أبي رد سريع جدا.........................

اختي الجده ما قصدت شي في تصرفها انتي مشيها كم عمر ولدج هو كمل سنتين ولا لين الحين هي ربت عيالها وتعرف في هالسوالف انتي قوليلها انتي كنتي تبين تفطمينه وكلميها فالموضوع وعطيها اهميه وسمعي شبتقول هي تبي المساعده وانتي عامليها زين عشان تكسبين زوجج مب تعاملينها فهالشكل وتزيد المشاكل بينهم انتي اعتذريله وكبري عقلج مره ثانيه محد يحب المره الحنانه اللي تزيد المشضاكل وودايما تتهاوش وتحن والله يوفقج .

مب شي أختي أنتي فهمتي غلط ,, ولدي عمره سنة وثلاث شهور والحين بيدش الرابع بس أنا تعبت خلاص ما أقدر اتخيلي انتي ...أنا وياه 24 ساعة ومحد يساعدني إف شي بس يشلونه ويلعبونه ولازم أكون يالسه إذا رحت شوي طنشوه عشان ما اتعود وبالخير ولدي يباهم ما يباني مال مني لانه كله وياي لا والقهر أم ريلي وايد تتدخل تعبت من تدخلاتها المستمرة طبعا بدون ما تقصد وفها البيت قانون اتضايجي بس لا اتطلعين غلي فخاطرج وإذا طلعت تكبر المشكلة وتتعقد ما يتفاهمون لو الاسلب حلو بس ما شي وعقب يردون ولا جنة قلتي شي الصراحة أنا اتضايج يوم تيلس اتقول يبا أبوة ولا مال منج لاني أنا التعبانة مو هي أتمنى اتكونين فهمتيني وحاسه فيني وإذا على الاعتذار عادي بس هو بيتم يصارخ وأنا ما أبيه يصارخ والكل يسمع ومشكورة وأدري إني من ربيت اتغيرت 180 درجة بس ما أدري ليش أقولج مخي متلخبط أو بعد ولدي ما يحب أهلي كله يصيح ويلصق فيني وريلي ما يخليني أزور أهلي نفس قبل عشان أمه تبا حفيدها .........

باااااال بصراحه انا لو مكانج كان مت
كله ولا حد يتدخل في تربيه ولدي والمصيبه جدته يعني شوو متقولين بتطلعين انتي الغلطانه
الله يصبرج
اذا ريلج من النوع الي يصارخ طرشيله مسج وهو برع البيت بيرد بمسج ورا مسج لين يطلع حرته في المسجات بيرد البيت اشوه ممكن تتفاهمين معه بدون صراخ
هذا الي طلع معاي ان شاء الله البنات عندهم افكار ثثانيه
الله يعينج

الحمد لله في حد يفهمني ........ لو طرشتله مسج عادي بس ما بيرد علي والله تعبت من تدخلاتها والله يوم أقول يمين اتقول لا يسار ويوم اقول هي يسار اتقول لا يمين ..أحيانا أقولها ترا هاذيك المرة قلتي يسار ليش ألحين اتقولين يمين تسكت أو اتقول هو يبا والله معذبتني طيبة بس ها عيبها تبا اتمشي الكل ع كيفها وتراني وايد محترمتنها والله يشهد على كلامي وأنا غير عن باقي حريم اولادها يعني هايلاك يعطونها بو لباس وايسوون إلي يبونه بس أنا لا ريلي ما يرضى حتى فالطلعات ساعات اتقولي شو يوديج انزين كيفي ولا اتقول حق ريلي لا لا اتسير هناك سر ها المكان أحسن وحتى إف ملابس ولدي تتدخل لا تشتريله وايد بيكبر وثيابه بتصغر عليه لدرجة يوم كان عمره 3 شهور قلت بسير اخذله ثياب وفوانيل داخليه قالت بس خذيله 3 فوانيل وين تبا والله أنا ما آخذ أق عن درزن ها وعندي بشكارة تغسل بس يوم خذت أقل ما كفاني كيف أوصللها رسالة إن ما يخصج لا تتدخلين والله حتى أهلي ما يزوروني ويقولون كل شي تبا تعرف وتيلس تتمقل فيج اتقولين امسويه شي وسوري ها كله من الحرة والله مقهورة محد يحس فيني وأدري ريلي ماله ذنب بس ما يخليني اسوي شي كله ولا أمه وأنا بروحي ما أرضى أأذيها ولا أغلط عليها والسموحة...... ردوا علي ريحوني الله يريحكم دنيا وآخره....ز

الحمد لله في حد يفهمني ........ لو طرشتله مسج عادي بس ما بيرد علي والله تعبت من تدخلاتها والله يوم أقول يمين اتقول لا يسار ويوم اقول هي يسار اتقول لا يمين ..أحيانا أقولها ترا هاذيك المرة قلتي يسار ليش ألحين اتقولين يمين تسكت أو اتقول هو يبا والله معذبتني طيبة بس ها عيبها تبا اتمشي الكل ع كيفها وتراني وايد محترمتنها والله يشهد على كلامي وأنا غير عن باقي حريم اولادها يعني هايلاك يعطونها بو لباس وايسوون إلي يبونه بس أنا لا ريلي ما يرضى حتى فالطلعات ساعات اتقولي شو يوديج انزين كيفي ولا اتقول حق ريلي لا لا اتسير هناك سر ها المكان أحسن وحتى إف ملابس ولدي تتدخل لا تشتريله وايد بيكبر وثيابه بتصغر عليه لدرجة يوم كان عمره 3 شهور قلت بسير اخذله ثياب وفوانيل داخليه قالت بس خذيله 3 فوانيل وين تبا والله أنا ما آخذ أق عن درزن ها وعندي بشكارة تغسل بس يوم خذت أقل ما كفاني كيف أوصللها رسالة إن ما يخصج لا تتدخلين والله حتى أهلي ما يزوروني ويقولون كل شي تبا تعرف وتيلس تتمقل فيج اتقولين امسويه شي وسوري ها كله من الحرة والله مقهورة محد يحس فيني وأدري ريلي ماله ذنب بس ما يخليني اسوي شي كله ولا أمه وأنا بروحي ما أرضى أأذيها ولا أغلط عليها والسموحة...... ردوا علي ريحوني الله يريحكم دنيا وآخره....

ويييي ليش هالحركة
والله حرام تروح عليج كل هالتعب :angry:
حبيبتي اول شي هدي اعصابج
و انا اقول ودي مسج لزوجك و قوليله
ابي اتكلم معاك بروحك و يا ريت لو تفضي نفسك
و بعدين كلميه بهدوء و قولي اللي خاطرج فيه و ان شاء الله تنحل مشكلتج

دعواتج لي

بس ريلي يعرف كل شي ودوم يقولي ها أول وأخر ياهل أحمدي ربج ما أبي غيره ويقولي هاي أمي شو تبيني أسوي وبعدين هو مل من كلامي ولاعت جبده وقام يقولي انتي اتغيرتي بالفعل الكل ملاحظ اني متغيره يمكن عشان الضغط الي أنا فيه بس هو الله يهديه ما يخليني أخليه عند حد وقتله بوديه الحضانة طاع بس عقب أمه قالت حرام عليج ومن ها الرمسة وأشوفه غير رايه دومني أقوله من أول ما عرست ما حب حد يتدخل فيني بس ما شي فايدة كلامي ما منه فايدة

دام جدتهم حابتهم جذي خليها تساعدك في تربيه الطفل شكلها فاضيه وما عندها شي انا اشوف انه هو وايد صغير على انه يروح الحضانه يعني توخ سنه و 3 شور مب سن يروح فيها حضانه ليش انتي تشتغلين؟

لا ما أشتغل بس هو لزقة فالبيت لا طبعا نا سني جني بشكارته أأكلة وألبسة وأرقده وكله يبونه عندهم ويخربون جدولي مثلا أبي أرقده يدخلون علي الحجرة يشلونه مال خمس دقايق ويروحون انزين طار النوم ليش ها الحركة ما أدري وأحيانا أقفل الباب عشان ما يدخلون بس يدقون الباب واقولهم ارقده ما شي فايدة ولا جنة أقول شي فاضطر افتحلهم وبعد رمستهم تقهر يعني يوم يباني يقولون يباج لانه يوعان أو يبا يرقد ويوم يكون إف حضني تاخذه عني وأتحطه إف حضنها وإذا كان إف حضن أبوه لا عادي اتخليه ليش ها الي يقهرني أكثر شي والله يكرهوني إف ولدي ........ لو أنتو مكاني ما بتنقهرون ...... يوم أقول حق ريلي يقول ما تقصد ......

اممممممممم احسج انتي متحسسه وايد (باستثناء سالفت ترضيع اليده للولد) انا اقولج يوم تي ترضعه خذيها بالمزح وقولي لا شو رضاعه والولد كبر وبغدي ريال وبشرب بقلاس او رضعه مالته او اي اسلوب ثاني بمزح مع ابتسامة وغشمره واضحه عالوجه اما سوالف انهم ياخذونه عنج انا اقوووووووولج انتي متحسسه (صراحة حركات العيوز عايدي كل العاييز كذيه) بعدين انتي قولليها سمعن وطاعه وبينيلها انج على كلامهم مو تاففين او تحسسينها بشي ثاني ,,,,,وزوجج لاتشكين وايد من امه (خليج جاذبه مو طارده لزوجج) ودام انهم احبون ولدج احمدي ربج مليون مره تراج بنعمه ماجفتي الحريم اللي اهل الزوج يضربون ويصيحووووووون عيالهم ودام تتدخل العيوز باشياء سخيفه كبري عقلج ياحرمه تخيلي امج وتسوي هالحركات شووووووو بتسوين

اختي
انتي مكبره المسأله وهي ماتستاهل
انا والله حاسه فيك وكنت اتضايق مثلك
لكن اذا انتي ساكنه مع اهل زوجك لازم تتحملين وتحاولين تتوصلين لحل مشكلتك بنفسك
او مشاركه مع زوجك لكن بهدوء وفهم لكل واحد وجة نظره

مشكلة فطام ولدك حرام بصراحه ام زوجك معاها حق توه صغير
افطميه بعمر السنتين
بس عندي سؤال
كيف ام زوجك ترضعه يعني عندها اغراضه؟؟؟

اختي ام زوجك عامليها نثل امك بالاسلوب اللين
الكبيرات بالسن محتاجين لحنان ومحتاجين للكلمه الطيبه
هم حاسين ان خلاص ادوا مهمتهم ولاصار لهم اي مهمه بالحياه
فعلشان كذا هي تحاول انها تعبي هالفارغ والشئ اللي حاسه فيه بنظرك التدخل
لكن كل قصدها الخير لا الشر

اذا انتي ناويه تطلعين لاتخبرينها
او اذا تشترين شئ لاتقولين لها باشتري الشئ الفلاني اسكتي اقولي بس ابي اغراض لي
حتى زوجك لاتقولين له كل شئ بس قولي له ابي السوق ضروري

اذا قالت لك لاتشترين ولا تسوين قولي ان شاء الله ولايهمك ياخاله
اجذبيها بالكلام الحلو ترى والله حرام كبار السن يجون بالكلمه الطيبه
طلبهم انهم اولادهم ومن حواليهم يعاملونهم بالكلمه الطيبه ويحسسونهم بان مازالوا محتاجين لهم ولارائهم وحتى لو مااخذتي رايها سايريها
سايريها دائما

قولي ان شاء وانتي اخبر اشتري اللي تبين

بالنسبه اذا انتي تبين تنوميه
قولي لهم وانتي صاعده فوق بروح انوم ولدي
اذا احد طق الغرفه يبونه
قولي لهم معليش لانومه علشان يقوم ويروق لكم وتلعبون معه على كيفكم
لاتعطينهم اي فره انهم ياخذونه
لكن باسلوب حلو

اذا مثل ماتقولي تاخذ الولد وترضعه وماتبني او اي شئ ثاني
خذيها بالاسلوب الحلو
وقولي معليش ياخاله بوكله عنك او من هالاسلوب
وضيعيها بسالفه ثانيخ يعني مثلا قولي لها وش اخبار فلانه
والا بسالك وش احسن شئ غي كذا <<<<من اشياء تخص ولدك

لاتحنين على زوجك لان هذي امه مهاما كان
بالعكس زوجك ماشاء الله عليه
صدقيني اللي له خير لاهله له خير الناس
يعني شجعي زوجك بدل ماتحنين على بر امه

اصبري وادعي ربك بالصبر وان يحسن الامور ويسخر لك ام زوجك واهل زوجك

تعاملي مع الامور برويه وتعقل لاتكبيرينها وتحترقي ولااحد داري عنك

فقط كل اللي عليك تسوينه
تسايري ام زوجك
لاتقولين لها كل شئ يخصك اويخص ولدك
عامليها بالكلام الحلو خذيها على كبر سنها

تفاهمي انتي وزوجك على كل النقاط بهدوء ومكان هادئ

وبالنسبه ان اهل زوجك ماينتبهوا لولدك هذا من واجباتك وليست من واجباتهم انتي امه

اختي لاتقارني تفسك بالاخريات
بانهم مايهتمون لام زوجك
بالعكس احمدي ربك ان زوجك يهتم بامه فبالتالي هو فيه خير وسيعود لك

وتذكري اذا عاملتي ام زوجك بالحسنى
سيعود لك ببر ولدك له
وسيذكرها لك زوجك مع الزمن

وتذكري
ان تذمرك لن يحل المشكله بل سيعقدها

كوني عمليه وحلي المشكله
ولاتجعلي هالمشكله هي شاغلك الشاغل

اتمنى لك التوفيق

الله يعينك المشكلة مو بس فطام حتى تربية الولد تخرب .. انا كنت ساكنه فترة عند اهلي غيرت انظمة كثير في البيت ومااحد يتدخل في تربية عيالي مهما يكون حتى لو غلطوا يعلموني عشان العقاب يكون من مصدر واحد الام والاب فقط مو كل واحد يحط يده ... وبعدين تعالي هنا مو بدري شوي على ولدك الفطام بنتي سنتين وشوي ولا ابغى افطمها ابغاها تتغذى زين عشان بنيتها تطلع زينة ... احس اللي ينفطم بدري يطلع نحيل مرة ( معليش نسيت نفسي وطلعت برىىالموضوع )
مادري كيف اساعدك في الحل لكن اهم شيء في الموضوع زوجك لا تشتكين له لأنها امه حاولي تحلين المشكلة بعيد عنه وآسفة على الاطالة

بالنسبة لكلام القلب المعطاء أنا أطبقه حرفيا بس أنا اشكيلكم إلي فخاطري ولدي ما يرضى يشرب بالمرضعة ويت فترة ينش الساعة 3أو4 يوعان أقوم أأكلة وهي ما ترضعة بالرضاعة لا .. اتطلع صدرها اتشوفه يبا ولا لا وهو المرة إلي قبل ما رضى بس هاي المرة كان يبا وهي فرحانه يبا لاني كنت طول اليوم مو مرضعتنه وباقلي يومين أو ثلاث وأفطمه بس الحين صعب والله صعب خربت كل شي لو شبعان يبا يرضع بعد ومفشلني قام يحط ايده عشان يرضع الله يسامحها والله لايعه جبدي منها أبا أقولها لا اتعيدين هاي الحركة مرة ثانية .....

بالنسبة لكلام القلب المعطاء أنا أطبقه حرفيا بس أنا اشكيلكم إلي فخاطري ولدي ما يرضى يشرب بالمرضعة ويت فترة ينش الساعة 3أو4 يوعان أقوم أأكلة وهي ما ترضعة بالرضاعة لا .. اتطلع صدرها اتشوفه يبا ولا لا وهو المرة إلي قبل ما رضى بس هاي المرة كان يبا وهي فرحانه يبا لاني كنت طول اليوم مو مرضعتنه وباقلي يومين أو ثلاث وأفطمه بس الحين صعب والله صعب خربت كل شي لو شبعان يبا يرضع بعد ومفشلني قام يحط ايده عشان يرضع الله يسامحها والله لايعه جبدي منها أبا أقولها لا اتعيدين هاي الحركة مرة ثانية(n) .....

اختي
مافهمت انتي ترضعينه طبيعي والا صناعي؟؟؟

علشان اقدر اجاوبك احسن

أرضعه طبييييييييييييييييعي وبس ...................

طيب يا اختي اذا مانفعت الحلول مع ام زوجك مالك الا ترجعين ترضعينه عشان ماترضعه هي

صعبه والله مادري كيف تسوي كذا

هي من باب المزح وخلاص رديت أرضعه مو أخترب كل شي تعبت عليه بس ما أدري شو المتعة في انها تبا اتشوفه يبى صدرها ولا لا وليش فالاساس اتطلع صدرها وأنا والله اتم مغمضه عيوني استحي من هالحركة ما أقدر أشوفها واتخيلو عمي كان يالس ويانا شكلتها متولها وتبا ياهل ....

هي من باب المزح وخلاص رديت أرضعه مو أخترب كل شي تعبت عليه:confused: :confused: :confused: بس ما أدري شو المتعة في انها تبا اتشوفه يبى صدرها ولا لا وليش فالاساس اتطلع صدرها وأنا والله اتم مغمضه عيوني استحي من هالحركة ما أقدر أشوفها واتخيلو عمي كان يالس ويانا شكلتها متولها وتبا ياهل ....