همتكم عرايس ابي هدايا لزوجي

مرحبا ..



من فتره قريبه خالتيه سوت هديه لزوجها ...( موبايل نوكيا , 4 عطور , و باقة ورد )



استانس عليها ...



تقدرين تهدينه شي يلبسه دوم ( عشان دووم تكونين في باله ) :shy:



مثل : نظاره او ساعه ...





موفقه حبيبتي و ان شاء الله تعجبه الهديه و يستانس فيها ....

عطور
ازره
اقلام
بوك
ساعه
جوال

او اي شي الكتروني

بس انتي دوم ابتدي بالاشيه الصغيرة وبعدين تدريجيا

شكرا لكم عزيزاتي هنوه واحلام صغيرة
ماقصرتوا
اختي هنوه:
عيبتني فكرتج انه اهديه شي يلبسه عشان دووووووووووم اكون في باله
اختي احلام صغيرة:
عيبتني فكرتج اني اتدرج فالهدايا

بنسبه عن نفسي
ممتلكه وحبيت اعطيه شي مميز غير عن العاده
شو سويت------رحت محل التصوير وللعلم هذي اول هديه له
شليت 12 صوره مني ومنه وقلت لمحل الصور يحطي لي اياهم في تقوم السنه
فيه صورنا وصار شكله رهيب لاني قلت له حط على كل شهر صوره رومنسيه مثل قلب ورود ودباديب والاشهر اللي فيه ميلادي وميلاده حطيت كيك وتاريخ او شهر ملكتنا حط صورتي وصورته في الملكه طلع الشكل جنان
وبعدين قلت للمصور يحط لي تي شرت وكوب وكاب فيه صور زوجي
واشتريت بطاقه وخليتها غير عن العاده اكيد في كلام خاص بس معظم البطاقه رسم اشكال تضحك وطنازه واضحك عليه وعلى نفسي خخخخخ
وسويت له ورد وحطيتهم كل الاغراض في مندوس صغير وزينته وكشخته وطله خبــــال يجنن
وعطيته الهديه ومات من الضحك فديته واستنانس يقولي انتي ام الحركات ووعدني انه بيلبس تي شرد والكاب ويشرب الشاي بالكوب بس في البيت ما علــــــيه خخخخ
والحين يحاول يقلدني بأشياء يعطيني اشياء غريبه غيور ما بيوصل لحركاتي خخخخخ

مشكوووووووووورة حبيبتي عالفكرة الحلوووووووووووووووة

خاطري اسويها

بس ما اقدر اودي صورنا مال الملجة هو ماشي مشكلة بس انا كيف مابكون متحجبة ؟؟؟؟؟؟؟؟؟؟

الا اذا كانوا حريم ممكن .... انا واااايد تعيبني هالحركات والله اتم ذكرى حلوة

يا الغاليه انا بعد متحجبه
بس وديت الصوره اللي لبست الشال لما اخوانه دخلوايعني متغطيه:gum:
وكان خاطري اودي الصوره اللي مطلعه فيها شعري تبان كشختي اكثر بس للاسف كان رجال
انتي عادي روحي عند الحرمه تصوير حريم اذا كان ما عندك صوره بالملكه متغطيه لابسه الشال
عادي تراهم حريم:clap:

ولا تنسين على كل شهر صوركم انزين واشهر عيد ميلادكم حطوا صوركم يوم صغار
وشهر المكله اذا حتى ما تبي صورتك على الاقل حطي صوره العصير او الكيك ولا الكوشه


من غير صور الثانيات لكي ولك:clap:
وحطي لهم اضافه على كل صوره من الشهر قلب ودبدوب هذي الشغلات انزين:ok:

ربي يوفقك
واذا تبي شي انا حاضره رسلي على الخاص:shy:

مراحب بصراحه فكرة (مسك وعود) روووووووووووووووعه اللي تحط الصور باالتقويم
والتيشيرت و،،،،،،،،،،
واذا رحتي لاي محل تغليف بتلاقين مليوووووون فكره
الله يـــــــوفقك ويسعدك

مبروك الزواج حبيبتي

أول شي نصيحة مني .. لا تقدمين هدايا غاليه على طول لأن فلوسج بتضييع من غير مناسبة مميزة

أغلب الماركات عندها علب هدايا خاصة يعني بوك مع قلم .. مذكرة مواعيد مع قلم .. أدوات حلاقة كاملة .. عطر مع ساعة .. الخ و طبعاً أفكار البنات رووووووعة ما شاء الله عليهم

هالسوالف خليها للمناسبات المميزة

لكن بالأيام العادية تدرين شنو أسوي ؟ شي وايد حلو

لما أطلع السوق مثلاً و أشوف شغله بسيطة تعجبني أشتريها له و أقوله اني تذكرته لما شفتها و تمنيتها له .. أي شي لدرجة اني شريتله مرة علبة ككاو كشخه يادوب فيها 4 قطع لأني مريت جنب المحل و تذكرته و طار من الفرحة لما قلتله هالكلام

مثلاً كنتي بمحل أطياب اخذيله دهن عود او بخور و قوليله انه اعجبج وايد

لا تنسين ان الهدية بقيمتها المعنوية أكثر من المادية .. ولا تكثرين عشان ما يتعود هههههههههه

و الله يوفقج :)

مشكوووووووووووووووووووووووورة اختي مسك وعود على هالمساعدة والافكار الروووعة

اوكي دام جي بيمع من الحين الصور وبخلي اييبلي صور هو يوم اصغير ههههه

بيقولي شوسالفتج ها؟ !!!!!!!!!!!!!!!!!

وممكن شكل ما قلتي احط صور ة الكوشة او العصير او الدبلة بعد او صورة ايادينا يوم هو يلبسني الدبلة (صور الملجة يعني)

يزاج الله خير حبيبتي والله يوفقج

واذا عندج اي افكار حلوووة شكل هالفكرة الروووعة طرشيلي عالخاص الغالية
(سوري حبيبتي تعبتج وياي)

تسلمون يا اخواتي دوما متألقة والدانة والله يوفق الجميع ان شاء الله:)

اختي fatayer:
مشكورة الغالية

وصدقج والله بالنسبة للهدايا خلصت فلوسنا من الحين :sad:

ان شاء الله حبيبتي بخذ على شورج عشان ما يتعود عالهدايا وتخلص كل الاشياء بعد وما يتم شي اقدمله اياه عقب العرس ان شاء الله وتبيخ السالفة ما بدلعه وايد ههههههههههههههههههه

الحمدلله اني ميمعتله اشياء بسيطة من فترة بس بجزأها وبعد بسوي فكرة الاخت مسك وعد اللي تينن وبخذ باراءكم الحلوة

ومننننكم نستفيد:)



تسلموووووووون الغاليات ما قصرتوا والله

موفقين وافكـــاركم حلووووه ...

هلا ماســــــات
بالعكس ما تعبتيني ولا شي
هذا من واجبنا احنا كأخوات نساعد بعض:shy:

عندي حركات جنونيه دائما اريد غير عن العاده
وحتى بكلام اللي اكتبه في البطاقات غير شكل خخخخخ:qaq:

انتي اذا احتجتي في شي وبغيتي شي اساعدك فيه بس ما عليك ترسلي في الخـــــــاص
وانتي والاخوات الثانيات اذا يبوا مني شي:shy:
انا حاضـــــــره:shy:

ولا تلمحين ابدااا حج زوجك بس قولي له ابى صورك يوم كنت صغير ومن اشبع منهم برجعلك اياهم
وخلي يدور عدل ويعطيك صوره يوم صغير وكبير خخخخخ
وانتي بعد خلي صورك احلى من صوره:gum:
تكشيخي بالجلابيات والشيلات زين زين:clap:
واذا ما عندك صور صوري بتلفون وخصوصا نوع تلفون نوكيا هذول مال n70 وغيرهم يطلعوا الصور حلوين انا كذا سويت وشلي الميموري مالت التلفون مالت الصور عند المصور هو بيعرف كيف بيتصرف

بتوفيق لك يا الغاليه:shy:

شكرا على مرورج اخت مسافات

مسك وعود ما شاء الله على افكارج الخطيييييييييييرة

تسلمين حبيبتي وان شاء الله براسلج عالخاص

وانتي اذا جربتي اي فكرة حوليها لي لا تنسييين:)



ميرسييييييييييييييييييييي الغاليةCOLOR="Sienna"][/COLOR]

:ok: ان شاء لله يا الغاليه
بس تعالي عاد خبرينا شو بييصير بعدين وشو سويتي معاه:qaq:

وكيف كانت رده فعله
انزين لا تنسينا احنا بأنتظـــــــــــــــــــــــارك:clap:

حفظك الرحمن:shy:

ان شاء الله حبيبتي

وان شاء الله تعجبه الهديه بس يبغيلي وقت شوي لين ما انفذ الفكرة لاني ما اشوفه الا فالويييك اند لين ما اطلب منه وييبلي الصور عاااد

بكون على اتصال وياج ان شاء الله

تسلمين الغالية

غاليتي ماسات

ألف مبروووووك على الملجه..

الله يسعدكم ويهنيكم إن شاء الله..

أنا قلت لازم أشارك واعطيج من أفكاري حتى لو كانت بسيطه..

احضري صندوق صغير وأوراق محارم ملونة وضعي داخل الصندوق زهور حمراء وبيضاء ثم ضعي بجامة نوم ورشي عليها عطره المفضل ( تكونين سائلتنه من قبل عن عطره المفضل) وشوكولاته وضعي بطاقة تقولين فيها "إنك ستكونين سعيدة لرؤيته مرتديها مستقبلا" :)

تقدرين اتغيرين محتويات الصندوق على راحتج مثلا ( بوك، قلم، ميداليه باسمه، ساعه، عطر، بزمه اذا يلبس، موبايل....... )

ويوم بيزورج في الملجه، طرشي حد من العيال يودي الهديه في سيارته وهو مايدري وعقب بيتفاجأ فيها يوم بيوصل البيت :)

إن شاء الله أكون أفدتج..

واسمحيلي عزيزتي على الاطاله..

حبيبتي والله مشكوووووورة عالفكرة الحلوة

ومنكم نستفيد ان شاء يوم بسويها بخبرج بس عاد كيف بسرق سويج سيارته هاي المشكلة !!!!!!!!!!!!


تسلمين الغاليه

هلا اختي ....

حبيت أفيدج بشي مره يوم بيزورج حاولي تاخذين موبايله واتغيرين اسمج باسم احلى مثل نور حياتي ، يابعدهم كلهم ، شمعة البيت ، عمري........... اي شي اكتبيله .. وطبعا يوم بتتصليله بيتفاجأ أكيــــد ...
أو ادخلي التقويم واكتبي هالعباره الحلوه (الحب الذي في قلبي حلق إليك مسافرا فشعر به جوالك فهل تشعر به أنت) واضبطي المنبه عالصبح يوم يكون فالدوام وبيتفاجأ وفي نفس الوقت بيستانس...

أتمنى اني أفدتج بشي ... هاي كبدايه وبعدين الهدايا *_*