هالكيكة مسويتنها خصيصاً الى محبين بسكوت الاوريو (تقصد روحها)
وبما اني من محبين الاوريو ف كل شي فيه اوريو بالنسبة لي عجيب
ف قلت خل اجرب احط الاوريو في خلطة الكيك المعتادة اللي استخدمها في كل شي
وطلعت بالفعت حدها عجيبة ولذيذة وخفيفة ( في طبخة نزلتينها ما مدحتينها )
يلا نبدي
نحتاج الى بسكوت اوريو تقريبا 4 ظروف كل ضرف فيه 4 حبات
ف 4*4 =16 (خوش معلومة)
ونحتاج الى 4 بيضات
وكوب ونص طحين جميع الاستعمالات
كوب سكر
ثلث كوب دهن
ربع كوب حليب سائل او ربع كوب ماء فيه ملعقة ونص حليب نيدو
شوية فانيلا لا مو شي كثري احسن علشان ريحة البيض او هيل
ملعقة طعام بيكنك باودر
الطريقة يا شطار
ناخذ بسكوت الاوريو
ونكسرة الى قطع صغيرة
انا صققتة بالسكين علشان لا يتفتت لي ناعم كلش
مثل الصورة
نحط الربع البيضات في الخلاط
ونحط عليه السكر والفانيلا نخلطهم زين
الى حط ما تصير رغوة
واضيف علية الدهن والحليب
واخلط بعد
وبعدين احط الطحين مع البيكنك باودر مع بعض
واخلط زين
بعدين اصب نص المقدار في القالب اللي دهناة بالزيت من قبل
واحط فوقة ثلاثة ارباع بسكوت اوريو اللي كسرناه
وبعدين اصب بقية خلطة الكيك على البسكوت
وبعدين احط بقية البسكوت المكسر
ورشيت عليها بعد شوية كاكو
ودخلتها الفرن
على حرارة 180 درجة
الى حد ما انتفخت وستوت
لما صارت دافية شوي
حطيتها في الصحن
بس مع الاسف ما صورتها بعد التقطيع
عس عجبتكم
ترى يحبونها الاطفال والكبار
لمحبي الكاكو ممكن اضافة ملعقتين كاكو بودرة الى خلطة الكيك
بتطلع بعد تجنن
يمي يمي
