الي يرضعون عيالهم طبيعي

انا بشارك معاج

انا ولدي توه صغنون عمره 19 يوم

بس مشكلتى معاه
فى التكريع
مايتكرع بسرعه
وساعات مايتكرع كلش
مب عارفه شاسوي

هلا هلا

مشكورة اختي على الموضوع المهم جداً جداً جداً...

للاسف كثير من الامهات تتهاون في مسألة الرضاعة الطبيعية.. وبسرعة تتنازل لصالح الرضاعة الصناعية دون الاستمرار في المحاولة بالترضيع الطبيعي


ما راح اعدد فوائد الرضاعة الطبيعية لأن الكل يعرف فوائدئها وشلون انها تفوق الرضاعة الصناعية في الفائدة..

غني عن الذكر ان هناك امهات يحاولن قدر المستطاع لكن يفشلون اما لصغر او تقوس في حلمة الصدر الى الداخل... او لقلة الحليب اساساً عند الام وهو مرتبط بحالتها الصحية وتغذيتها وضرورة حصولها على راحة ..



اما عن تجربتي الشخصية...

الطفل الاول...
طبعاً مثل كل الامهات .. اول تجربة صعبة جداً.. حتى وصل بي الحال الى حد البكاء لما اشوفه يفرّ راسه ويبتعد عن صدري.. :(


وبما اني كنت وقتها بعدي ادرس.. فكنت اعطيه صناعي فترة غيابي في الجامعة فقط...
وعلى الرغم انها مدة غير طويلة.. لكنه استسهل الشرب بالرضاعة وبدأ يرفض صدري...
انا تجننت... ووصلت الى مرحلة قلت خلاص بفطمه صدري وبخليه ع الرضاعة بسسس... بس رحم الله والديهم.. وجزاهم الله خير... امي وعمتي... رفضوا اني اقطع ولدي من صدري... قالوا حتى لو الاغلبية صناعي .. بعد اعطيه طبيعي...
بعدين كبر شوية... وصار ياكل وقت غيابي.. وتدريجياً صرت اقلل الرضاعة الصناعية حتى قطعتها واكتفيت بالطبيعي فقط :clap:

وعن فطامه الصراحة ما تعبني... بس اول ليلة قعد يصيح وبس اعطيه ماي يشرب ويرد ينام...
والليلة الثانية نام عادي بدون ما يقعد...
يمكن لأن عمره كان سنة و4 شهور... فيعني... كان يشبع من اكل النهار .. وما تعود على دلاعة الاستيقاظ باللليل...




المولود الثاني..
طبعاً الامر كان اسهل بكثير..
وبما اني حملت على بعض.. كان صدري متهيئ بشكل جيد للرضاعة فما واجهت مشاكل مع الرضاعة..
بما اني عطالية بطالية وللحين ما اشتغلت.. ما اعطيتها صناعي بالمرة... بس وايد احاتي لو حصلت فرصة عمل... راح اتغربل وايد مع بنتي.. لأنها ترفض الرضاعة بالمرة ... حتى مرضعة الماي الحين ما تشرب منها.. اعطيها الماي بالفنجان...
وبعد اذا ابي اطلع.. واخليها عند امي.. ما اخذ راحتي بالطلعة.. واقعد احاتيها.. تجوع...

ام سلمانو:
انا بشارك معاج

انا ولدي توه صغنون عمره 19 يوم

بس مشكلتى معاه
فى التكريع
مايتكرع بسرعه
وساعات مايتكرع كلش
مب عارفه شاسوي

حمدلله على السلامة ام سلمان .. واخيرا ً ولدتي

كنت اتابعج في رابطة حوامل البحرين...


بالنسبة للتكريع... جربي وضعيات مختلفة.. لا تظلين على وضعية وحدة.. يمكن بعضها افضل لولدج ويتجشأ بصورة اريح له..
الوضعيات هي:
على الكتف...
وضع بطن الطفل على فخذ الام مع رفع الراس عن مستوى الجسم ..
وضع الطفل على هيئة الجلوس على رجل الام على ان يكون راسه ورجليه للخارج..

وطبعاً الوضعيات كلها مع التربيت او حركة دائرية تدليك خفيف على ظهره..


اذا استمر الامر...
خلي سلمانو على ظهره 3 او 4 دقائق... وبعدين ردي المحاولة.. بتشوفيه تجشأ اسرع...
يمكن السبب انه بعد نهاية الرضعة مباشرة تكون الغازات فقاقيع صغيرة لكنها متوزعة في بطنه وغير متجمعة في مكان واحد..
لكن اذا خليتيه شوي تتجمع الغازات مع بعضها وتصير فقاعة او فقاعتين تطلع بعدين بسهولة..


واهلا بج في عالم الامومة الجميل.

لأهمية الموضوع.. تم التثبيت




:clap: :clap: :clap:

ارجو من الامهات المشاركة

مشكورة أختي جمانة على تثبيت الموضوع........ بس أنا ولدي ينش الفجر وما ينام إلا لازم يرضع لو شبعان بس يبا يتمزمز...ماأدري أفطمه الحين ولا اتريا أخاف الأمر يكون صعب علي إذا اتعلق زيادة لأن قبل كان بالنهار ينام عادي بدون ما يرضع بس حاليا لا لازم يرضع وإذا قتله خلص ولا ماشيء يضرب عمره ويصيح

السلام عليكم...

مشكووره الغاليه على الموضوع الرائع..وفعلا يستحق التثبيت....

وتجربتي مع الرضاعه...

الطفل الاول...
عانيت وااايد معاه بسبب الرضاعه...اول شي كان في بوصفار وقعد في المستشفى عشرة ايام ... ومع اني كنت وياه يعني ما طلعوني الممرضات الله يسامحهم ماكانوا يخلوني ارضعه ابدا ابدا بحجة انه اذا كل شوي خذتي اترضعينه وتقعدين اتحاولين ساعه ما راح ايخوز عنه البوصفار ولما كنت اشفط له واعطيهم الحليب كانوا يكبونه عني جدامي صدق قهر بس ما اقول غير حسبي الله عليهم... وبعدين كانت الحلمة عندي داخله على داخل وحاولت وياه قد ما اقدر بس ماقدرت لاسف بعد ثلاث شهور من المحاوله فطمته... ااااااااه يا قلبي علي ولدي فديته...

اما الطفل الثاني... الحمد الله قاعده ترضع طبيعي لاني من حملت وكنت اعمل مساج واحاول اطلع الحلمه على برع... وحتى يوم ياها بوصفار كنت ارضعها والممرضات جزاهم الله خير ما يعطونها صناعي حتى يوم اكون تعبانه واقولهم اعطوها يقولون لي تعالي حليبج احسن.. وقعدوها اسبوع في المستشفى وانا طلعوني وكنت يوميا اروح الصبح والمسا اشفط لها حليب وهم يعاطونها....
والحمد الله وبحاول ارضعها قد ما اقدر ...

والسموووحه منج ادري حكيت قصة حياتي....لووووووووول

مشكورة أختي جمانة على تثبيت الموضوع........ بس أنا ولدي ينش الفجر وما ينام إلا لازم يرضع لو شبعان بس يبا يتمزمز...ماأدري أفطمه الحين ولا اتريا أخاف الأمر يكون صعب علي إذا اتعلق زيادة لأن قبل كان بالنهار ينام عادي بدون ما يرضع بس حاليا لا لازم يرضع وإذا قتله خلص ولا ماشيء يضرب عمره ويصيح

ومشكرة يالقيوانية على كتابتج لتجربتج وياريت كل وحدة تكتب تجربتها ويا الفطام عشان نستفيد.. عن نفسي سئلت الدكتورة من فترة عن الحليب الصناعي وما رضت اتقولي أي نوع زين ونصحتني بالطبيعي لكن من يومين سئلتها مرة ثانية وقلتلها إني ناوية أفطمه فالصيف نصحتني بحليب نان بس ما جربته بعدني وقلتلها كيف أفطمه قالتلي حاولي تبعدينه عنج يوم يبا يرضع لهي بشي ثاني لعبيه أوأشغليه بشي عشان ينسى أو خليه عند حد أو بالنهار أقدر أسوي شي لكن بالليل شو أسوي قالتلي خلي ينام بغرفته بروحه صح ولدي عنده غرفة وبين غرفتي وغرفته باب بس أنا أنام وياه من يبته عادي أخليه ينام بروحه ولا لا أنصحوني والله إني أعاني وشاله هم كبير فالفطام........

ومشكرة يالقيوانية على كتابتج لتجربتج وياريت كل وحدة تكتب تجربتها ويا الفطام عشان نستفيد.. عن نفسي سئلت الدكتورة من فترة عن الحليب الصناعي وما رضت اتقولي أي نوع زين ونصحتني بالطبيعي لكن من يومين سئلتها مرة ثانية وقلتلها إني ناوية أفطمه فالصيف نصحتني بحليب نان بس ما جربته بعدني وقلتلها كيف أفطمه قالتلي حاولي تبعدينه عنج يوم يبا يرضع لهي بشي ثاني لعبيه أوأشغليه بشي عشان ينسى أو خليه عند حد أو بالنهار أقدر أسوي شي لكن بالليل شو أسوي قالتلي خلي ينام بغرفته بروحه صح ولدي عنده غرفة وبين غرفتي وغرفته باب بس أنا أنام وياه من يبته عادي أخليه ينام بروحه ولا لا أنصحوني والله إني أعاني وشاله هم كبير فالفطام:confused: ........

انابنتي عمرها6شهور000و مشكلتي ان صدري اليمين صاير

اكبرمن صدري اليسار000لان بنتي ترضع اليمين اكثرفي


النهار واما في الليل عادي ترضع اليمين واليساروحاولت


اعودهاع اليسارترفض على طول000وياليت اللي مثل حالتي


تقولي هل يرجع الصدرالى حالته الطبيعيه بعدفطام بنتي00

ولكن جززززيل الشكر000

السلام عليكم ورحمة الله وبركاته
انا ولدت قبلاربعاشهرويومين
والحمد لله جبت طبيعي
بالنسبة لرضاعة انا ارضع بنتي طبيعي
بس بالليل بعطيها صناعي وهيوالحمد لله بتحاول تاخذ من صدري اكبر
بس من اعطيها صناعي ما تعارض يعني امريحتني
يعني الوقت كلو طبيعي بس بالليل او لما اخرج بعطيها الصناعي والحمد لله ما لاقيتصعوبة ابدا
وان شاء الله كل الامهات ما يلاقو صعوبة

فراشة بغداد

السلام عليكم : فطاااااااااااااااااامي حبيبيتي مشكلتها الله يبارك تمص لين ما تعورني الحلمة يعني كأنها لهاية خصوصا بالليل تنش كم مرة أنا أنيمها جنبي هي عمرها سنة وقمت اتشاور أفطمها بس مش متعودة ع المرضعة

السلام عليكم
كثيرحبيت الموضوع وان شاء الله تقبلوني صديقة جديدة لهذا القسم
قبل كنت فيركن الحمل والولادة
بس من هلاء ورايح راح اكون في ركنكم الجميل

تحياتي

ام محمد..
اذا كان طفلج بالصيف راح يوصل السنة ونصف.. اوكي فطميه عن صدرج.. بس اعطيه حليب بالكوب.. مب بالمرضاعة..
ورضاعة الليل خلاص افطميهاخير شر...
اذا قعد بالليل عطيه ماي في قلاص يشربه .. واذا عاند خذيه بحضنج وهزيه لما يرد ينام مرة ثانية..
بيدوخج او ليلة او ليلتين .. بس بعدين راح يصير مضبوط.. وانتي نفسج راح ترتاحين من استيقاظ الليل المتكرر


بالنسبة لكلام الدكتورة انا اللي اخبره ان نان فيه منه 1 ونان 2 وحدهم الى نهاية السنةالاولى..
بعدين مافيه نان لفوق السنة... فيه نيدو.. وبروجرس .. وسميلاك.. كأنه..
او جربي تعطينه حليب فررش .. المراعي وذي.. تفورينه على النار وتحلينه بشوية سكر او ملعقة عسل.. وتخلينه يشربه...
بس اهم شيء يظل على شرب الحليب..

الرووووووووح

انا بعد كان صدري اليميناكبر من اليسار بوااااااايد
ويبين فرق اذا البس بديات..
فكنت احط لي كلينكس في الصدرية تحت الصدر اليسار :o
ههههههههههه طلعت البلاوي..

بس صج.. بعد الفطام ردوا اعتدلوا ورجعوا حجمهم الطبيعي.. فلا تخافين

رزان احمد

الحمدلله ان بنتك تلعب على الموجتين .. ومريحتك.. ان شاء الله دوم.. وصحتها تصير عال العال..

ام فطامي..

ليش ما تفطمينها رضعة الليل بس؟؟؟
بالنهار خلج ترضعينها..
بس على الاقل الليل امنعي عنها الرضاعة من 12 الى 6 الصبح مثلا...
وقبل النوم بساعة او اقل تكون ماكلة وجبة قوية تشبعها زين ما زين...
راح تعذبج في البداية بس بعدين بترتاحين واااااايد..

مشكورة أخت جمانة ... أمس شبعت ولدي ونومته بدون ما أرضعه دمعت عيني من الفرحة وقلت الحمدلله في تطور بس لأنه كان تعبان من الطلعة وأول مرة أنمشي ويانا يعني ما يلسناه في الجاري المهم 11:30 كان حده مدوخ ويبا ينام وأنا كنت أأكلة ويوم سرت برقده قلت ما برضعة بشوف شو يصير (طار النوم عنه) المهم خليته إلين 1:30 وأكلته مرة ثانية والحمد لله يلست ع الكرسي الهزاز ونام بسرعة وقبل الفجر بشوي قام ما بغيت أرضعه بس كنت مدوخه رضعته أقصد مص مصتين ونام وعقب قام كل شوي أو كل ساعة أو نص ساعة يقوم وأرضعه يرد ينام سوري طولت بس ما أدري شو رايج يعني يوم يقوم الفجر ما أرضعه والصبح أخليه عند حد غيري ولا أوديه الحضانة ولا شو أسوي اقترحي علي بليز..)

اهلين ا
مشكورات اخواتي عالموضوع اللي كان يدور بخاطري
انا صراحه توني مربيه قبل 28 يوم وناويه ارضع طبيعي ان شاء الله
وهذا كله عن تجربه الفرق بين الطبيعي والصناعي لان ولدي الكبير وولدي الثالث مرضعتهم طبيعي
وماشاء الله صحتهم الحمد لله بس ولدي الثاني على طولت حملت عليه فضطريت افطمه على 3 اشهر
وتعبنا مره كانت صحته تعبانه وكان زوجي كل شوي يقول هذا من الرضاعه لو انتي مرضعته طبيعي كان صحته احسن لانه هو ماعنده ابد مناعه طوال الوقت مزكم وحراره وضعفان بالمره

والحين توني مربيه ببنوته فان شاء الله تكون رضــــــــــــــــــــــــاعه طبيعيه

الرضاعه الطبيعيه زينه بس كيف اللي تبى تسوي رجيم شوتسوي لان خاطري اشرب عصير طازج وحليب بس يقولون هو اللي يمتن
مانعرف شو نسوي