هل لديك زوج متعاون أم ؟؟؟؟

هلا اختي والله زوجي متعاون لحد ما مو دائما يعني اول طفل الي كان متعاون معي اكتر من الطفل التاني

بس هو بشكل ما اذا الله لا يقدر حدا من ولادي كان تعبان ومريض وصار يبكي بالليل ممكن يساعدني ويخفف عنهم وعني بس اذا الطفل مافي شي اللهم بكا الاطفال اللي لا بد منه بالليل

فممكن انه يعصب عليهم فانا اخد الموضوع من اوله وبروح للغرفة التانية حتى ينامو

وطبعا الحجة دائما بتكون هو وراه شغل الصبح الله المستعان

أنا بعد اختي زوجي ولله الحمد متعاون ويساعدني على متاعب التربية وخاصة في المولود الاول كان جدا متعاون ولكن عندما رزقني الله بتوأم وهو حملي الثاني اصبح يعاونيي بشكل بسيط في الايام الاولى مع ان الحمل زاد علي
في الرعاية بهم ولكنه عندما اصبح عمرهم ثلاثة اشهر اصبح يساعدني في اثناء الليل ويحمل عني احدى التوائم
الله يسلمه ويخليه لي ولعياله

الحمدلله ان زوجي متعاوووون

الله يخليه لنا يارب لانه يساعدني كثير في الليل خصوصا واذكر انه مرة انا اقوم للمولود ومرة هو لحد الصبح مع انه وراه شغل الصبح الله لايغير علينا خخخ

شكر ا على الردود

وين الباقي معقولة 37 يدخلون وما يردون

عن نفسي ريلي ما يشل اليهال إلين ما جسمهم يتقوى لانه يخاف عليهم وايد والحمد لله يوم شل ولده وهو عمره 4 شهور اتخيلوا ويساعدني بس مو وايد إف بعض الاشياء مو كل شيء.....

عن نفسي ريلي ما يشل اليهال إلين ما جسمهم يتقوى لانه يخاف عليهم وايد والحمد لله يوم شل ولده وهو عمره 4 شهور اتخيلوا ويساعدني بس مو وايد إف بعض الاشياء مو كل شيء(w) .....

بالنسبة لي زوجي متعاون ويساعدني في كل صغيرة وكبيره

يرضع ويبدل حفاظه ويرقد ويشيل ماعنده مانع يسوي اي شي طبعا اذا كنت مو موجوده او وقت الليل لان احنا متفقين مره انا ومره هو

و الله لايغير علينا يارب

ويخلينا حق بعض

زوجي ماقول مو متعاون ،، متعاون بس بحدود..
يعني مستحيل يبدل حفاظة و لامرة سواها، بس طبعا لما الولد كبر وقام يدخل الحمام ياخذه بنفسه.
رضاعة جهزيها وهة راح يعطيه ، بس هو يجهزها مستحيل.
في بداية الأشهر مايعرف للبيبي بس لما كبر مع السنة متعاون معاي بالليل والنهار ويطلعه معاه..
لما يصيح بالليل (طبعا بعد ماكبر) يقوم ويقعد معاه وينومه.

مادري لما يشرف الثاني بيساعدني أكثر أو تبقى حدود مسئولييته نفسها.

انا الحمد الله زوجي متعاون جدا معي بينومه ويروشه بس مايغيرله
الله يخليلي ياه

بالنسبة لي زوجيكثير متعاون معي بالرغم من انه ثلثين وقته بالشغل واكثير والله
بس لما يشوفني تعبانة او وراي شغل اكثر وما مخلصة طبخ يشيل عني الجاهلة ويرضعها وينيمها
ويساعدني في غسلها
بس ما مغيرحفاضتها ولايكعد بالليل معي مو لشي
بس لأنه انامااقبل
وبس
هو طول اليوم تعبان واخليه ينام براحته والحمد لله بنتي مو كثير تكعد بالليل

يعطيكم العافية والله لا يغير عليكم

الله لا يغير عليكم يا بنات مع ازواجكم..
واللي يشتغل زوجها وهي قاعدة بالبيت لا تكلف عليه وايد باسم ضرورة المشاركة...

كفاية هو يشاركج في تدبير مصاريف ثيابهم واكلهم وعيشتهم...
واقل شيء تسوينه له انه ما تحملينه اعباء اضافية اذا رد البيت...

ما اقصد تدلعينه وتخليه بلا ولا شيء... بس اعطيه شوية مسؤليات لكن على خفيف...





عني .. فزوجي احن مني بصراحة على الاطفال.. <<< ولا تستحي تقولها هههههههه
من البداية لاحظت هالشيء فيه.. لما يبت ولدي كنت اخاف بالبداية احمله بدون بساط او فراش... واهو كان عادي عنده..
يحمله على كتفه ويلاعبه ويسويله حركات لو اموت ما سويت مثلها ههههههه

وفي البداية كان متردد بشأن الحفاضات بس مع قدوم الطفل الثاني صار عادي عنده يبدل عن الابوال فقط..
لكن الكبيرة ههههههههه بعده ما يتجرأ ..
على العموم انا ماحب اكلف عليه وايد لأنه يشتغل طول اليوم الى المساء ... حتى لما كنت بالجامعة,, لأن عادي اطنش محاضراتي لو تعبت مثلا وما نمت.. لكن اهو ما يقدر يطنش شغله يوم وترك.. :)

انا الحمد لله متعاون وياي ....يسهر وياي احيانا اذا ولدي مريض ..ويجهز له الحليب ...بس مايعرف يبدل له البامبرز ..ويأكله احيانا ...واحيانا يقولي عندي دوام ويرقد عنا .....
ويوم كان ولدي صغير كان وايد يصيح بالليل ....ويلعوزنا ....كل يوم الساعه 3 كان ريلي يطلع من الغرفة ويسير يرقد ويا اخوانه .....ويجيب امه ترقد عندي ...لين صار ولدي 3شهور .......
والحين ماشاء اله عليه حمني كمل سنه ..... يقوم مرة بالليل يشرب حليب ويرقد ....

جمـــانة همس القلوب00 مشكوووورين على المرور الطيب والتعليق

امممم مادري خليني افكر...

اول ما يبت حمودي كان يبغي يجرب كل شي ...مع انه كان يخاف يشل البيبيات وهم وايد صغار بس بدا يشل حمودي طبعا بمساعدتي يعني انا اشله و احطه على ريله :)
وحاول بعد يعطيه مرضعه كمن مره ...

يوم كبر حمودي شوي ورديت بيتي مسكين ريلي حاول مره ينومه بس ما نجح طبعا :)

و يوم مرض حمودي كان يوديه المستشفى معاي..ويساعدني يوم اسويله البخار..بس حزه الليل طبعا يكون نايم فما يقوم لاني ما اصحيه لان وراه دوام طويل و متعب الصبح...

حفاضات عمره ما بدل ولا اعتقد عمره بيبدل :)

مراضع ..سوى بس مره او مرتين..كان يحاول يساعدني

بس بصراحه هو اذا قلت له شي يسويه تراه يحاول و يقوللي كيف..

ومثل ما قالت جمانه..كفايه هم الدوام...ماابغي احمله هموم اضافيه ...

الله ... والله شعور حلو المشاركه ... والي ماشاف بنته ست شهور .... لمه يرجع بالسلامه بشوف يساعدني او لا .... بس الشهور الاولي كانت الاصعب ...
تحياتي :sad:

انا الحمد لله زوجي متعاون ويحاول يساعدني قد ما يقدر

لكنه كان يساعدني بالطفل الاول اكثر من الثاني ..

ماشاء الله عليكم يابنات :)الله يرزقني بواحد مثلكم متعاون قولو ااامين:)
نور الله يرجع لك زوجك بالسلامه يارب
تحياتي للجميع