حجم الجنين في كل اسبوع من الحمل

عزيزتي اللي اعرفه انه اسابيع الاولى من الحمل ما تقدرين تحكمين على حجم البابي النهائي

لكن الاسابيع الخيرة يعني بعد الثلاثين هي اللي مهمة و تحتاجي على الاقل سونارين في الشهور الاخيرة عشان تعرفين مقدار نمو البابي

انتي الحين حامل بأي اسبوع ؟؟

انا الحين في الاسبوع 17

اعتقد تو الناس

الدكتورة راح تسوي لك فحص سكر بعد الاسبوع العشرين

و اذا شافت بطنك كبيرة زيادة عن اللزوم راح تسوي لك سونار تتأكد من حجم البابي

لا تحاتين من الحين :)

و الله يتمم لك على خير

مشكورة اختي على الردود بس انا قالوا لي من الاسبوع 16 يبون يسون لي فحص سكر بس ماكنت صايمة هم سالوني اذا احد عندي في مرض السكر قلتهم امي وقالوا لازم نسوي لك الحين

اها خلاص الدكاترة أدرى لكن غالبا هذا فحص روتيني عشان يتأكدون انه مو جايك سكر حمل

لانه اللي عندهم حد في العيلة عنده سكر يكون فرصة اصابتهم بسكر الحمل أكبر

اي انا عارفة هاي الشي بس كنت ابي اتاكد هل الي سوى التراسوند في هاي الاسابيع كا ن حجم البيبي مثلي او اقل

هلا اختي ام جعفرين,,,

صحيح كلام الاخت ظبيانية في الشهور الأولى ما يقدرون يعرفون,,,

بس بقولج عشان ترتاحين,,,

انا شفت ملف ولدي وكنت رايحة في الاسبوع 21 وكان وزنه 408 جم,,,

ووقت الولادة كان وزنه 3 كيلو و90 جم,,,

اهو في الاسابيع من بعد 17 اسبوع فما فوق يتضاعف بصورة كبيرة في الحجم بس قبل تكون قليلة الزيادة يعني انه المفروض انه وقت الي سويت الالتراسوند ان الحجم 64 بس انا كان 115 يعني في زيادة كبيرة
وها ي الي مقلقني

اختي أبدا لا تخافين وان شا الله الله يسهل أمورك

بس اللي عرفته من موضوع آخر انك حامل بتوم>>>>> وناسة خاطري اجيب توم

فتوقعي اختلاف في الوزن بينهم احتمال يكون واحد أكثر من الثاني

بس انتي ادعي ربك دايما اني يكونوا بخير

وشكرا

شوفي أختي هنا تلاقين وزن وطول الجنين من بداية الحمل لين الولادة .. إن شاء الله تستفيدين


الاسبوع1
الطول:لايوجد
الوزن:لايوجد

الاسبوع2
الطول:لايوجد
الوزن:لايوجد

الاسبوع3
الطول:150، ملم
الوزن: لايوجد

الاسبوع4
الطول:36، ملم
الوزن: لايوجد

الاسبوع5
الطول:1.250 ملم
الوزن:لايوجد

الاسبوع6
الطول:2.4 ملم
الوزن:لايوجد

الاسبوع7
الطول:11-13 ملم
الوزن:لايوجد

الاسبوع8
الطول:14-20 ملم
الوزن:لايوجد

الاسبوع9
الطول:22-30 ملم
الوزن:لايوجد

الاسبوع10
الطول:31-42 ملم
الوزن:5 جم

الاسبوع11
الطول:44-60 ملم
الوزن:8 جم

الاسبوع12
الطول:61 ملم
الوزن:8-14 جم

الاسبوع13
الطول:65-78 ملم
الوزن:13-20 جم

الاسبوع14
الطول:80-93 ملم
الوزن:25 جم

الاسبوع15
الطول:93-103 ملم
الوزن:50 جم

الاسبوع 16
الطول:108-116 ملم
الوزن:80 جم

الاسبوع17
الطول:110-120 ملم
الوزن:100 جم

الاسبوع18
الطول:12.5-14 سم
الوزن:150 جم

الاسبوع19
الطول:13-15 سم
الوزن:200 جم

الاسبوع20
الطول:14-16 سم
الوزن:260 جم


[glint]يتبع[/glint]

وهذي التكمله من الاسبوع 21 الى الاسبوع 40

الاسبوع21
الطول: 18 سم
الوزن:300 جم

الاسبوع22
الطول:19 سم
الوزن:350 جم

الاسبوع23
الطول:20 سم
الوزن:455 جم

الاسبوع24
الطول:21 سم
الوزن:540 جم

الاسبوع25
الطول:22 سم
الوزن:700 جم

الاسبوع26
الطول:23 سم
الوزن: 910 جم

الاسبوع27
الطول:24-34 سم
الوزن: 1000 جم

الاسبوع28
الطول:25-35 سم
الوزن:1100 جم

الاسبوع29
الطول:26-37 سم
الوزن:1250 جم

الاسبوع30
الطول:27-38 سم
الوزن:1360 جم

الاسبوع31
الطول:28-40 سم
الوزن:1600 جم

الاسبوع32
الطول:29-42 سم
الوزن:1800 جم

الاسبوع33
الطول:30-43 سم
الوزن:2000 جم

الاسبوع34
الطول:32-44 سم
الوزن:2275 جم

الاسبوع35
الطول:33-45 سم
الوزن:2550 جم

الاسبوع36
الطول: 34-46 سم
الوزن:2750 جم

الاسبوع37
الطول:35-47 سم
الوزن:2950 جم

الاسبوع38
الطول:35-48 سم
الوزن:3100 جم

الاسبوع39
الطول:36-48 سم
الوزن:3250 جم

الاسبوع40
الطول:38-48 سم
الوزن:3400 جم

شكرا ام المهند

العفو أختي الظبيانية


أنا في آخر موعد مع طبيبتي الخاصة يوم 10/3 كان وزن البيبي حسب الألتراساوند 250 جم ( يعني ربع كيلو ) وقتها كنت ببداية الأسبوع العشرين وقبل أمس رحت عشان أقيس الضغط في عيادة أخرى يعني كان تاريخ 18/3 وشافت الطبيبة حسب الأشعة إن وزن البيبي 359 جم !!!

تخيلوا زاد الوزن تبارك الرحمن بصورة سريعة جدااااااا خلال أسبوع فقططططط ، وبصراحة ما قلقت بالعكس شكرت ربي إن الزيادة طلعت طبيعية حسب كلام الطبيبة ..وخبرتني إن الجنين بيبدأ يزيد وزنه بصورة سريعة في الأسابيع الجاية وهاي عادي ما منه خوف .

فما له داعي الخوف أختي أم جعفرين وإن شاء الله كله تمام

ايه كل واحد وزنه مختلف عن الثاني وفي اختلاف حتى في تاريخ الولادات بسبب الحجم

مشكورة اختي وايد انشاء الله اخدمش في الافراح

الاسبوع14
الطول:80-93 ملم
الوزن:25 جم
بصراحة احس انه فوق المعدل

اخيتى ام جعفرين لا تحاتى ان شاء الله مفيش الى العافية

وموفقين لكل خير

أختكم طفوف

اخواتي اعرف انه طلباتي زادت بس والله وايد ما شاء الله خبرتكم واسعة وانا توني على هاالسوالف مثل ما قالت اختي انا حامل بتوائم وما عرف وش اجهز لهم مثل هل سريرين وله سرير كبير يسعهم لاني احس سالفة انه كل واحد في صوب وبعد بيكونون اهدا لما يكونون مع بعض مثل ماتعودوا في رحم امهم
بعد سؤال اشلون اعطي الاثنين حقهم من رضاعة وحب و حنان صراحة ما ابي اقصر عليهم لاني من قبل ما احمل كنت اقول لزوجي اني راح اجيب توام وكان يضحك علي وصدق كلام ولله الحمد كله من فضل رب العالمين اهو الله عوض صبرنا خير والحمد لله
وبعد الملابس شنو الكمية الي احتاجها انه حابة ان كل واحد يكون له شخصية مستقلة حتى لو كانو طبق الاصل لانهم في مشيمة وحده يعني توائم متشابهة وهاي اول مرة في عائلتنا يجبون توائم متشابهه عادة كل مختلفة بس زوجي عنده خوات توائم متطابقين

ام جعفرين اشلون تفحصين السكري في البيت ؟
عندك الجهاز؟