بسم الله الرحمن الرحيم
الحمدلله رب العالمين
*** سويت بحث ما لقيت نفس الموضوع ***
مشكلتي قبل لا يصيدني التقصف والبلاوي اللي مالها اول من اخر
كنت اصبغ شعري كثييييييييييييييير لدرجة ان تقريبا كل شهرين اغير لونه
وكان غليييييييييييظ وفجأة كله راح صار خفييييييييييييف
والله كنت استحي اروح الصالون اسوي شعري والسبب الفراغات الكثيرة الموجودة
في راسي لدرجة اني ماقدر انزل قذلتي لان صار متقصف وخفييييف ومتنتف حده
حتى جدام زوجي مافل شعري ابدا لانه يفشل
جربت زيوت مافاد خلطات مافاد مع اني ما كنت اواصل طبعا لاني اتملل
واخيرا قررت اروح لدكتورة جلدية والحمدلله توفقت معاها
عطتني(( تونيك اميرة ))
استعمله مرتين في اليوم وكنت ارتاح لما احطه على شعري لانه يبرد راسي ومنعش لفروة الراس
مع التدليك طبعا ..
و (( بخاخ نيوكسيدل ))
مع اني كنت اخاف استخدمه لكن قلت ابي حل لازم استعمل شي اهم شي انه طبي
قالتلي البخاخ لا تخلينه يروح على الجبهة لانه بيطلع شعر حاولي بسرعة تمشينه
احط في الفراغات اللي مافيها شعر
وصرت احني شعري كل اسبوع
والحمدلله بعد 3 شهور حسيت ان شعري بدى يرجع نفس قبل حتى اللي تسوي شعري
تقولي ماشالله شنو سويتي بشعرج مكان الفراغات كله انملى شعر
وقذلتي ماشالله لا اله الا الله طويلة واقدر انزلها وخف التساقط وايد مع انه للحين يتساقط
بس مو نفس قبل
وللعلم عطتني فيتامينات بس نسيت شنو اساميهم..
ولا تنسون ترى التغذية مفيدة وايد لان في فترة العلاج كنت اكل خضرة وفواكه وايد
واستعمل شامبو السدر وبلسم عادي وخففت الاستشوار شوية ..
اي سؤال حاضرة وبالتوفيق..
