مواقفكم المضحكه فى الحمل والولاده...........

مرة كنت بولد .....وجالسة بيت الوالده
قلت حق زوجي تراني حاسة بوجع يمكن ولادتي اليوم الله العالم لا تروح بعيد خلك قريب من البيت اذا طلعت

وجاااااااااااااني الوجع وتم يزيد وانا اقول بعدني وامي تقول بعدك يابنتي صبري صبري مب زين انروح المستشفى من الحين

الين حسيت ان روحي بتطلع وقعت اسبة وينه وينه ؟؟؟؟اتصلوا فيه
ثره الحبيب ساير المزرعه والمزرعه بعيده وايد ....ماشي وصلت المستشفى مب قادرة اجلس على الكرسي ولا على السرير الين ما طيحتني الدكتورة غصب عني
وكنت 8 سانتي ما شاء الله

المواقف وايد ..

بس الموقف اللي كل مايذكرونه يضحكون عليه :)

وانا بجر وبعد 10 ساعات في غرفة الولادة قلت للدكتورة... لحظه شوي اريد شيء قالت شوووه

قلت تودي نو ولادة تموروا اوكي ونزلت من الولاده وكنت اريد اطلع واللي يضحك واللي يصيح (( فديتها اميه )) :(

قلت كيفي ماريد اربي تعبت من الويع :)

والله يسهل على الكل

حلوة
انا اعرف وحدة من صديقاتي كانت بكر
وياها الوجع وهي تتغذي وكان سمك وما رضيت تتلكم عن الوجع الي فيها الي لما خلصت غذاها وكملت راس السمكة
قالت الحمد لله ودوني المستشفى

نسيبتي كانت كل يوم من دخلت التاسع يجيها وجع وتقعد تصارخ ويودونها المستشفى وترد ترجع ومرة لبست لبس الولادة وكان فاتحة 1.5 قالوا ولادة قالت تدرون بوقع وبطلع
ولا رجعت البيت والكل يعتقد انها رايحة تولد خلاص
وتفاجئوا بالبنت لابسة عباتها كالعادة ورايحة تسهر في بيت نسباتها والله نقول لها ساعة لابس قمصان الولادة وساعة تشربين جاي وتسولفين

اختي بعد لما دخلت التاسع خلاص ملت من البطن الكبير قالت لازم اولد كل يوم تقول اه بولد وتقوم امي تبخرها وروح الوجع
لين اسبوع قالت وجع فيني راحت امي تركض بتسوي لها بخور قالت لا امي ما ابي بخورش اي انتين ماتبيني اولد من تبخرين اتروح عن الولادة
وبعدين مسكينة يوم الصدق ظلت في المستشفى 3 ايام طلق وعلى 3-5 سم ويوم وصلت 8 سم بعد ما طلعت عيونها مسكينة اله الحبل السري التف على الياهل وقالوا لازم عملية
مسكينة اتقول لو ادري بسوني عملية كان من البداية قلت لهم خلاص عملية وماابي اولد طبيعي

صباح النور

فعلا مواقف مضحكة و طريفة

يعطيكم العافية و يسهل على البقية من الحوامل يا رب

انا عن نفسي كنت البكر عند اهلي
وامي جابت اختي الصغيره قبل 16 سنه
واهلي نسيو الولاده كيف
عاد انا اول مادخلت الشهر التاسع اول شي ابوي وعمي سافرو في حملي الاول والثاني
وفي حملي الاول بالذات كنت غشيمه مااعرف شي اول ما وصلت المستشفى جاء ت الدكتوره
تبي تقيس الرحم فاان من غباءي ماخليتها وقعدة ارفس فيه
واصرخ وابكي وكل الدكاتره الي في المستشفى يسوون حفله عليا وجماهير وشي
والعايله الكريمه كلها تروح معاي المستشفى
اما جدتي حاله ثانيه كنت لمن اصرخ تصرخ هي ولمن ابكي تبكي انا وهي حالة ولاده الله لايبلاكم ان شاء الله
بس والله اذا جيت اتذكر نفسي استحي مااخلي احد في المستشفى الى واشتم فيه واسب
الحمد الله على كل حال

عندي بنت خالتي حامل في الشهر الثامن الحين الله يقومها بالسلامة

وكل ماتروح المستشفى وتحس بآلام وتريد الدكتورة تكشف عليها ماترضى

تجلس تصارخ

تقول مابي احد يلمسني حراام عليكم

وتقول لينا اذا تجمعنا ماأبي اولد فشيلة الكل بيطالعني

واحنا نهديها نقول ليها حمدي ربك

هذا امر من رب العالمين

مواقف صدق مضحكة


نا ما اتذكر شئ الحين عن نفسي

لما اتذكر بدش اكتب لكم موقف


والله من الم الولادة كل شئ بيصير

وانا عن سالفتي اعظم

بتجلسون تضحكوا لين تملوا

والله شيلة عن جد

من قبل اربع سنوات وبحملي الاول

دخلت عند الدكتورة وسوت ليي كشفية وقالت روحي سوي تحليل بول وتعالي

وانا ماصدقت عن عمري قمت من على السرير ورحت الحمام

والله فشيلة استحي اقول.............

المهم لما دخلت الحمام قلت او وين.......................

وبعدين تذكرت اني نسيته في غرفة الدكتورة

بس على جنب خاشتنه

ويوم جبت التحليل مارضت الممرضة ادخل

عصبت وقلت ليها نسيت شي يخصني

اخذته وطلعت ركيض من الفشيلة


ادري بتقولوا تافهة

ههههه
بس موقف مستحيل انسااااااااه

هههههههههههههههه

هيه والله فشيلة بئر الصمت

بس أكيد الممرضات متعودات على كذا مواقف :)

عيل انا الموقف فيني مع اني ماكنت اولد

كانت اختي بغرفة الولادة و بجر و اول وحدة فينا تولد فكان شي جديد علينا
و اختي ماشاء الله عليها صابرة و متحملة و ساكتة مع ان الطلق كان شديد

عاد انا عندها جان اقعد ابكي و اهيا تهدي فيني و تطمني هاهاهاها

تناقض المفروض العكس لان اهيا الي تتألم مو انا لووووول

عاد الحين انا وياها حملنا معا بعض الله يستر و يسهل علينا الولادة و جميح المسلمين يا رب

ههههههههههه مواقفكم مضحكه اوووووىىىى يابنات ادخلو وقولوا انتوا كمان عوزين نضحك ونفتكر الزكريات
انا صديقتى لما جت تولد قعدت تصرخ وتسب وتشتم زوجها ويقولو لها ليه الراجل عمل ايه تقول هو السبب فى الالم الى انا فيه بعد عملته السودا........
وقريبتى حدث معها العكس بعد مخرجت من العمليه ولسه بتفوق من البنج ومبطلت كلام حب فى زوجها وكلنا انحرجنا حتى هو انحرج...............

خخخخخخخخخخخخخخخخخخخخخخ