هلا خواتي يمكن اخر مره ادخل المنتدي بس قبل لا اترك المنتدي بغيت احكي لكم قصتي مع نفسي ومشكلتي...
انا انسانه ابالغ من العمر 30 سنه واول مره اقول عمري الحقيقي حق اي شخص
بديت حياتي كلها بلعب وجذب ونفاق وظلمت نفسي وااايد بدون سبب
اليوم بذات قررت اكتب لكم هاي الكلمات لكل بنت تحاول تجذب لان درب الجذب مظلم
خواتي انا مب مستحيه من كل كلمه اكتبها لكم الحين وانا بيني وبين ربي صدقت
وربي شاهد ع كل كلمه راح اكتبها
واتمني قلوبكم ماتحكم ع ولا تظلمني الله غفور رحيم والله يسامحني والله يثبتني ان شاء الله
ع الحق...
قصتي ...بديتها عند انسانه كانت قربيه من نفسي بوقت الدراسه وكنت احبها وااايد
وعلمتني ع تصرفات ....اعذروني مااقدر اقولها والله يستر ع الجميع
افترقنا...وكل شخص راح بطريق...وتميت بروحي لفتره...وبعد تعرفت ع انسانه ثانيه
بس كانت اقربيه لا اكثر ولا اقل...
والعلاقه اللي ماتنبني ع الصدق والصراحه عمرها ماراح تنجح حتي لو طولت
ومرت ايامي كلها بدون صدق مع كل انسانه اتمر بحياتي وحتي بعمري ماكنت اقولهم عمري صدقي ...بسباب تافه اني مااحب حد يعرف بهذا شي لانه اعتقده شخصي ....؟؟
ومن خصوصياتي ...بس رغم كل صفاتي فيني طيبه فضيعه مع الناس لو حتي الشخص جرحني او هاني
ادري في اشخاص وااايد راح يقرون قصتي..هاي بس يليت من اللي يشوفها يعرف درب الجذب ونفاق...شو تكون نهاية
خواتي ...انا جذبت وااايد بحياتي بس عمري ماحاولت اتعرف ع اي شخص او اكلم اي واحد في تلفون لاتستغربون هذا الصدق
عيبي كان الجذب والجذب والجذب والجذب ومافيه شي ثاني وكنت غامضه بحياتي يمكن عشان ظروفي
كل مره احاول اتوب وكل مره اقول اخر مره الله يسامح بس ماتعلمت من غلطي غير بعد
مادخلت بحياتي انسانه ....
لها مني كل الاحترام وتقدير
قصتي معها...بديتها عن طريق النت من قبل اربع سنين وايامي كانت والحمدالله حلوه
معها..بس تعرفون شو غلطتي انا جذبت بعد عليها لاني كنت احس انها مثل كل بنت تعرفت عليها
الكل كان يجذب ع والمصلحه كانت من بينا..
المهم ...عرفت كل شي عني وحاولت انها تصلح مني ع كثر ماتقدر بس سبحان الله
استمرت معاي 4 سنين طبعا عشرة عمر من بينا...احترمها وقدرها واعتبرها اخت غاليه ع
واتمني منها تسامحني ع كل كلمه او كل حرف جرحتها او قصرت معها طلبت اخت من اختها
خواتي هاي الانسانه كان لها الفضل الكبير لهديتي الحين وكان لها تاثير فضيع مب من فتره طويله
لا من فتره بسيطه...كانت دايم تنصحني وتعلمني اشياء كنت انا غافله عنها بحياتي وفي ديني
بس سبحان الله تقريبا من 3 اسابيع وانا تغيرت فيني اشياء وااايده ماعرف شو سبب الحقيقي
بس تفجر هذا شي فيني بعد مادخلت موقع فلاشات الدعويه..وشفت فلاش القبر ...ودمعة تائبه
ومن امس قررت اني ما ارد ع اي موضوع لشاب في اي منتدي وبعزم مني بعد ماسالت احد المشايخ جزاه الله كل خير
قعدت اصيح ع عمري اللي قضيته دون تقرب الى الله وعدم الصدق مع نفسي والغير
خسرت ...كل شي حلو بحياتي ومرت سنين من عمري بدون فايده...
واكبر خساره بحياتي خسرت اغلي اخت عندي الكل فرحان وانا تميت بوحدتي وهذا يمكن عقاب من الله
اكتب هاي الرساله من قلبي لكل من يريد التوبه...بعد الحمدالله الله ماهداني الى طريق الحق
الصلاه اهم شي وتقرب الى الله اهم شي والقرآن الكريم رفيق الدرب...
في لحظة تجلت فيها رحمة الله وعظيم فضله للعبده الفقيره، انظر إلى هذه اللحظة ولا أزال إنها كانت لحظة هدايتي.
واسال الله أن يثبتنا على دين الحق ويوفقنا لما فيه الخير والرفعه
الي الله
اسباب كتابتي لهذه الرساله بعد ماوصلتني رساله ع المنتدي ..
خواتي تبون تعرفون منو هاي الانسانه لي كانت بداية هدايتي ع ايدها بعد الله
الاخت انســــــــه فلـــــــــــــه
الله يرزقها الجنه ويوفقها بحياتها ان شاء الله والله يسعدها بدنيا والاخره
اللهم وفقها لعمل الخير اللهم امين
اللهم وفقها لعمل الخير اللهم امين
اللهم وفقها لعمل الخير اللهم امين
اختي انسه فله...انا ماكتبت الرساله هاي عشان غرض معين لا والله وربي
شاهد ع كلامي بس بغيت اقول لج انه لج الفضل بعد الله بهدايتي
وفرحت وايد برسالتج انج فرحانه من كل قلبي الله يسعدج دنيا واخره
