يناس صديقتي تلمح على خطيبي

مرحبا بنات كيفكم

ببداية اول مشاركه لي كانت عن خطيبي وكلامه المحرج اليوم القضيه اصعب من موضوع خطيبي

اليوم صديقتي بصراحه يبنات عندي صديقه تعز علي جدا ومن زمان انا صحبه معاها

وكل اسراري عندها يعني بالعربي مو رخيصه عندي

المهم انا من وقت مانخطبت وانا الحظ اهتمام صديقتي بخطيبي وربي كا انها مستكثرته علي رغم اني احبها حيل

يعني مهتمه فيه بشكل كبير واذا جلست واوريها صور ملكتي انا وياها احسه شوي بتبوس صورته

وعلى طول تسال ايش قالك وايش تكلمتو فيه ودايما الاحظ فيها كلمة انا اكرهها من جد لانها تدل على الشفاحه والحسد يعني انا بشكل عام اكره هالكلمه (ياحظك ياحظك) يعني من جد شفاحه

طيب ليش الحسد انا صديقتك يعني حتى كلمة ماشاء الله ماتقولها واذا قلت قولي لا لا الله ترى انا على وشك زواج لاتخربين علي قالت بكل برود يعني انا بحسدك

ممكن تقولون اني فاهمه غلط لاكن والله والله حتى اذا دق وهي عندي تقولي حطي السبيكر واذا سمعت صوته الا حظ تعابير بوجهها غريبه

وطبعا انا وياها مسجلين بمعهد لغات وربي شهرت بخطيبي عند البنات لو تشوفون اللي بيتزوج فلانه يجنن موت وربي تخقون معه وللعلم هي معاها حق لانه اجمل مني للصراحه

مو معناه اني مو حلوه لاكن هو احلى وانا ماكنت اتمنى اخذ واحد احلى مني لاكن مو هذا الموضوع المهم البارحه كنت اسولف مع وحده من بنات المعهد

ولا حظت انها تنصحني تقول يعني مو اي شي يصير معك ومع خطيبك تحكينه للناس قلت ليش قالت بصراحه صديقتك تتكلم عن خطيبك كثير وتقول انه حلو وانه يدلعك ويقولك كذا وكذا وانه جابلك هدية كذا انا انصدمت ليش كل هذا انا من طبعي اكره الحكي الكثير وخصوصا بشي يخص الناس

مع العلم والله اني اي شي اشتريه اوريها اياه لانها بنت جيرانا وقريبه مني وكنت اصارحها باي شي وطبعا انا قبل ما انزل موضوع خطيبي لكم كنت اقولها انه هو يقولي كلام يحرجني ولا ابي ارد عليه توقعو ايش قالت تكفين يفلانه اذا كلمك بهالامور خليني اسمع بليز قلت عيب هذي خصوصيه وتقول عادي عادي وتترجاني وقبل فتره انا كنت عندها وطبعا اذن المغرب وقمت اصلي والله يبنات ما كذب عليكم وانا اصلي كان قدامي مرايه تعكس اللي خلفي والله شفتها تاخذ جوالي بشويش وسجلت رقم ورجعت الجوال لاكن رقم مين ماحط بذمتي

لاكن انا خايفه يكون رقم خطيبي قسم بالله ضايق صدري ولا قدرت اصارحها او اتهمها لان موقفي صعب وانا ماتحملت وحكيت لاختي وامي لانهم اقرب الناس لي قالولي انتبهي منها واذا تزوجتي حاولي ماتعزمينها كثير وبعدين تتفتح عيونها على بيتك وزوجك واسراركم الخاصه لان البنت اكبر منك بواجد وللحين ماتزوجت اكيد بتكون عينها حاره طبعا مو كل البنات والله فيه بنات كلهم خير وبركه

اسفه على الاطاله بس تكفون ابي حل هذي صديقة عمري وهذا بعد بيكون زوجي دلوني تكفون مابي اخسر الثنين