كلوب ساندويتش بالكريب...يمي..يمي

السلام عليكم ورحمة الله وبركاته

كيفكم يا عرايس يا حلوين؟ إن شاء الله بخير

اليوم أول مرة أشارك في قسم الطبخ

مع أني أحب القسم هادا مررررررررررررررررررررررررة واسفدت منه كتير

بس مدري ليش ما قد شاركت فيه؟؟؟؟

لكن إن شاء الله ما تكون آخر مرة

يلا ندخل في الموضوع

اليوم جبت لكم طبق إن شاء الله يعجبكم

هو فكرته زي الكلوب ساندويتش لكن عملنها بعجينة الكريب الملون

تشوفوا كيف؟؟؟

بسم الله...

أول شي نحضر المقادير... تنقسم 3 أقسام..

1- مقادير الكريب

4 كاسات دقيق
4كاسات حليب
بيضتين
1 ملعقة بيكنج باودر
رشة ملح بسيطة
ولتلوين الكريب..
الأحمر....صلصة طماطم وصبغة طعام حمرا(بودرة التوت)
الأصفر...بودرة زعفران
الأخضر... صبغة طعام خضرا


2-للحشوة
تونة
مرتديلا
بيض(اختياري على حسب الرغبة)
جبنة شرائح


3- للوجه
قشطة
2ملعقة مايونيز
5ملاعق كبيرة جبنة كاسات


ويلا نبدأ بسم الله...
نخلط جميع مقادير الكريب في الخلاط بس يفضل نقسمها على قسمين
المرة الأولى كاستين حليب وكاستين دقيق وبيضة والملح وشوية بيكنج باودر
والمرة التانية الباقي



بعد ما نخلط الخليط نقسم كل قسم قسمين
عشان نضيف عليه الألوان...
الأول نخليه زي ما هو عشان اللون الأبيض...


والتاني نضيف له اللون الأخضر...


والتالت بودرة الزعفران...


والرابع الصلصة وبودرة التوت...


وهادي كل الألوان...

بس لازم نحط من كل لون ملعقة صغيرة مرة لأنه على طول يبان الللون..

ونجهز مقادير الحشو..
التونة ونحطلها خس ومايونيز وملح وفلفل أسود وليمون

والبيض نحط له شوية ملح وفلفل أسود ونقليه على النار بشوية زيت

ونجيب الجهاز الخاص بالكريب


ونصب الخليط على الجهاز بعد ما يسخن

وبعد ما ينضج الكريب نبدأ نرص الطبقات ونختار ألوان مختلفة


ونحط طبقة البيض(زي ماقلنا اختياري) ونغطيها بشريحة كريب تانية ونحط فوقها المارتديلا وبعدين شريحة تالتة


وفوقها التونة..


وبعده الجبنة..


وبعدين طبقة أخيرة....


ونصب عليها خليط الجبنة والمايونيز ونزينها وبالعافية.......




وأتمنى أشوف تعليقاتكم

اللي عجبها تقول..

واللي ما عجبها كمان يا ريت تقول.....