مرحبا بنات شو اخباركم
بدخل في الموضوع على طول
اذا كانت عندج حماه ومتسلطه
كيف تكسبينها وتجذبينها
واتخلينها تندم على كل لحظه زعلتج فيها
؟؟؟؟؟؟؟؟؟؟؟؟؟؟؟؟؟؟؟؟؟؟
ابا افكار منكم اتكون جذيه:ok:
اتريا افكاركم الحلوه
بالكلمة الحلوة و الاسلوب الدبلوماسي
هذا من رايي و اتمنى باقي البنات يفيدونك
مشكوره اختي ابرار الجنه
على المشاركه
بس اللي اقصده اني ابا افعال
الكلمه الطيبه مجربه بس ابا شي يكون مفعوله قوي ويـــــــــــــديده
ويكون واظح عند الزوج .................وعند اهله بعد
بنات وين افكاركم
ما حيد بنات منتدى عروس .................بخيلات
بــــــــــــأفكاهم
الحريم الكبار تعجبهم الهدايا جربي لاني انا كسبت حماتي بهذي الطريقة
حبيبتي غرقيها بالهداية بتحبج..........
" ولا تستوي الحسنة ولا السيئة ادفع بالتي هي أحسن فإذا الذي بينك وبينه عداوة كأنه ولي حميم وما يلقاها إلا الذين صبروا وما يلقاها الا ذو حظ عظيم"
احسني اليها و لا تنتظري الاجر الا من الله سبحانه و تعالى
عندما تتبنين هذا الرأي اعلمي انك ستكونين بسلام و امان داخلي و راحة
و لا شي راح يهز مشاعر الزعل عندك لانك حصنتي نفسك بمبدأ جديد " فإذا الذي بينك وبينه عداوة كأنه ولي حميم "
" اليقين بهذا المبدأ يجعل من السهل حصد ثماره في الدنيا قبل الخرة "
دخلي عليها يوم و انتي محضرة أو شارية الأكل اللي تحبه ( على العشا مثلاً ) و قوليلها فلاااااان اللي اهو ولدها قالي انج اتحبين هالأكلة
هي بتفرح و أكيد بتقول حق ولدها انت قايل لزوجتك اني أحب كذا و كذا ؟؟!!
عصفورين بحجر ;)
هذا حق الي عندها صبر و طولة بال ،،،
لا تردين على اي تعليق مزعج او نغزات ،، ابدا ،، "فليقل خيرا او ليصمت"
لا تعلقين على اي شي في بيتهم خصوصا اذا انتي عايشه وياهم ،، و بيني لهم انج مرتاحه و كل شي عايبنج،،
اذا هي قالت يمين خلج يمين و اذا قالت يسار خلج يسار و لا تعارضينها في اي شي " مب من صالحج" ،، مؤقتا بس لين ما ترخي وياج و تتقبلج و هذا يعتمد على نوع الحماه يمكن تاخذ سنين و يمكن ايام
طبعا لا تنسين الهدايا،،، لا تهدين حماتج في يوم الام "لأنه اشكره نفاق" خلي زوجج يهديها احسن و انتي اهديها بين فتره و فتره من غير مناسبات أشياء و قوليلها انج شفتي مثلا الحريم طايحين ياخذون من هالشي فتذكرتيها و خذتي لها منه
اهديها ذهب و مجوهرات ،، أنا عمتي غرقتها من المجوهرات (طبعا كله من جيب ولدها)،، قبل ما كانت تحب الالماس كله ذهب اصفر مال العيايز،، بس انا خربيتها الحين كله تبا روبي والماس و سفاير !
اطبخي لها اكلاتها المفضله اذا هي تحب الاكل ،، و اذا ما يهمها انسي الموضوع لا تعبين عمرج ،،
اذا عندج عيال حببيهم في فيها جدامها ،، و خليها تعلمهم العاب الاول و اغانيهم والاهازيج ،، اسئليها و اطلبي منها تعلم الصغاريه حتى لو انج تعرفين ،،،
العيايز يموتن في الدخون والعطور ،، اذا هي كبيره في السن عليج بالهشي ،، مثلا العصر حطي الفواله و تفاولي وياها و قهويها و عقب دخنيها وعطريها "كمثال بس" اذا هي تتقبل هاي الاشياء ،، أخافها تنصدم اذا انتي مب مال هالسوالف (كله بالتدريج عشان ما تحس انها لعبه وانج مبيته شي حقها)
واهم شي تحضرين كل عزايم اهل ريلج و توجبين و تساعدين في المطبخ اذا عندهم ضيوف و تفاجئينها بتصرفاتج الحلوه
كل ما تفكر تقهرج مشي و عدي الموضوع على خير حتى ريلج بيرتاح و بتكبرين في عينه ،،و هالتمرين بيساعدج مب بس تتغلبين على حماتج الا على كل الي يقهرون في الدنيا
يمكن يوصل الموضوع لدرجه انج ما تردين على اي تعلين أو انج ما تتكلمين نهائيا بس انتبهي انج دايما تكونين ايجابيه مب سلبيه ،،، يعني بابتسامه ،،
واذا في اي انتقادات و تدخلات في حياتج الزوجيه و في سيراتج وطلعاتج و و و و لازم يكون في اتفاق مسبق بينج وبين ريلج ،،، انج كل ما بيسئلونج عن شي تقولين هذا شوره هو "زوجج ولدها" ،،،، في اي شي ما تبين تردين عليه او تنلامين عليه ردي به عليه و لازم على طول تخبرينه ،، وتأكدي انه بينسأل اذا كلامج صدق،،،،،، ،،،،،،،،،،،،،،،،، بس شرط أن الزوج تكون شخصيته قويه جدام الام و يتحمل المسؤوليه ،، ،،
النتيجه تختلف من عمه لأخرى ،، أنا عن نفسي عمتي تحسن اسلوبها 70-80 بالميه ،،، و الباقي ما تقدرين تسوين شي ما يتغير غريزه الام الي ياخذون ولدها منها ،، حتى انتي يوم بتصيرين مكانها بتسوين مثلها و يمكن أكثر،،،،
مشكورين بنات على الرد
وانا لاحظت راي الاغلبيه هو انه اخذلها هدايه
فعلن هالشي مجرب واااااااااااااااااااااايــــــــــــد نفع على الاقل استوى في تغير اشوي هههههههه
ماقرتو بنات
عــــــــــاملــــــــيــها مثل ماتـــعامليييييين امــج
لو قالت لج شي ماتردينها
وحسسييييها بحبج بكلل الطرق..هدااايا.. اكلاااات .. رووحي وياها زياراتها .. اختاري يوم وطلعيها ويا ريلج...
ولو عندج عياااااال خليها تحس انج تعلمينهم على حبها..
..
وتحمليها
تحمليها
تحمليها
..
ظ
ظفارية ياحلاتي
عروس مشاركة
14-04-2007 | 02:56 PM
مساء الخير اختي موضوعك وايد حلووووووووو
حبيبي الحماه المتسلطه لازم تكوني ساكته منها يعني مهما تكلمت لاتردي عليها خليش هاديه لانهم نسوان كبار وكل كلمه تضايقهم في اشياء لازم تسوينها مثل:
- وصي زوجش فيها.
- كوني بنتها مثلا يوميا في الظهر خذي ملابسها وبخريها مع ملابسش، ذكريها بوقت الدواء، دهني رجولها>>>>>>> يحبون هالشغله وغيرها انتي ادري بحماتش.
- لو اشتريتي بخور والا عطر لنفسش يعني عطر زياده لا بينقص ولا بيزيد من شي اشتري لها عطر او ثوب.
- سولفي وياها وكوني معاها ضد ولدها تنفعش بعدين وقت المشاكل.
خواتي العرايس هذي نصيحه مني لكم مثل ماتتمنون زوجه اخوكم تعامل ام كل وحده عاملي حماتك بنفس المعامله ولو حريم كبار ومانحط روسنا بروسهم.
تحياااااااااااااااااااااااااااااااااااتي
ظفارية ياحلاااااااتي
ع
عيون المها00000
عروس جديدة
17-04-2007 | 02:39 AM
انا نفس حالتك وكسبة ام زوجي عن طريق الهداياء
شوفي الحلريم الكبار يحبون البخور والحناء والاقمشه
الاواني مثل ترامس الشاي والقهوه وبيالات بس تكون حلوه
علشان كل من شوفها يمدحها واهي راح تفرح وتقول هذي من زوجت ولدي
ودايم رتبي لها البيت واخدميها وغسلي لها النحاس ودلعيها ولاتقولين غير يا غاليه
وشوفي وش تسوي معك
عامليها بما يرضي الله مش بما يرضي نفسك