجيه صديقتي ما عطه زوجها الرقم السري حق البطاقه من زمان بس ما تصورت ان يسحب فلوس من وراها او يبوق بطاقتها .... المهم مرت ايام صديقتي راحت تبي تسحب فلوس .... شافت رصيدها صففففففففففففففففففففففففففففففففففر ......... تيبست مكانها شلون فلوسها اختفت والبطاقه عندها بعدها زوجها خبرها ان هو الي خذ الفلوس على كلامه كان محتاج ... صديقتي عصبت ,,, وكان الموضوع هذا القشه الي كسرت ظهر الجمل...

لا يصرف على البيت ولا على الشقه ولا على الياهل ولا على الزوجه وفوق هذا يبوق البيزات .... من غير اذنها فما كان منها الا انها تطلب منه ان يطلع من بيت ابوها ..... وطالبته برد الفلوس فوراً .. تصورو رد فعل الزوج ... نحاسه فيها اربع شهور يتهرب منها في رد الفلوس ويتعذر لها .... وفوق هذا ولادتها قربت حتى فلوس الولادة ما عطاها ....

والامر من هذا طرش امه تهاوش صديقتي لأن طردته من البيت ( فوق سواد ويهه قوة عينه ) فما كان من صديقتي الا ان تنهار وصادها انهيار عصبي وهي الحين في شهرها التاسع ....وطبعا طردو امه .. وصديقتي طلبت الطلاق وان يرجع فلوسها او ان يصير ريال ويصرف على بيته وعياله ,, ولا بتشتكي عليه ..... في القضاء العسكري بحكم ان زوجها عسكري ...... رجع لها بدموع التماسيح ويقول لها ان ما يقدر يستغنى عنها ..... وان بيرجع الفلوس .... طبعا وبعدها ما شافت ويه ولا شي .. إلى اليوم وهي قربت الولادة ........ وهي مواليد 1983 وتقول انا ما يفرق عندي اتطلق الحين لأن اهلي من تزوجت إلى الحين هم الي يصرفون علي وعلى عيالي ... وزوجي ما استفدت منه الا اسم ,, وبس ....... والشي الثاني صاير خاتم في يد امه لدرجه ان كان يطلع من عندها يضحك ويرجع لها منقلب انسان ثاني ....

هل تعتقدون ان ممكن حاله ينصلح .. صديقتي تقول بعدالولاده بتحاول تقعد معاه وتحطه قدام امرين

يا ان يرجع الفلوس الي اخذها ويصرف على عياله وينسى انها تشتغل ويخلي امه بعيده عن حياتهم الزوجيه ويطلع الشقه الي سكرها ,, ويصير أدمي
او ان يطلقها ... وبتقعد تربي بناتها اشرف لها من البهدله

اسفه طولت عليكم بس اتمنى القى تجاوب
نور