ياترى كلام الدكتورة منطقي قالت لي احتمال اكون حامل؟؟

السلام عليكم خواتي ..

ادري بتضربوني من كثر ما أسأل عن نفس الموضوع كل شهر بس تحملوني الخوف الي فيني مسيطر علي .. :sad:

بالعادة من يوم ما حطيت اللولب.. دورتي تتقدم 4 ايام ..

والشهر الي طاف ياتني بتاريخ 21-2-2007 .. وبصراحة صارت لي اشياء غريبه بعد دورتي .. نزلت لي بعد الدورة نفس الماي الأسود .. بس مش هني الموضوع .. وتأكدت انه مش التهاب من الدكتورة ..

الحين دورتي تأخرت علي هذا 3 يوم وللحين مافي اي علامات .. وخايفه من الموضوع ..

قلت اتصل بالدكتورة وافهم اذا الموضوع عادي او لا ...

قالت لي اسوي فحص دم لأني سويت فحص منزلي في نفس اليوم الي المفروض تنزل فيه الدورة << مستعيله ادري ..

وناوية باجر اسوي فحص منزلي بس الصبح افضل ..

والي خوفني اكثر قالت لي الدكتورة ... انتي بجي الدورة متأخره عليج اسبوع مش بس 3 ايام .. لأنها تتقدم 4 ايام كل شهر يعني نوعاُ ما منتظمة .. فحسبت لي اسبوع تأخير,,

وخفت اكثر .. وقلت لها انه خيط اللولب احس فيه موجود .. قالت لي عادي ممكن حمل ..

بصراحة انا خايفه .ومستعيله لأني اعرف خطورة اللولب اذا كان موجود وفي حمل ..

وغير جي صدري يألمني بشكل كأني مب مرضعه من سنة .. نفس الم الرضاعه وفيني تقلصات رهيبه :(

وصدقوني استعجالي مش لأن ودي بالحمل بس لأني افكر وايد وهالشي تعبني .. والحمدلله على اي حال .. بس كل شهر اتأخر فيه ما احمل لمصلحتي اكثر من انه يفرحني ..

ياترى كلام الدكتورة منطقي في عدد ايام التأخير واللا شو تشوفون ؟؟ بالذات انها اول مرة تصير لي من ركبت اللولب..

في انتظاركم عندي امتحان مب قادرة اركز ..