الصراحة قريت بعض المعلومات وجربتها وحبيت أفيدكم وأبى كل وحدة تقرى موضوعي تتكرم و تكتب أكلة أو أكلتين عشان الوحدة منا اتغيرواتسوي اكلة ايديدة حق عيالها....
في وايد صغارية ما يحبون ياكلون وفي منهم بسم الله ما شاء الله ياكلون كل شوي.........تعالي أقولج شو السر.......
1)لا تجبرين طفلج على الأكل فهذا أكبر خطأ.. لأن الأكل يمكن يكون مو عاجبنة فبالتالي بيستفرغة...(w)
2) خصصي أوقات معينة للأكل ولا تتأخرين عليه فأكلة ... عشان يعرف وقت الأكل..(})
3) بين الوجبات الأساسية حطيله صحن فواكة أو مكسرات أو بسكوت وخليه جدامه متى ما بغى بياكل بروحه..(*)
4)نوعي فالأكل وقدميله أكثر من نوع فاليوم نفسه .. لأن الطفل يحب التنويع وما يحب الأكل المكرر..(8)
5) لا اتلحين على ولدج عشان ياكل خلي على راحته متى يبى ياكل بياكل لأن كثرة الالحاح يسد نفس الواحد ويخليه يعاند وما ياكل..(S)
الحين بذكر كم أكلة سويتها حق ولدي وأتمنى إنكم تذكرون انتو بعد.....
(حليب + بسكويت) ، (خبزانقطعه نفس الفتوش + زعتر> انحطه فالفرن وانقلبه كل شوي ) يستوي نفس الشيبس، ( خبز دوائر أو مثلثات+ لبنة + زعتر> انحطه فالتوست ) يئرمش لذيذ،( سليس +جبن> انحطه فالتوست)، ( عيدان الفوكة> انقطع الفواكة وانحطه إف عيدان الخشب )......
ولدج أو بنتج ما تاكل.. اتفضلي أقري..
u
20-03-2007 | 08:53 PM
ت
20-03-2007 | 09:05 PM
الله يعين يا ختيه ..بس حبيت اضيف اننا لا زم تبتعد تماما عن الشيبس والاكلات السريعه لانها فعلا مضره وبنفسي لاحظت كيف انسدت نفس ولدي عن الاكل تماما من بدا ياكل هالاشياء..
وخصوصا ان ولدي ما ياكل لا فواكه ولا خضروات ولا خبر ولا جبن ولا بسكوت ولا حليب ولا مربى :(
وخصوصا ان ولدي ما ياكل لا فواكه ولا خضروات ولا خبر ولا جبن ولا بسكوت ولا حليب ولا مربى :(
u
20-03-2007 | 09:20 PM
مشكورة أختي.... صج نسيت أكتب هاي النقطة المهمة .. خاصة إن الياهل من يبتدي ياكل ها الاكلات خلاص ينسى الاكل المفيد... ونقطة ثانية نسيتها بعد لا تحرمين اليهال من ها الاشياء بس خصصيلهم يوم كل فترة معينة حق ها الاكلات أو عطيهم كمكافئة لتصرف حسن بس عطيهم كمية صغيرة عشان ما يتم في خاطرهم ولا تنسين كل ممنوع مرغوب..
وبعد نقطة ثانية نسيتها خصصي يوم بالأسبوع اتروحين الجمعية ويا الطفل وخلي هو يختار الفواكة والخضرة للبيت وسويله سلطة أو أكلة مفيدة وكلي وياه..
وبعد نقطة اكل الياهل يعتمد على اكل الوالدين لازم اكلكم قدر الامكان يكون مفيد جدامهم .. ولا اتوفرون الاكلات المب مفيدة فالبيت.......
وبعد نقطة ثانية نسيتها خصصي يوم بالأسبوع اتروحين الجمعية ويا الطفل وخلي هو يختار الفواكة والخضرة للبيت وسويله سلطة أو أكلة مفيدة وكلي وياه..
وبعد نقطة اكل الياهل يعتمد على اكل الوالدين لازم اكلكم قدر الامكان يكون مفيد جدامهم .. ولا اتوفرون الاكلات المب مفيدة فالبيت.......
U
20-03-2007 | 10:13 PM
موضوع رائع مشكورة حبيبتي
د
20-03-2007 | 10:35 PM
افففف جنكم تدقون عالوتر الحساس
بنتي عنيدة من صوب الاكل
ذبحتني ولا ولدي الصغير عمره ثمان شهور ما ياكل الا اشياء محدودة مثل الروب بس والموز
ما يحب خضار او سيريلاك او فواكة
بنتي عنيدة من صوب الاكل
ذبحتني ولا ولدي الصغير عمره ثمان شهور ما ياكل الا اشياء محدودة مثل الروب بس والموز
ما يحب خضار او سيريلاك او فواكة
ت
20-03-2007 | 11:47 PM
هلا عزيزاتي
مشكورين على الموضوع اللي يشغل كل الامهات
!! !!
بس ما نقول إلا الله يعنا عليهم ان شاء الله
حبيت اضيف نقطه وهي اظهار البهجه والفرح وجعل
وقت الطعام وقت الفرح واللعب ،،،
وبعد نقطه ،،،
يمكن للطفل ان يشارك في اعداد الوجبه مع الام بشراء
ادوات الطهي البلاستيكيه المخصصه للاطفال ،،،
!! !!
وبخصوص الاطباق اللي اسويها لطفلي ،،،،
امممم اممممم اممممم
اسوي له الله يسلمكم ،،
( 1 )
معكرونه مضاف لها الكريمه و الخضروات
( 2 )
الفواكه بالعسل والروب
(3 )
شوربه الشوفان بالدجاج
هذي اللي اذكره وبحاول اقول لكم اطباقي الباقيه
في الايام الجايه ان شاء الله
!! !!
مشكورين على الموضوع اللي يشغل كل الامهات
!! !!
بس ما نقول إلا الله يعنا عليهم ان شاء الله
حبيت اضيف نقطه وهي اظهار البهجه والفرح وجعل
وقت الطعام وقت الفرح واللعب ،،،
وبعد نقطه ،،،
يمكن للطفل ان يشارك في اعداد الوجبه مع الام بشراء
ادوات الطهي البلاستيكيه المخصصه للاطفال ،،،
!! !!
وبخصوص الاطباق اللي اسويها لطفلي ،،،،
امممم اممممم اممممم
اسوي له الله يسلمكم ،،
( 1 )
معكرونه مضاف لها الكريمه و الخضروات
( 2 )
الفواكه بالعسل والروب
(3 )
شوربه الشوفان بالدجاج
هذي اللي اذكره وبحاول اقول لكم اطباقي الباقيه
في الايام الجايه ان شاء الله
!! !!
ا
21-03-2007 | 03:05 AM
دفء الجليد:
افففف جنكم تدقون عالوتر الحساس
بنتي عنيدة من صوب الاكل
ذبحتني ولا ولدي الصغير عمره ثمان شهور ما ياكل الا اشياء محدودة مثل الروب بس والموز
ما يحب خضار او سيريلاك او فواكة
الله يعينج اختي ..
انا ولدي ما كان ياكل أكل اليهال اللي في عمره( خضار مسلوقه. سيريلاك....الخ)كنت اعطيه من اكل البيت
مثل البطاطس اللي فالصالونه "اغسله بالماي عشان يخف منه الزيت والبهارات " وبعدين اهرسه واعطيه
اسوي له محلبيه الرز " تجبين الرز المطحون وتخلينه عالنار مع الماي لين ينضج ويستوي خليط شبه سايل وبعدين حطي عليه حليب من اللي يستخدمه ( بودره)..
والحين لما كبر ( سنتين)صرت احط له مع اخته(4 سنوات )في صحن الأكل اللي ابغيهم ياكلونه على الطاوله فالصاله واروح عنهم اجي الآقيهم ماكلين منه حتى ولو اشوي
لأن لو قلت لهم اكلوا ماراح ياكلون ولا حتى بيقربون منه وبعورني راسي من الحنه والرنه
u
21-03-2007 | 12:00 PM
:ok: مشكورين خواتي على الاضافات......... وأنا كتبت الموضوع بسرعة وأحسه ناقص .. إذا في أي إضافات عندكم .. أضيفوا ترى ما عندي مانع .. ومشكورين مرة ثانية,...:ok:
u
21-03-2007 | 12:04 PM
وفي نقطة بعد مهمة ......... لا تنسين اتعلمين ولدج أو بنتج آداب الطعام مثل : التسمية _ الأكل باليمين_ عدم فتح الفم والتكلم خاصة يوم الفم يكون متروس أكل _ غسل اليدين الخ.
ا
21-03-2007 | 04:07 PM
فعلا الاساسيات والاداب رائعة ومهمة لكل طفل مشكوورة يا ام محمد يعطيكي العافية
صحيح حبيت اضيف شغلة الاحظها على ابني محمود لما يفطر الصبح اي شي مثلا كورن فليكس وحليب او سندويش عسل او نوتيلا اللي هو احسه تنفتح شهيته يعني لما الغدا ياكل مظبوط
اللي بقصده كان الفطور يساعد الطفل على فتح شهيته طوول اليوم والفطور يعتبر من الاساسيات اعتقد
جربو وشوفو النتيجة
صحيح حبيت اضيف شغلة الاحظها على ابني محمود لما يفطر الصبح اي شي مثلا كورن فليكس وحليب او سندويش عسل او نوتيلا اللي هو احسه تنفتح شهيته يعني لما الغدا ياكل مظبوط
اللي بقصده كان الفطور يساعد الطفل على فتح شهيته طوول اليوم والفطور يعتبر من الاساسيات اعتقد
جربو وشوفو النتيجة
ق
22-03-2007 | 12:12 AM
انا عن نفسي بصراحة مليت من عناد بنتي ورفضها للاكل كنت اسوي اشكال من الاكل لها واشتري واحط وبالاخير اكبه فقلت ليش اعور راسي فصرت اقلل ما اسوي وايد لو باليوم اطبخ لها وجبة او ما اطبخ بالمرة الحين كملت سنتين ووجبتها فقط حليب في حليب يا اما حليب فراولة او موز او فانيليا او كاكاو طبعا مرات اشتري المراعي ومرات صافيو ونادر جدا ما تاخذ حليب نيدو سويت كل الطرق معها بالمحايل باللعب والضرابة بكل الطرق ما قدرت خليتها على راحتها ولو حطيت عنده صحن فيه اكل وخليته من الصبخ للعشا مستحيل تتقرب منه شو اسوي ما ادري فمخلتنها على راحتها لاني ما اقدر كل يوم على نفس الموال واعور راسي واحرق اعصابي وبالاخير ما شي اكل
عطوني حل على الاقل لو تاكل وجبة باليوم انا راضية والله راضية بس وجبة على الاقل قبل ما تنام لانها طول الليل كل شوي تقوم بسبب قلة الاقل مو قادرة تنام بس تقوم تاخذ هالحليب وترد تنام بس وهالحليب حتى لو قلنا مفيد بس انتوا عارفين الحين عمرها سنتين لازم تاكل راسها يستوي خفيف ما تقدر تنام
عطوني حل على الاقل لو تاكل وجبة باليوم انا راضية والله راضية بس وجبة على الاقل قبل ما تنام لانها طول الليل كل شوي تقوم بسبب قلة الاقل مو قادرة تنام بس تقوم تاخذ هالحليب وترد تنام بس وهالحليب حتى لو قلنا مفيد بس انتوا عارفين الحين عمرها سنتين لازم تاكل راسها يستوي خفيف ما تقدر تنام
s
22-03-2007 | 02:55 PM
السلام عليكم ميرسييي على الموضوع الرائع اختي قلووب مشكلة بنتك في الحليب حاولي ايقافه فتره فالطفل لما يشرب الحليب يسد نفسه عن الاكل استبدلي هالفترة الحليببالزبادي او جبن وبالتدريج انواع اكل اخرى وبالنسبة لاطباق الاطفال اسوي لولدي عمره سنتين جيبي بطاطس حجم صغير جدا تفرغيها مثل ما تفرغين الكوسا للمحشي بعدين اقليها واحشيها دجاج مع جزر مبشور وجبن موزاريلا واحطها شوي بالميكروويف لما يسيح الجبن وبالهنا
ل
22-03-2007 | 03:04 PM
u
24-03-2007 | 08:49 PM
صح كلامج يالدمشقية أنا مجربة يوم يفطر ولدي ينتظم جدوله لكن يوم يقوم من النوم متأخر أغديه على طول فما ياكل إلين المغرب لا يتقبل يتغدى ولا شيء ...
والاخت قلوب . . بنت أختي نفس بنتك مرة جربت وياها ويبتلها ملة صغيرة أصغر من ملة الشوربة وحطيت فيها معكرونة شوي مع إنها ما تحبها بس تبا شاي حليب مع صمون أو تاكل زعتر بروحه المهم قلتلها كلي بس لا تخلصينه كلة وكلت وقالت أبي بعد وأحطلها وأسوي عمري متأففة وأقولها بسج ما شبعتي والله كلت خمس ملال من ولا حبة بس أمها خربت علي حطتلها زيادة يوم صدت بنتها ورى وعاندت ما كلت عقبها جربي طريقتي أوخلي حد ثاني يجربلها يمكن تاكل .......
والاخت قلوب . . بنت أختي نفس بنتك مرة جربت وياها ويبتلها ملة صغيرة أصغر من ملة الشوربة وحطيت فيها معكرونة شوي مع إنها ما تحبها بس تبا شاي حليب مع صمون أو تاكل زعتر بروحه المهم قلتلها كلي بس لا تخلصينه كلة وكلت وقالت أبي بعد وأحطلها وأسوي عمري متأففة وأقولها بسج ما شبعتي والله كلت خمس ملال من ولا حبة بس أمها خربت علي حطتلها زيادة يوم صدت بنتها ورى وعاندت ما كلت عقبها جربي طريقتي أوخلي حد ثاني يجربلها يمكن تاكل .......
A
25-03-2007 | 10:31 PM
مشكلتي انا كبير مع اكل بنتي هي الحين عمرها سنتين واربع شهور ولحد هل الوقت ماتاكل الاكل العادي يعني الاكل لازم يكون لين عشان تاكله وما تاكل الاكل بروحا لازم اما ااكلها ..... لو اخلي الاكل جدامها او البسكوت ما اتزخه يعني لازم انا الاكل صج مليت ..... اشوف الي اصغر منها ياكلوا النيقت والدجاج عادي بس الي عندي لازم مطحون
س
26-03-2007 | 06:43 PM
[SIZE="4"]آآآآآآآآه انا بنتي عمرها 8شهور وبعملها خضار مسلوقة بس ما بتاكل غير لقمتين برضاها ولقمتين غصب وجبتلها سيريلاك بس ما حبته وهيي بترضع من صدري بس لازم تاكل شو الحل انجدوني
ب
06-04-2007 | 04:16 AM
اولادي ماياكلون شي
فأضطر اعطيهم الاكل اجبااااري
او اخليهم على رااااحتهم
لكن اذا سكت عنهم ماياكلون بالمرة
احيانأ اضطر اسوي لأبني اندومي لأن هو الوحيد اللي مجنون عليه وماشاء الله تنفتح نفسه للأكل على طوووول
اما بنتي اضظر اسوي لها البطاطا المقلية لكن مو بأستمراااار حتى ماتمتن وتصير دبه
فأضطر اعطيهم الاكل اجبااااري
او اخليهم على رااااحتهم
لكن اذا سكت عنهم ماياكلون بالمرة
احيانأ اضطر اسوي لأبني اندومي لأن هو الوحيد اللي مجنون عليه وماشاء الله تنفتح نفسه للأكل على طوووول
اما بنتي اضظر اسوي لها البطاطا المقلية لكن مو بأستمراااار حتى ماتمتن وتصير دبه
u
06-04-2007 | 08:53 PM
مرحبا أختي al shog بالتدريج حبيبتي يعني فالبداية عطيها الأكل مطحون بس مو ماي لا خليه فيه شوي حب شوي بس ويوم بتلقينها اتقبلت تاكله زيدي كمية الحب وخليه لين يكون وهكذا شوي شوي لين ما تتعود على اكلنا.
u
06-04-2007 | 09:02 PM
مرحبا أختي al shog بالتدريج حبيبتي يعني فالبداية عطيها الأكل مطحون بس مو ماي لا خليه فيه شوي حب شوي بس ويوم بتلقينها اتقبلت تاكله زيدي كمية الحب وخليه لين يكون وهكذا شوي شوي لين ما تتعود على اكلنا.