الفرق بين حمل البنت والولد

انا احس ان البنت تمسك الرجول يعني بتحسي آلام دائمة من الشهر الاول برجولك .. وزيدي على ذلك الثقل من الشهر الاول ..والله اعلم ..

مشكورة يا ام الحنون على الرد وفعلا البنت فى الحمل يكون فيه ثقل ( يوم كنت حامل بديما كنت ثقيله مرة حتى كنت احس انه فينى توام )

السلام عليكم

هلا والله وغلا بالعرايس الحوامل

:)

والله يا أم ديما حمل البنات

فعلاً تحسين بثقل من أول الحمل

موثقل في الوزن لاااااا

يعني تحسين إنك مكسلة ومونشيطة مثل أول

وهذا أيضاً من واقع تجربة بعض الصديقات

انا من ناحيتي حمل البنت مايبين عندي بطن
وفي الاولاد يفضحني وكل الي يشوفني يقول الله يعينج شكلك بييبين توم
لكن هالمره مع اني في السابع مب فاهمه شو سالفتي ماقدرة اميز بس يقولون الام تحس سبحان الله شو بيجيب وعندي احساس بجيب بنت :)
عموما بنت ولد مافي فرق المهم التساهيل
تحياتي

حملي بمريم كان ثقيل وكانت رجولي دوم فيها شد وسودت رقبتي وجسمي كامل اما حملي الان فهو خفيف وبكاد احس فيه والحمد الله

وكان بطني في اول حمل ما بظاهر اما الان شوي ظاهر

انا اللي اعرفه ان حمل البنت متعب وايد وخصوصا في الشهور الثلاثه الاولى... ومن خلال تجربتي الاولى والوحيده في حملي صارلي نفس ما ذكرتوا من اعراض مثل الكسل والتعب المستمر واسوداد الرقبه وآلام الارجل.....
والله يعينا احنا الامهات لا في حمل مرتاحين:eek: ولا في تربيه بعد مرتاحين:confused: بس الحمدلله على كل حال:)

لي طفلين بنوته وولد الله يخليهم يارب ويخلي لكل ام اطفالها


ففي حمل البنت يكون البطن مدور ولون بشرة الام يفتح :)


اما في حمل الولد يكون شكل البطن طولي والصرة تطلع لبرا شوي :o


كمان لون الرقبه يصير غامق اسمر والخشم يكبر في حمل الولد







اختكم الغريبه عضوة جديدة بمنتداكم الرائع

تسلمون يا حبايبي على الردود و مشكورة ما قصرتوا ;) ;)

حمل البنت مرررررره صعب والولاده اصعب بس الام تحلو اذا حملها بنت
بس طلق البنت ازين من الولد يروح ويجي اما الولد على طول طلق حاااار
ادعولي مااحمل الا بعد4سنوات او اكثر لا نهم مانعيني مااستخدم ولا مانع حمل
الا بعد عملية المراااااااااره ادعولي اقوم باالسلامه
على فكره انا اخت خوخه خوخه مسكينه تعباانه حيل من الحمل
وعجبني صراحه المنتدى وانتو الي نورتوه زياده الله لا يحرمنا منكم;)

:confused:
لاااااااااااااا
أخاف من الولادة

انصحك لا تخافين من الولاده اذا خفتي تتصعب اكثر خلي كل شي عاادي
وخذي نفس عميق وقت الطلق هذي نصيحه للجميع

حيكم اللّه

بنسبة لى وأنا عندى أربع بنات وولد

حمل البنات يزين الأم وخليها تبيض ويزيد الوزن وثقيل من بدايتة

أما حمل الولد متعب وينحف ويسمر البشرة مع أن بشرتى بيضاء على حمرة سمرت

اخواتي انا بعد خايفة موت من الولادة
وانا هلحين بالشهر الثامن..........
وكل ما اسأل وحدة عن الولادة تخوف ولا لا , تقلي عادي مو مرة ,وانا عارفه انها بس ما بتخوفني
انا ابي وحدة تكون صريحه معي وتفهمني زين وش تحس الام وهي تولد ووين يتركز الالم بالضبط... ابي افهم كل شي ,, لانة حملي الاول ولاني دارية ايش الحكاية::s:confused:

أختى كناري هنا موقع طبى عن الولادة


http://go.3roos.com/vBvl0mwsmvY

بالنسبه لي عندي بنووته وولد والفرق بين حملهم يمكن اكثر شيء بالطلق حسيت ان فيه اختلاف لان طلق الولد حاررررر وورى بعض اما البنت لا يكون بارد ويعطيك فرصه تتنفسين زي ماقالت وحده من الاخوات ,, هذا الي انا لاحظته ,,

الله يهون على كل وحده حامل ويسهل ولادتهااااا قولووووو امين ..

<<<<< حامل :o

صحيح حمل البنت مرررة متعب وتقيل مرة وطبعا الي حملت باالولد قبل البنت هي الي بتفرق والى الاخت كنا ري لاتخا في من الولادة اللة يفرجها في لحضة وتنسيالاالم واللة يقومك بسلا امة

من تجاربي أن البنت وايد أخف من الصبي آنه عن نفسي لما كنت حامل ب لجين كنت تعبانه لي الخامس أما ألحين الحمدالله آنه بالثالث والحمدلله لي ألحين ما حسيت بالتعب نفسه ما أدري يمكن عشان أول مره غير عن ثاني مره هذا الفرق بين البنت والولد

الحمل يختلف باختلاف الهرمونات..هي اللي تتحكم...

ولذلك من حمل لحمل يختلف؟؟لأن الهرمونات ونسبتها تختلف...

لكن بصفه عامه حمل البنت متعب ..وطلقها باااااااااااااااااااارد...

يعني انا تخيلوا..جاني الطلق ببنتي من الساعه 3 الفجر...ولدت الساعه 7ونص المغرب؟؟

انا عندي بنت والحين حامل باول السادس وسويت سونار قالولي ولد

الفرق الي حسيت فيه الحركه البنت تتحرك مبجر وتتحرك وايد

اما الولد حركته بطيئه

واحس ويهي يطلع فيه وايد حبوب من حملت

الي اعرفه ان يقولن البنت تحلي والولد يجكر:D