محتارة بين شكلي وبين وزني

السلام عليكم ..


يا بنات .. شنو بيكون موقفج اذا تعارض رأيك مع آراء الآخرين فيك .. حتى لو كان احدهم زوجك ؟؟

بشرح لكم ::

انا كنت قبل الزواج جسمي حلو ، لكن زوجي طلب مني ان اسمن نفسي شوي .. وفعلا زاد وزني شوي بعد الخطوبة والزواج لكن من دون قصد والكل قال عني اني احلى من قبل ..
بعد الحمل زاد وزني واااايد وبعد الولادة ضعفت شوي لكن لما استخدمت حبوب منع الحمل رديت متنت .. استخدمتها بس شهرين لان جففت لي الحليب وزيدت لي وزني واااايد فقطعتها ولكني للاسف ما قدرت انقص من وزني رغم كل محاولاتي مع الريجيم والرياضة .. كان ينقص بالكثير كيلوين ويرد يرجع بعد فترة ويزيد له كيلوين او ثلاثة .. لدرجة اني حسيت باليأس بسبب وزني رغم ان زوجي كان وقتها يقول ان عاجبه جسمي وما يحتاج انقص من وزني ..

بعد سنتين من ولادتي حملت بولدي الثاني وقصت اثناء فترة الوحام 10 كجم وفرحت وايد وحاولت ان ما ازيد وزني وايد في باقي فترة الحمل والحمد انه مارتفع وايد ..
وبعد الولاده نول وزني شوي .. وتم ينزل مع محاولات الريجيم .. وانا فرحانه من هالشي وان وزني قاعد ينقص لكن من فترة زوجي قالي بس خلاص .. لا تضعفين :qaq:

زوجي رافض ان انزل وزني ويقول انه ما يحب البنت الضعيفة مع انه لما خطبني كنت رشيقة لكنه كان يقول عني اني ضعيفة .. والناس بعد .. الكل متفق على اني احلى من قبل .. يعني وانا متينة اصير احلى من وانا ضعيفة :sad:

الحين انا يبغي لي على الاقل انقص 15 كجم علشان اصير رشيقة لكن زوجي وكلام الناس مخلني اتررد بين اني ارجع رشاقتي وبين اني اتم على وزني الحالي ما دام انه عاجب زوجي والناس تقولي عني احلى ..


شرايكم .. انا بعد ابغي انقص زوجي لان عندنا كذا مناسبة في الصيف وتعرفون الجسم الرشيق تصير عليه الفساتين احلى من المربرب :angry: