اسكت عنه؟؟؟ ولا اوديه المستشفى؟ اخاف يتبهدل

ج

جمـــانة

مشرفة سابقة

28-03-2007 | 03:34 AM

السلام عليكم...

عندي مسألة شوي محيرتني.. وقلت استشيركم اشوف رايكم ...:gum:

عندي ولدي البكر حسين.. من يوم كان صغير تقريباً بعمر الخمسة شهور... صار له حادث بحيث وقع عن ارتفاع على الارض اللي كانت سيراميك.. ووقتها وديناه المستشفى وسووا له الفحوص كاملة والحمدلله طلع مافيه شيء..

المشكلة اني ما كنت بقربه يوم يطيح.. وما عرفنا طاح على وين بالضبط.. اقصد اي جزء من جسمه
فالدكتور رجح انه سقط على مقعدته.. والحفاضة حمته من اي كسر او ضرر..

المهم.. الولد بعد الحادثة كان طبيعي... وحبى ومشى كله طبيعي ولله الحمد..

بس لاحظت عليه وجودطرقعة في ركبته اليمين يعني اذا يثنيها كاملة.. ورد يمدها يطلع الصوت.. وكل ما كرر الحركة يرد يطلع الصوت مرة ثانية...

انا الحين متحيرة.. الولد شكله طاح على ركبته.. لكنه طبيعي جداً وما عمره ابد ابد ابد اشتكى منها ت تأ
تألمه او فيها شيء او تأخر في المشي
فهل اسكت عنه؟ وعمره الحين سنتين وخمسة شهور.. يعني الحادثة صار لها سنتين ...
او اوديه المستشفى؟ اخاف يبهدلونه ويسوون له عمليات وخرابيط وهو صغيير... وخبركم الطب عندنا كللللش ما ينوثق فيه..

:( :( :(

ن

ندايم

مشرفة سابقة

28-03-2007 | 04:33 AM

هلا الغاليه...

الله يحفظه ان شاء الله...

دوم يقولون لنا اذا الياهل طاح تكون طيحته خفيفه

(( لانه الملائكه معاه ))...

دوم العيايز يقولون جيه...

بس الغاليه اذا تلاحظين هذا الشئ فيه...

وديه على الاقل اشعه...

تتطمنين...الياهل ينسى الالم و يا اللعب و الحركه...

ومب مثلنا نقول و ين يعورنا...

يعني اذا قالولج شئ لا سمح الله (( ان شاء الله ما يكون فيه الا العافيه ))

جربي مستشفى ثاني عشان تتأكدين...

و طمنينا عليه...

ع

عذ به

عروس برونزية

28-03-2007 | 04:40 AM

انا رايي من راي الاخت على الاقل اشعه بس تطمنو بس
وان شاء الله مافيه الا العافيه

و

ولاء علي

مطرود

28-03-2007 | 04:44 AM

الله يحفظه من كل شر وسوء وبلاء ان شاء الله مافيه الا العافيه وديه وان شا ءالله خير

تحياتي

*

**ام يارا**

عروس فضية

28-03-2007 | 08:20 AM

الله يطمنك عليه ان شاء الله

ا

الدمشقية

مشرفة سابقة

28-03-2007 | 10:36 AM

فعلا اخت جمانة خذيه لعيادة اي دكتور توثقي فيه
انا اصلا مابحب المستشفيات اكرهها بحسهم سفاحين وبس وديه لدكتور وربي يطمنك عليه ان شالله

أ

أم المهند

مشرفة سابقة

28-03-2007 | 11:29 AM

ألف سلامة عليه إن شاء الله وما يشوف شر .. وربي يطمنك عليه .

أعتقد إن المسألة عادية أختي جمانة .. أنصحك تعملين له مساج بزيت زيتون دافي يوميا وقبل لا ينام وماسجي المنطقة إللي يطلع منها الصوت أكثر ..

وإذا ما تفهمي في أمور المساج بدقة أو ما تحبي تجازفي خلي أحد من الأهل أمك أو خالتك يعملون المساج وعسى خير .. ولو إنه ما يمنع تاخذينه للأشعة عشان الإطمئنان .

طمنينا عليه

ع

عروس حيرانه

عروس مبدعة

28-03-2007 | 12:00 PM

والله يا اختي انا ما اعتقد انه ممكن يكون صار شئ من سنه ونص ولسه بتظهر دلوقتي لوكان في شئ كان ظهر في ساعتها اما بخصوص الصوت يمكن تحرك حركه غلط اليومين دول وانتي ما اختي بالك وديه يعمل اشعه مفيش مشكله عادي علشان تطمني وانشاء الله مفيش حاجه طالمامش بيتألم

ل

ليدي^^عسل

عروس مشرقة

28-03-2007 | 05:28 PM

انااااااا ما انصحك توديه لانالركبةفيها غضاريف كثيره ومرااحل نموووووو لطفل

انا بنتي عمرها اربع شهووور واحس بصووت بركبتهاا داايم بس الصووت خفيف فااا انا اقول ا

انها مرحله نموووو والصوت هذا اذا ما اثر علييييييييه معناته مافي شيء انشاءالله

وانا يطلع صوت بركبتي وفحصت والحمد الله سليمه وللحين يطلع الصووت بس احيانا

الدكاتوره وش بيسووون اذا دكتووور يبي يتفلسف عليك وبيقوول فيه فيه وهو انشاءالله مافيه الا العاافيه

بس اذا رحتي دكتووووووور روحي لكذا دكتووور تتاكدين من اجابااتهم هل هم نفس الكلام ولا يختلفوووون ......

ومايشوف شررررر ياقلبي

ع

عروس الدوحه

عروس ماسية

28-03-2007 | 05:33 PM

الله يحفظ ولدج بس وديه للاطمئنان لانه لو طلع بعدين لاسمح الله فيه شي بيذبحج الذنب وتأنيب الضمير ليش ماودتيه موخسرانه هو جذي جذي بيتبهدل من مستشفى كلها كم ساعه بس اخر شي بتطمنين على صحته والف سلامه عليه

*

*جوهرة الدوحة*

عروس فضية

28-03-2007 | 05:48 PM

من الافضل أختي اتودينه اتسوين له اشعة عشان تتطمنين عليه ....وان شاءالله ماعليه شر..والله يخليه لج يارب...
أنا بنتي الثانية من يوم كانت صغيرة لما اي حد يمسك يدها ويجرها بدون قصد الكف ينفصل على طول وكل ماصار لها هالشي آخذها وأوديها المستشفى ويسوون لها أشعة ويقول لي الدكتور عادي يدها سلية بس لازم تتعلمين اشلون اتردين لها الكف لما ينفصل وبس الحين الحمدلله اليهال قاموا يتجنبون يدها لانها المسكينة من اقل شي على طول يدها تألمها..

ج

جمـــانة

مشرفة سابقة

28-03-2007 | 06:39 PM

والله كلامكم بنات عين العقل وصج ما راح اخسر شيء .. بس تعرفون قلب الام على وليدها...

ان شاء الله اقرب فرصة اوديه للطبيب..

اروح طب عام ولا فيه اخصائي عظام؟

b

bj3a

عروس ماسية

29-03-2007 | 01:43 PM

جمانه ..

قلبج قوي.. انا لو منج على طول اوديه حتى لو مر على الحادث 10 سنوات ..

اصلا انا اتريا الدقه عشان اوديهم المستشفى ..

بتضحكين عليه ..

هذيك المرة قرصت حمود سمسومه .. وديته العياده ودفعت عليه 200 درهم .. زوجي اونه لو بيسالوني عنج بقول مجنونة عيالها .. خخخخخخخخخخخخخخ