إبني وحركات آخر الليل ..ساعدوني

الله لا اييب هالأيام علي ان شالله هههههه

الله يعينج بصراحة ..

بس شوفي ابد لا تسوين له الي يباه لأنه بيتعود وبيعرف انه طلباته مجابه ..

خليه يصيح شوي وبيسكت .. بيني له انج زعلانه .. سوي نفسج نايمة لا تردين عليه ..

قولي له تبا احكي لك قصه .. ومن هالسوالف سوي عمرج تلاعبينه نسيه بأي شي يحبه منج ..

بس اعيدلج لاااااا تسوين الي يباه.. واللا بيزيد بطلباته

والله يهديه لج ان شالله

انا اللي ولدي ذابحني

طول الليل واعي .. وانا تعبانه ...

ياما يبا حليب او يباني اسولف وياااه

تعبني من كثر السهر ..

اروووح الدوام وانا عيني ملاينة نووووووووم

شوفولي حل؟؟؟؟؟؟؟؟؟؟؟

أم مصبح.. تسلمي عزيزتي على النصيحة... والله آحقره وأسوي روحي نايمة بعد مايسكت، يرد على أبوه.. آقول له مافي حد يطلع بالليل .... باشوف بازيد في حقرانه حتى كلمة مابرد عليه..

أم نيلا.. هلا بك أختى الله يعينك ويعينا على السهر ودوام الصباح،، أنا ولدي يوم كان بسن ولدك ماكان يسوي هالحركات بالعكس نومه منتظم،،، شبعيه زين قبل النوم وعطيه حليب وبعدين نوميه يكون مايصحى جوعان.

أختى مايا... الله يسلمك عزيزتي ويقومك أنت بعد بالسلامة ويحفظ لك إبنك...

يمكن مثل ماقلتي شكلهم حاسين ومتأثرين بالنونو الجديد، لأن من يشوفني أستلقي على ظهري ينط فوقي ويسوي له حركات،،، مرة قعد يحط يده بقوة على بطني ويقول لي سمعي بيبي يصيح قلت له أي بيبي قال اللي في بطنك طقيته.
ولدي كان متعود أني أشيله دوم والحين ماشيله وكل مرة يصيح شيليني....
خايفة والله لا يتعقد ولدي بسبب هالحمل.....

الله يعينك يا رانيا

ممكن فعلا تكون مبلشة الغيرة معه بدري وعلى فكرة الاطفال يحسو سبحان الله

وكمان ممكن انه عم ينام بكير بالتالي عم يصحى وهو شبعان نوم ويجلس يقا يتحزر ايش بدو

حاوللي تاخري موعد نومه شوي ولو لساعة او انك لا تنيمية فترة كبيرة بالنهار بالتالي راح يناملك الليل بطوله ان شالله

الله يقويكي ويعينك

اذا انتي ما تشتغلين فحاولي انج اتصبين اهتمامج عليه طول النهار ولاعبيه وقولي له انه الدادا اللي في بطنج يبي يلعب معاه ونه يحبه حببيه بالطفل اللي بيجي ان شاء الله بالسلامه
واشركيه وياج فمثلا اذا تعبتي قعد شويه وخليه يحط راسه على بطنج وقولي ليه اسمع الدادا نايم مسكين تعبان انته بعد اقعد شويه مثل الدادا نستريح عشان ينام


خليه يفاعل مع البيبي ويحبه قبل ما يجي


واهتنا هالمشكله في بدايه حمل اختي بطفلتها الثانيه وكان عمر ولدها نه ونص فكان يغار وايد

لما كمت دكتوره نفسنيه عندنا بالمستشفى تخصصها طب اطفال قالت لي انه نخلي الام اتحسس واتقرب الطل من الطفل اللي بيوصل عشان يحبه ويخاف عليه من الاحين ولا يغار منه وطبعا لازم ما تنسيه ابدا بعد ما اتولدين باسلامه فمثل ما يجيبون له هدايا لازم اتكونين محضره له هدايا اهو بعد عشان ما يغار

واتقولين له انه يوم اهو ضغنون ونونو جابوا ليه هدايا وراويه صوره واهو صغير عشان يتفهم

وان شاء الله اكون افتدك


وعشان نومه الليل اهي شويه شويه بتهدا ان شاء الله

المهم اهني انج لما يصحى ما تطالعينه في عيونه وكل ما يقوم من السرير اتردين اتخلينه بسريره واتقولين له ان الحين الحلويه كلهم نايمين وانت بعد حلو ولازم اتنام بس اول مره

وبعدها كل ما يقوم اتيلينه انتي او ابوه بدون ما اتطالعونه واتخلونه بسريره واتغطونه

صدق بيصيح وبيعورج خاطرج وبيعورج راسج لكن بيهدا مع الوقت

الدمشقية،، شكرا على مساعدتك،، مادري والله اللي صايبه بسبب الغيرة او سبب ثاني...
صح ولدي صار له فترة ينام مبكر على الثمان او ثمان ونصف، يمكن يكون شبعان نوم، بس مايشد يقعد زيادة لأنه ترك نومة الظهر من رمضان يوم قطعنا عنه الرضاعة والحفاظة ومن يومها ماينام العصر بالمرة.

أم علووي.. شكراً أختى.. صدقيني ماني هاملته بالعكس مافي شي ماشتري له ودوم آقول له شنو تبي النونو يعطيك هدية لما يطلع من بطني ويقعد يقرر سبايدرمان ويوم يبي باتمان ومن أرجع من الدوام على طول معاي ولو آروح مشوار قصير خذيته.
خلاص راح أتركه بالمرة ولا راح أرد عليه,, زلدي كان مافي أحسن منه بالنوم، منتظم ومايصحى بالليل الا ماندر، الحين معتفس علي....

ام عبودي ..
تصدقين كنت نفس الحالة اول ماحملت بزنوبي..

يسهر لي بالليل.. ويضربني ويصارخ وايد.. وكان متعود احمله بس تركته ما قمت احمله بسبب الحمل طبعاً..
فاتوقع انه يحس فيه شيء قاعد يجذب اهتمامج عنه.. يمكن انتي مو منتبهة لحركاتج بس اهو يحس على اقل شيء..
والله يعينج ترا الغيرة تكون اكثر واكثر كل ما الياهل كان كبير وقت الولادة..

المهم مثل ما قالت لج ام مصبح والبنات.. حقريه.. لا تعطينه ويه..
وعن ولدي انا اللي اسويه اخلي دبة ماي صحة عند سريره ( لأنها تتسكر زين ) وكل ما يقعد اشربه ماي .. ويستسلم بسرعة وينام..
شوفيه يمكن نفس الشيء.. يكون عطشان بس ما يعرف فيزنزن على راسج...

الحين حسين تعود.. يقعد يصيح ومباشرة يروح بروحه يفتح دبة الماي يشرب ويرجع ينام ههههههه

مبارك رانيا الحمل الجديد .. وربنا يعينك ...


حبيبتي فعلا الأطفال بيحسوا .. وغير كده ابنك متضايق يعني مع انقطاع الحليب والحفاضة وكمان بيبي جديد !!


لكن فعلا أنت كل اللي تعمليه إنك تهمليه لا تعملي معاه شيء غير تقولي له نااااااااااااااااام أقول لك على شيء مو حلو تعمليه معاه لما يصحى ؟ بس أفضل الحلول ...
يعني أنا باعمله مع جمانة لما تعمل لي زي عبودي ................... بأرفع طرف الغطاء وأقول لها تعالي في حضن ماما .. وآخدها في حضني وأخليها تنام معايا

يا كدة يا نصحى للصبح نعاند بعض

من يومين صحيت الساعة 4 الفجر وقلت لها تعالي نامي في حضني ... بعد شوية بدأت تحكي لي حكاية يا أختي أنام وأصحى وحكايتها ما راضية تخلص أسد وبيفتح فمه وأشياء ما بتذكرها المهم قلقت منامي فجأو وقفت على الرض تخيلي من تحت البطانية للأرض وقوقف قلت لها: يا تنامي بدون ولا كلمة يا تروحي على سريرك ... وما بتذكر بعدها كيف رجعت تحت البطانية لقيت النهار طلع هههههههههههههه وهي في ساااااااااااااااابع نومة ...

جمانة... الله يعينك أنت بعد على الحالة... عبودي مايكون عطشان لما يسوي هالحركات لأني اسأله تبي ماء او لا ولما يكون عطشان يرد علي يبي يشرب... بس الحمدلله هالويك أند ماسوى هالحركات..

أختى أسماء.. الله يبارك فيك عزيزتي..
والله مو مقصره معاه وامعطته كل الإهتمام بس تصير عنده الحالة من أستلقي على ظهري ينط ويسوي حركات على ظهري. حتى لما يصحي آخذه جنبي واحضنه
الله يعين اليوم بنركب له غرفته الجديدة وباخليه ينام فيها وباشوف كيف بيكون نومه.

رانيا البحرينية:
جمانة... الله يعينك أنت بعد على الحالة... عبودي مايكون عطشان لما يسوي هالحركات لأني اسأله تبي ماء او لا ولما يكون عطشان يرد علي يبي يشرب... بس الحمدلله هالويك أند ماسوى هالحركات..

أختى أسماء.. الله يبارك فيك عزيزتي..
والله مو مقصره معاه وامعطته كل الإهتمام بس تصير عنده الحالة من أستلقي على ظهري ينط ويسوي حركات على ظهري. حتى لما يصحي آخذه جنبي واحضنه
الله يعين اليوم بنركب له غرفته الجديدة وباخليه ينام فيها وباشوف كيف بيكون نومه.

[grade="FF4500 4B0082 0000FF 000000 F4A460"]لآ يا حبيبتي ما قصدت إنك مقصرة قصدي اشتري دماغك مثل ما بنقول عندنا في مصر ولما يصحى بالليل بدل الحركات اللي بيعملها نيميه في حضنك واخلصي علشان تعرفي تنامي أصلا الواحد لو انقطع نومه بصعوبة يرجع ينام تاني ..[/grade]

مامريت بهالمرحلة لان ولدي توه نونو

بس ماقدر اقول غير الله يعينج كل شي ولاقومت الليل اففففففففففففففففف منها

أختى أسماء.. عارفة قصدك، البارحة بعد طلع بطلعة ثانية،، يصيح الساعة 2 آبي شي، أنا مادريت عليه بس أبوه قعد ياخذ ويعطي معاه شنو تبي؟؟؟ قال آبي آروح مطعم (تخيلوا بس) وبعدها نام وماخذ شوي الا صاح مرة ثانية وقعد يطلب نفس الشي،، آبي شي وأنا حقرته لكن أبوه رجع يكلمه قال له شنو تبي قال آبي شي من البرادة.. قلت حق زوجي تركه ولاتكلمه.

أختى QTR Girl الله يهدي إبنك بس ولا يسوي نفس حركات ولدي...

رانيا البحرينية:
أختى أسماء.. عارفة قصدك، البارحة بعد طلع بطلعة ثانية،، يصيح الساعة 2 آبي شي، أنا مادريت عليه بس أبوه قعد ياخذ ويعطي معاه شنو تبي؟؟؟ قال آبي آروح مطعم (تخيلوا بس) وبعدها نام وماخذ شوي الا صاح مرة ثانية وقعد يطلب نفس الشي،، آبي شي وأنا حقرته لكن أبوه رجع يكلمه قال له شنو تبي قال آبي شي من البرادة.. قلت حق زوجي تركه ولاتكلمه.

أختى QTR Girl الله يهدي إبنك بس ولا يسوي نفس حركات ولدي...

هههههههههههههههه الله يعينك صحيح بيطلعوا طلعات غريبة جمانة عملت نفس الموال من فترة صحيت قرب الفجر وتبكي وتقول أبي شبس مع إننا ما بنشتريه بس هي قصدها أعملها لها شبس :shy: أقول لها الناس نايمة ما ينفع نعمل شبس الحين وهي مصرة لغاية ما شخط فيها وراحت نامت وهي باكية


لكن أنا اتذكر كان عمري خمس سنين تقريبا وكنت عند جدتي الله يعطيها الصحة والعافية ... وجا عندها ضيوف وعرضت علي شاي لكني رفضت وصحيت لها بعد منتصف الليل وأبكي إلا أشرب شاي وتهديني وتحايلني وتخوفني وما بتذكر كيف نمت لكن اللي بتذكره إني كنت متضايقة يومها ... على فكرة أرقي ابنك قد تكون عين ...

شكراً أختى أسماء.. أمس خليناه بغرفته الجديدة بس زوجي أصر نرجعه لسريره بغرفتنا ، قلت له على كذا ماراح يتعلم
المهم بالليل صاح قوموا حطوني بسريركم ومادري شقال يبي ، فيلم مادري شنو الله.
الولد ماكان جذي بالمرة نومه كان تمام.

يمكن مثل ماقلتي بعد صايبته عين، والله كل ليلة اقرا عليه المعوذات، الظاهر لازم يبي له قراءة...