مشكلتي ان زوجي عصبي

وينكم محد رد 18 ولاحد رد حتى بكلمة على العموم شكرا

السلام عليكم

اختي الله لا يغير عليكم ابدا

ذكرتيني باللي فيني والله قلبي يعورني حيل

أختي انت قلتي انه هذه الايـام تغير وصار عصبي

يعني هذه فترة وتعدي .. يمكن عنده مشكــلـة في الشغل او مع ربعـه

حـاولي ما يرجـع البيت انك تجلسي مــعه ونتاقشي في اللي زاعج خاطره ومكدرنه كل ذا التكدر

وبعديــن تتركي بيتك علشـان العصبيـة اللي تقوليــن انها هذه الايـام بس ؟؟؟؟

وبعديــن مو كل مشكلــة لها معالج نفسي

صدقيني يمكن هو محتر من شيء معيــن

انت حـاولي تجلسي معه وتكلمي بهدوء ولا تنسي كلمات حبيبي عيوني قلبي لانها تلين العصبيــة

سألي وش فيــه وربي بيساعدك

وانصحــك انك تتصلي فيـه الحيـن في الدوام .. وتقولي له مشتاقـة لك .. واحبــك والله انه بيندم على اللي سواه

مثل ماقالت اختي الوان سحريه...

يمكن عنده مشكله في الشغل او في البورصه( موضة هالأيام) او يمكن انتي ما موفيته حقه( اكيد فهمتي)

حاولي اختي تبحثين عن سبب التغير والعصبيه ...

واحسن حل اللي انه مجربته ...المساااااااااااااج ...جربي ...اخذي اي زيت ريحته حلوه...وطبعا في زيوت خاصه لهالغرض...وعملي له مساج مثل الأطفال...

واولا واخيرا الدعااااااااااااااء...

الله يصلح الأمور مابينكم ....

السلام عليكم أختي

أول شي إنسي موضوع روحة بيت أهلك
ثاني شي أطلبي من الله إنه يهديه ليل ونهار وشوفي صلواته وإذا هو يهمل فيها لا تروحين تقولين له إنت ماتصلي ولا ماتعرف ربك لا إذا جا وقت الصلاه بأحسن إسلوب جيبي له السجاده وسجادتك وصلي أمامه فرضك وذكريه بموعد الصلاه. حاولي إنك تقرين عليه وتعطينه أذكار الصباح والمساء يقراها لنفسه صدقيني إذا هو ما يسوي هالأمور هذا واحد من أسباب عصبيته.

ثالث شي إذا هو ماوده يقولك بداخله لا تحاولين تجلسين وتلحين عليه شفيك شفيك وانتبهي تراددينه ولا بنص كلمه إذا هو معصب وإذا طلب شي وهو معصب غير كلمة إن شاء الله لا تقولين حتى لو الشي مش عاجبك قولي إن شاء الله وتامر أمر.

وبعدين أنا زعلانه منك تدرين ليه لإنك تحبينه وفوق هذا بعد عندك عيال منه أطلب طلب حتى مجرد التفكير إنك تروحين بيت أهلك لاتفكرين وإذا جا ها لتفكير تعوذي من إبليس وخلي عندك نظره واسعه للموضوع هذا

لو رحتي بيت أهلك أول شي عيالك

[mark=FF9999]( لاحــــول ولاااااااااااااااقـــــــوة إلا بالله العلي العظيم )[/mark]

ثاني شي في هاللحظه هو محتاج لك أكثر من أي شي تقومين وتخلينه
ماتدرين مثلا يمكن يتعرف على وحده وهذا شي محتمل بعدين بتخلين أهلك ينظرون له نظره مو حلوه
ها ذي بعض الحلول شوفي وضعك وياه يمكن لك فتره ما تدلعينه وبعيده عنه أظن فاهمه
حاولي تمتصين غضبه حتى لو يكسر البيت بكبره حاولي خلي يعرف مدى غلا حبك له بعض الرجال تلقينه لا هي في أمور الدنيا بس مايعرف مده حب زوجته له إلا في المواقف اللي يشوف فيها مدى صمود زوجته وحكمتها
وبعدين عندي سؤال لك إذا هو يسهر برا واجد قولي لي علشان أحاول أساعدك
الله لايغير عليكم إن شاء الله ويهدي مابينكم

ثاني شي في هاللحظه هو محتاج لك أكثر من أي شي تقومين وتخلينه
ماتدرين مثلا يمكن يتعرف على وحده وهذا شي محتمل بعدين بتخلين أهلك ينظرون له نظره مو حلوه
ها ذي بعض الحلول شوفي وضعك وياه يمكن لك فتره ما تدلعينه وبعيده عنه أظن فاهمه
حاولي تمتصين غضبه حتى لو يكسر البيت بكبره حاولي خلي يعرف مدى غلا حبك له بعض الرجال تلقينه لا هي في أمور الدنيا بس مايعرف مده حب زوجته له إلا في المواقف اللي يشوف فيها مدى صمود زوجته وحكمتها
وبعدين عندي سؤال لك إذا هو يسهر برا واجد قولي لي علشان أحاول أساعدك
الله لايغير عليكم إن شاء الله ويهدي مابينكم

[B]حبيبتي ...انا اعاني من نفس المشكله

صارلي سنتين متزوجه وداخله الثالثه وزوجي جدا جدا عصبي لدرجه محد يتخيلها يعني لو اغير مكان شي هو حاطه بسوي منها مشكله وبكبرها وبيزعل لفره وعقب يهدى ويتاسف بس الفرق اللي بيني وبينج ان ما عندي عيال واعاني مشكلة عدم ثباتهم في بطني ولي ثلاث مرات حامل ويطيحون فهذا بعد زاد عصبيته ...والله العظيم ما اخش عليكم اني صابره صابره على كل شي يعني تلويم بطريقه غير مباشره ....ومع هذا توكلت على رب العالمين ودائما اقوله واغتنم الفرصه يوم يكون رايق واقوله ((انا اعرف انك راح تقدر كل هلايام اللي انا صبرت فيها على كلامك الجارح وعصبيتك اعرف انك اصيل وما راح تنسالي وقفاتي وبتعوضني وبتخف عصبيتك))


صدقيني هلاشهور احس فيه تغير ممكن تقولين خف شوي علي ...انا دائما يقولولي حتى خالاته سيري بيت اهلج زعلي خليه يصطلب ويخف عليج ما يسوى عليج تحبينه بس والله ما سمعت كلامهم ادخله منيه وطلعه مناك ...توكلت على الي خلقني ودعيت ان الله يهديه وخف عليه هلعصبيه وان شاء الله ان ربي معانا ان شاء الله ................ اكثري من قراءة القران ياما وياما طلعتني من مشاكل وصلت لطلاق .......بذاتا سورة البقره ويس...........


واتمنى انج تصبرين لان الله مع الصابرين

الله يوفقج ويهدي زوجج وثبتج على التحمل والصبر الصبر غناتي والله انه مفتاح الفرج ............



ادعولي بذريه لا تنسوني................................[/B]

حلول غلا الدوحه والوان سحريه مره تجنن جربيهم إن شاء الله مايضيع تعبك

أني من رايي تشوفين علاقتكم الجنسية لأن متى ما كانت العلاقة الجنسية بين الزوجين طبيعية فهدا يساعد على إرتخاء عضلات الرجل وراحة باله
فليش ما الليلة عقب ما ينامون الأولاد تتزينين وتتهيأين ليه وتحاولين تتقربين منه وتداعبينه وحتى لو حسيتين منه صدود يمكن من اللي فيه في البداية يصد بس لا تهدينه دوري أكثر الأماكن الل ييستثار منها وهني بيحس روحه كلش محتاج ليش ويتم الشي عقبها يرتخي كلش ويمكن يحس أنش ترى تحبينه وقاعدة تتقربين منه مهما سوى فيراجع نفسه
ترى هالعملية واجد ليها تأثير على أعصاب الرجل

الوان سحرية مشكورة حبيبتي على الرد وانتي اكيد حاسة فيني
لاتزعلين مني حبيبتي لاكن كيف اتصل علية واكلمة الكلام الحلو الي قلنية وهو مصرخ علي وسابني
احسها صعبة جدا لاكن اوعدك اني احاول
وبعدين العصبية طبع فية حتى حواتة وامة يتجنبونة اذا كان معصب لانة مايحترم احد اذا كان معصب حتى امة
المعالج النفسي يمكن يساعدني في فهم شخصيتة اكثر وايجاد لها حل تخيلي يوم في سعادة وعشرة في تعاسة
والسبب ويعصب علي واسكت عنة وما اكلمة بل الايام

تسلمين غلا الدوحة
ومنورة واسعدني ردك الجميل لاكن انا اعترف اني مقصرة لانة اي خلاف بينا اتركة وما اكلمة
مرات يصرخ لاتفة الاسباب وانا مليت واتركة ما اكلمة والمساج فكرة حلووووووة وبجربها

عز يحايل كلامك صحيح هو ميحافظ على صلاتة ونومة تقيل احاول اصحية لصلاة لاكن مايرضى يقوم
كلامك حلو وانا بحاول معاة لاكن وهو من النوع الي مايحب يتكلم ويقول الي في خاطرة
كتوم لاخر درجة وانا ما اسكت لة دايما ارد علية في اي جدال يصير بينا لاكن تخيلي مرات يكون صوتة عالي
وانا ساكنة عند اهلة ويسمعون شو بيقولون عني معندها كرامة
بنت الكبيسي
تسلمين حياتي على الرد والواحد شيقول غير لاحول لاقوة الى بااللة العظيم اذسكت انجرح واذتكلم انفضح
عز ياحايل تسلمين على الرد وهو يسهر على النت لين الفجر
ريم الفلا وبس
حبيبتي تسلمين يا الغالية على الردالرائع واصبر مع زوجك وانا نفس الشيئ عصبي لدرجة اذا حركت شيئ من مكانة يثور
واذا صاح الولد يثور وتخيلي امس عصب السبب عسلت غترة بدون ما اقولة
صرخ وسب الكل سمعة في البيت ويقول هذي ماتنغسل في البيت مكانت محتاجة غسيل
قلت لة هذا جزاي الي اغسل واكوي خاصة وانا ماعندي شغالة وطلعت وتركتة وماكلمتة لفترة
وياريت انة يعتذر لاكن دئما انا غلطانة
واللة العظيم تعبت ودي اطلق اليوم قبل بكرة لاكن الاطفال شو ذنبهم ماريدهم يشوفون الي شفتة لان امي مطلقة
لاكن تجربتك جميلة واللة بيعوضك وبيرزقك بالعيال الصالحين اللة يوفقك

عز يا حايل تجاربهم روعة وصبرهم اروع واللة يوفق الجميع
انا اشكر كل الاخوات العزيزات الغاليات الي ماقصرو في الردود الرائعة
واللة اني رتحت نفسين وانا اسمع ردودكم الحلوووووووة الي تريح الخاطر لاكن انا محتارة
اذا سكت اليوم واعتذرت بيتكرر نفس الشيئ من صراخ وسب وانا واللة ماعاد فيني صبر تعبيت من كثر المشاكل
لو كنتي مكاني انسان في اليل يضحك ويسولف معاك والصبح يثور مثل البركان
حتى انة قالي واللة زين اطلقك وافتك من هذا الشخص الي يستحق صبر وتضحيتي
احس ان العيال متاذين سواء انا في البيت او برى نفس الشيى بل عكس كل يوم يسمعون ضراخة مايتاثرون
انا واللة جهزت اغراضي وفكرت اتصل في الوالد ياخذني لاكن ردودكم كان اها اثرفي نفسي
جزاكم اللة خير لاكن كيف اتعامل معاة انسان اذا حركتي شيئ من مكانة ثار
حتى اذا تصلتي في وقت غير مناسب
انا حاسة اني بطلق بطلق كلة مسالة وقت لا اقل ولا اكثرلاني خلاص معاد فيني صبر بل مرة لاكن انا بحاول لاخر مرة معاة
ارجوكم ادعولي اذا

السلام عليكم...............
انا بصراحه اعاني من نفس المعاناه بس خلاص ما عاااد فيني صبر واليوم انشالله خلاص بروح بيت هلي وما راح ارجع له لاني تعبت منه واااايد وما اقدر اصبر اكثر ليش انا ايكون حظي مع واااحد مثله وبصراحه زوجي ما فيه مميزات بالعكس سلبياته اكثر شي فيه وانا قبل كنت اموووووووووت فيه بس مع الوقت خف حبي له واااايد وهو السبب مع عصبيته ومعاملته الزفت لي.....بس انا على كثر ما صبرت ما راااح اصبر خلاص انا وااااايد تعبانه وجا اليوم اللي ارتاح فيه

انا بعد كنت نفسج ريلي من عصبيته كان يعصب حتى على نفسه
بعطيج مثال يعني كان عادي يعصب على شي ماااااااااااااااااا يستاهل ابدا ويصرخ في مكان عام
ويتحرى انه ماحد سمع صوته يعني باختصار العصبيين ما يحسون على اعمارهم ابد
بس في حاله زوجي ما كان فيه سبب يعني اهو واهله كلهم جذه كلهم اعصاب باعصاب

بس كل اللي كان بايدي اني ادعي ربي بالثلث الاخير من الليل والله ادعيه وانا اصيحه لاني انسانه حساسه
وايد وكان يحرجني جدام اهله وجدام الناس وانا اتربيت في بيت هادي وكل اللي فيه اسلوبهم راقي
بالتعامل يعني ما تعودت على انسان عصبي بحياتي ولا اعرف اتعامل مع العصبيين

ووالله العظيم الله استجابلي عصيبته هدت وااايد بالتدريج مب مره وحده
الحين كل اللي يعرفه ما يصدق انه فلان..واهله يشهدون اني قدرت اغيره والفضل كله لرب العالمين

بس شوفي اختي يمكن ريلج في سبب لعصبيته يمكن في شي بالدوام او باهله او او او
يعني حاولي تخلينه يفضفض بس اذا ما بغى لا تجبرينه...بس يوم يهدى قوليله مب عشانج ولا عشانه
قوليله مب زين اليهال ينشون على صريخه باجر يستوون عصبيين او هالشي يسببلهم عقده نفسيه

نبهيه لهالشي ...دوووووووووووم وادعي وادعي وادعي والله حسبج وكفيل بامرج

شي اخير اختي ركزي اذا اهو ما يصلي حثيه على الصلاه لانه الانسان العصبي وايد بالغالب مب محافظ على صلاه وقران
ما بيستجيب بسرعه بس ادعي ربج انه يهديه وصدقيني الله بيهديه
وشي اخير لازم كل يوم تسوينه
تقرين اذكار الصباح والمساء وتسبحين وتستغفرين وايد واهم اهم اهم شي اهي قرايه سوره البقره يوميا او شغلي قران
سوره البقره بالذات يوميا ببيتج حتى لو اهو بالدوام شغليها وحطيها وعلي الصوت خلي الصوت يصدح ببيتج
فهمتي اختي يوميا سوي هالشي

وطمنينا عليج

الله يعينك على زوجك \
وانتي حاولي تتفاهمين معاه بالهدواء واختيار الوقت المناسب
والله يهدي سركم ان شاء الله

لاتفكرين بالطلعة من البيت نهائيا هذا بيتج وهذا زوجج وابو عيالج
الدعااااااااء عليك بالدعاء ادعي الله ان يشرح له صدره ويسر له امره
واقرأي سورة البقرة في المنزل وشغليها في المسجل على طول خليها شغاله
والله يهدي لج ان شاء الله

دمتم سالمين
اختكم شريفة

حبوبه ولو ان ماعندي خبره فهالمجال لاني لا مخطوبه ولا معرسه
بس من رايي ان الشخص يوم يكون مضايج يحط حرته في الشخص الي يكون جريب منه وايد

حاولي تعرفين السبب .. شوفيه يوم مضايج ويعق الرمسه قوليله ( ان شاالله) على فكرة هالكلمه وايد لها اثر .. حتى لو من داخلج تحترقين
اول ماتشوفينه يهدا روحيله وبكل حب واهتمام اساليه
ترى انا جيه اشوف في الافلام:shy:
ان شاالله اكون افدتج


طمنينا الغاليه
الحلم الوردي

[grade="00008B FF6347 FFA500 4169E1"]العصبية سببها الحزن


وبالتوفيق[/grade]

اول شي احب اقولج انه حالة ريلج ما تتسمى عصبيه .. واسمحي لي

تتسمى قلت ذوق واحترام ...

العصبيه .. يوم يكون الواحد مضايق من شي سواء في دوامة او بيته او اي مكان

ويفرغ اللي فيه سواء بهوشة ويا حرمته او عياله ..بس بعدها يراجع نفسة ويعرف

انه غلطان...ومب بضرورة انه يعتذر..بس يحسس الطرف الثاني انه ندم على اللي صار

ومن واجب الحرمه انها تتحمل ريلها .. وتوسع صدرها عليه ....بـــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــس


بدون مايهينها ...لانه لو اهانها مرة .. بيتكرر هالشي مرات ومرات


شوفي عزيزتي...واخذيها حكمه مني .. ومن تجربه

[COLOR="Red"]عزي نفسج ريلج بيعزج....ذلي نفسج ريلج بيذلج
شوفي...

لاتكلمينه ...يوم يومين حتى لو شهر .. لاتكلمينه ... اتجاهليه لابعد الحدود..

حافظي على بيتج ... وعلى عيالج ..حتى اغراضة حافظي عليها

بس ازعلي عليه هو...خليه يحس انه اسلوبه هذا غلط..

بس ايااااج ثم اياااااج انج تخلين اي حد يدخل في الموضوع

خليه يعرف انج مب محتاجة لحد في حل مشكلتج ..ز وانج انتي قويه لمواجهتها






والله اني اكلمج من تجربتي ويا ريلي ..ومن نصيحة انسانه عزيزة علي

اللي هي ام ريلي ..

قالت لي ... اذا عطيتي ريلج فرصه لاهانتج ...وسكتي عنها بدون ردة فعل

فبعدها خلاص لاتلومين حد .. لومي نفسج وبس ...

وانتي ادرى بريلج اذا هذا الاسلوب ناتج من ظغط نفسي ... او من تعود على تقليل من احترامج

ترا الدين مثل ما حط لزوج حقوق ترا حط للمرأة حقوق [/COLOR]