كل بنات المنتدى دخلوا الموضوع جدا مهم سر تساقط رموشي

أختي العزيزة

استخدمي كحل الإثمد فهو مفيد جذا للنظر و للرموش و الرسول (صلى الله عليه و سلم) كان يستخدمه أربعة مرات على اليمين و ثلاث مرات على اليساربس يا أختي لما تشتريه تأكدي أنه أصلي و خالي من الرصاص
و بالنسبة لتساقط الشعر استخدمي الحناء بس لازم يكون عندك يقين أنه بيشفي عيونك و شعرك بإذن الله
و اسال الله العظيم أن يشفيك مما أنت فيه

مشكورة أختي انه اشتريت اليوم كحل الأثمد ولونه بني محمر وكان فيه بعد لون أسود بس انه قلت الى العطار اعطيني اللون البني المحمر لأن سمعت أنه اهو الأصلي صح ولا لا بس اهو على شكل بودرة شلون يثبت داخل عيني ؟؟؟؟؟؟ احطه من داخل العين كأني حاطة قلم كحل من داخل ؟؟؟؟؟؟؟؟

أختي العزيزة

لما تحطي الأثمد أول شي سمي بالله و توكلي على الله و بعدين بللي بشوية من الدموع و
حطيله الكحل عشان يثبت و سوي داخل عيونك مثل لما تكحلي بالقلم و الأفضل قبل النوم
و أعتقد أن اللون المحمر هو الأصلي لاني أكثر شيء أسمع عنه

أتمنى أكون أفدتك

وبعد زيت الخروع الخاص للرموش............

يجي اسطواني الشكل كبر الاصبع في بدايته مثل الكوره يطلع منها الزيت بمجرد الحركه............

من غير مايدخل في العين ويأذيها.........عن تجربه شخصيه والله ممتاز .......وطبعآ مع الاثمد الي

قالت عنه العروس الصغيره.........والله ينفع به ويجعل فيه الشفاء ويرحم ابوكي........

«•°¤ ..(f).. بِسْـــمِـ الـلّـــهـ الـرّحْمـــنـ الـرّحيـــمـ ..(f).. ¤°•»
.:!:..:!:..:!:..:!:.

حبيبتي كلامج يمكن صح

و العين و الحد مذكورين بالقرآن و لا شك في ذلك

و مشكوره على النصيحه تسلمين =)

.:!:..:!:..:!:..:!:.
×.::.(f).::.× مَعَــ حُبـــــِّــي ×.::.(f).::.×
.•°.*(f)*.°•. ™ BanTooTa .•°.*(f)*.°•.

بسمه تعالى

انا بكلمج عن نفسي وانتي اذا بجربين هذا الشئ يراجع لج اختي ,,

قصتي مع عيوني كانت اشحلات عيوني وكان يضرب فيه المثل رموش اطوال ومكحل من رب العالمين وما كنت ابدا اكحل ولا اضع شيئ مثل هالصبغات في عيوني ... الين صار عرس اخوي ورحت الصالون كان خاطري اجرب كحل داخل العين الله لا يراويج الالم والويل الي عانيته ...اليي صادني ثاني يوم زواج اخوي كنت اشتكي الويل من الانتفاغ والاحمرار وبعدها الالتهاب وانا عميه ما اشوف شي من الصبح اقعد والعيون كاني ضفدعة ويا حسرتي وش اسوي وما خليت دكتور ولا دكتورة ما رحت اليهم خاص وعام ,,,
وجربت كل الادوية والقطور والمرهم للعيون ...اسبوع عميه ويوم اشوف ضباب وحياتي انقلبت جحيم
بالصياح والالم ... لمدة ثاثة اشهر حست انه 3 سنوات وما كنت اطلع من البيت الا المستفى لان ما قدرت اقاوم الهوى والشمس وتغيرات الجو والبس نظارة كبيرة ... وهذى كانت حالتي ...

اليين ما جربت بعد ثلاثة شهور من العمى وفاقدة الامل ... الله يخليها الانسانة اليي قالت لي عليها ... يعطيها الف صحة وسلامة وطولت العمر يارب وجمايلها في رقبتي والله ما بنساها الفضل من الله ومن ثم اليها امي حبيبتي ....

دوائي كان بسيط ومن رب العالمين وجعلنا منه شفاء للعالمين .... هو ((((((( عسل السدر )))))))


صرت انقط في عيوني في الصباح والمساء عسل لمدة اسبوع يعني جرعتين وراح الالم والالتهاب والاحمرار وفتحت على الدنيا وما صدقت انا اليي كنت عمية ثلاثة اشهر .. الحمد لله والحين كل ما احس بتعب في العين او غبار او اي شئ على طول العسل ... حتى اشوف رموشى صر اطوال وغمق اللون بفضل رب العالمين ... وصار يرجع مثل قبل

وهذى تجربتي انا شخصيا ,,, الله يكون في عونج

واذا بجربين العسل يكون الافضا والاحسن عسل السدر الخالص الشفاء

مشكورين أخواتي والله لا يحرمني من تواصلكم معاي

أختي العزيزة ماريا منوين يبتي عسل السدر في البحرين ؟؟؟؟؟ وجم أحط أحسها صعبة شوي ممكن توضحي ؟؟؟

الغاليه شيكي على الخاص

خواتي ماقصرن وياج
والله يبعد عنج كل عين حاسده إن شاءالله ^___^
وربي يحفظج

الله يعينج الغالية

على فكرة حتى لو تغسلين شعرج بالسدر ويهج وايد زين عن تجربه تعرفين ذوبى السدر البودره فى شوية ماء وفركى به شعرج وأدخنى دايما بشب وخطف وخاصة ليلة الجمعه والله يزيل عنج الاذى والاثمد بعد وايد زين ...

ودايما اقرئى على نفسك المعوذاتصبح ومساء وعقب كل صلاة آية الكرسى ...

حبيبتي صورة الزجاجة الاولية هذا عسل السدر انا يبته من مكة المكرمة فيها 9ونصف كيلو عسل وسعرها تقريبا 80 دينار بحريني ..


اما عسل سدر جبلي الشفاء اخذتها من البحرين يبعون في اماكن كثيرةسوبر ماركت جزيرة او جواد او جيان من الركن الشفاء او اي مكان يباع العسل المهم تكون عسل السدر ...

طريقة الاستعمال :::
نقطة واحدة تصب في بياض العين وعند دخول العسل في العين تحرق العين وتدمع بطريقة فضيعة لكن اصبري لمدة ثواني تبرد العين ووتكون العين مغمضة لمدة 3 الى 4 دقائق ...
جرعة في الصباح وجرعة قبل النوم في الليل ...

سعر الزجاجة عسل الشفاء تقريبا 7 الى 8 دينار بحكم تصف كيلو ...

وهذي العسل السدر من احسن العسلات عامة بشكل غذا النحل تتغذا على السدر الجبلي ...

عزيزتي اذا ما حصلتي خبريني لان في ناس يجلبون لنا عسل السدر كيلو واحد في غرشة شربت بقيمة 10 دينار انا حاضر ..


اي سؤال انا في الخدمة

بالشفاء اه شاء الله

أخواتي العزيزات مشكورين على تعاونكم معاي

الغالية ماريا مشكورة على تعاونج معاي وان شاء الله بدوره وبرد عليج واجهت صعوبة

الغالية جربتي الأثمد ؟؟؟ واذا جربتيه منوين لقيتيه في البحرين ؟؟؟

الله يبعد عنج العين والحسد
ويشافيج ويعافيج ان شاءالله

ومشكوووره عالنصيحه

الله يشفيج حبيبتي

انا عني شخصيا استعمل الاثمد وقبل النوم ادهن رموشي بزيت الخروع واحس ان رموشي طولوا

وبالنسبة حق العسل ترى واااايد زين حق كل شي

وانا خذت الاثمد من مكه وهو بودره ولونه رصاصي وعندي لون ثاني بعد بني محمر بس اللي يبيع قال الاصلي يكون سعره 10 دينار واييبونه من ايران وهو حجر

واعتقد ممكن تحصلينه عند العطارين يعني تاخذين الحجر وتطحنينه بروحج

وبعد امس شفت اعلان عند مركز الطب النبوي عن مطول للرموش وهو شكله مثل المسكارا بس ما سألت بجم

وفي وحده بعد كتبت موضوع عن علاج للرموش اسمه MAVALA Eye-Lite Double Lash وتقول موجود في الصيدليات وانا قلت بجربه قريب ان شاء الله

أختي العزيزة أنا الشوق ممكن توضحين أكثر عن مطول الرموش ووين يصير هاي مركز الطب النبوي وأختي بخصوص مافالا للأسف انه رحت صيدلية الفارابي وناصر وما عرفوها ورحت بعد فيسز والحواج فما اعتقد انها موجودة في البحرين لأن البنات يقولون أنها موجودة في قزاز وقزاز مو موجود عندنا في البحرين ولو لقيتيها خبريني الله يخليج بس زيت الخروع منوين خذيتيه في البحرين ؟؟؟

انا اتو قع انك زعلتي واكيد اي وحده مكانك بتكون زعلانه على ابوها وترى ياعزيزتي
النفسيه لها دور على الشعر والرموش وبعد على البشره بس انصحك قبل ماتسوين اي شي
لازم تهدين نفسيتك شوي وبعدين ابدي بالي قالوه البنات واتمنى اكون افدتك والله يعوضك ان شالله خير

مشكورة أختي وإذا على النفسية كلش تعبانة شوية أضعف وأرد أسوي روحي قوية وأرد أرجع أضعف من قبل ما برتاح إلا إذا شفت رموشي صاروا أحسن

حبيبتي ما تشوفين شر

احتمال اللي فيج حالة نفسية لأنها تلعب دور مثل ما قالت MAREEA

اخوي صارت براسه ثعلبه بسبة الحاله النفسية و كان شعره حرير و كثيف ما شاء الله و قلنا حسد لكن الدكتور قال من نفسيته لأنه كان انطوائي وقتها و ما تحسن إلا لما طلع على الدنيا .. هدي أعصابج و غيري الغرفة اللي انتي فيها و رجعي لحياتج و ان شاء الله مع الوقت بتحسن صحتج و طبعاً كلام البنات وايد مفيد .. اشتري المكحله العربية ( الغرشة اللي فيها عود ) و فرغي الاثمد الاحمر فيها و استخدميه بسهولة

مشكورة أختي انه غيرت الحجرة بس تصدقين حالتي صارت أخس يالله الله كريم وان شاء الله اتحسن بسرعة